Fіlіplіlerä 1:7 - Enі Baalantı

⁷ Dooru, ani bölä sizin için düşünerim, zerä siz benim üreemdäysiniz. Hem açan sincirlärlän baalıyım, hem da açan İi Haberi koruyêrım hem aslısını çıkarêrım, siz hepsiniz pay alêrsınız bu hayırda benimnän barabar.

Ени Бааланты

⁷ Доору, ани бӧлӓ сизин ичин дӱшӱнерим, зерӓ сиз беним ӱреемдӓйсиниз. Хем ачан синӂирлӓрлӓн баалыйым, хем да ачан Ии Хабери коруйэрым хем аслысыны чыкарэрым, сиз хепсиниз пай алэрсыныз бу хайырда бенимнӓн барабар.

Fіlіplіlerä 1:7 Iomraidhean Croise

Yaptıklar 20:23

Sade herbir kasabada Ayoz Duh bana haberleer, ki orada beni sincirlär hem zeetlär bekleer.

Yaptıklar 21:33

Asker binbaşı, yaklaşıp, tuttu onu da sımarladı, baalasınnar iki sincirlän. Sora sordu: «Kimdir o hem ne yaptı?»

1 Korіnflіlerä 13:7

Sevgi hepsini örter, hepsini inanêr, hepsinä umut eder, hepsinä dayanêr.

1 Korіnflіlerä 9:23

Hepsini İi Haber için yapêrım, ki benim dä payım olsun İi Haberin iiliklerindän.

2 Korіnflіlerä 3:2

Siz bizim kiyadımızsınız – kiyat, ani bizim üreklerimizdä yazılı, herkezdän bilinän hem okunan.

2 Korіnflіlerä 7:3

Bunu sölämeerim, ki sizi kabaatlandırayım, ama nicä öncä söledim, siz bizim üreemizdeysiniz, ölä ki hazırız sizinnän hem ölmää, hem yaşamaa.

Galatіyalılara 5:6

Zerä İisus Hristozda yok paayı ne kesikliin, ne dä kesiksizliin, ama inanın, ani sevgiylän işleer.

Efeslіlerä 3:1

Onuştan bän, Pavli, İisus Hristozun izmetindä kapana düştüm sizin için, angınız başka milletlerdän.

Efeslіlerä 4:1

Butakım nasaatlêêrım sizi bän, Saabi için kapancı, yaşamanız yakışıklı olsun Onun çaarmasına görä, angısını kablettiniz.

Efeslіlerä 6:20

angısı için bän bir elçi gibiyim, sincirlärlän baalı. Dua edin, ani İi Haberi kıyışmaklan bildireyim, ki, nicä düşer, lafedeyim.

Fіlіplіlerä 1:12

İsteerim biläsiniz, kardaşlar, ani benim halım fayda oldu taa çok İi Haberin haberlenmesinä.

Fіlіplіlerä 1:13

Ölä ki annadı herkezi imperatorun binasında hem hepsi kalan insannar, ani bän sincirlärlän baalıyım Hristos için.

Fіlіplіlerä 1:14

Çoyu kardaşlardan, Saabiyä umutlanarak, benim sincirlerimdän taa çok kıyışmak edendilär da korkusuz söleerlär Allahın sözünü.

Fіlіplіlerä 1:5

zerä ilk gündän şindiyä kadar siz pay alêrsınız İi Haberi haberlemektä.

Fіlіplіlerä 2:22

Ama bilersiniz, nekadar denenmiş adam Timofey, zerä İi Haberi nasaat ederäk benimnän barabar izmet etti, nicä bir ool bobasınnan.

Fіlіplіlerä 4:14

Ama siz ii yaptınız, ani benimnän pay aldınız benim zeetlerimdä.

Fіlіplіlerä 4:15

Siz dä, Filiplilär, bilersiniz, ani açan İi Haber daalmaa başladı, da bän çıktım Makedoniyadan, bir dä klisä pay almadı yardım vermektä hem nasaat kabletmektä, sizdän kaarä.

Fіlіplіlerä 4:3

Sän dä, Sizig, hakına kafadarım, yardım et bu karılara, ani savaştılar İi Haberi nasaat etmää benimnän, Klementlän hem kalannarlan, ani benimnän işleerlär, angıların adları yazılı yaşamak kiyadında.

Koloslulara 4:18

Bän, Pavli, yazêrım bu selämi kendi elimnän. Unutmayın benim sincirlerimi. Sizinnän iivergi olsun. /Amin./

Koloslulara 4:3

Dua edin bizim için dä, ki Allah açsın bizä bir kapu nasaat için, ki haberleyelim Hristozun saklılıını, angısı için kapana düştüm,

1 Salonіklіlerä 5:5

Zerä siz hepsiniz aydınnık oolları, gündüz oolları, diiliz ne gecä, ne dä karannık uşakları.

2 Tіmofeyä 1:8

Onuştan, utanma şaatlık etmää bizim Saabi için hem utanma bendän dä, ani kapana düştüm Onun için, ama benimnän pay al zeetlenmektä İi Haber için Allahın kuvedinnän.

2 Tіmofeyä 2:9

Onuştan zeet çekerim, artık sincirlärlän baalayım nicä bir fena yapıcı, ama Allahın sözü sincirlän baalanmaz.

Fіlіmona 1:13

Bän istedim onu yanımda tutayım, ki senin erinä izmet etsin bana bu sincirlerdä, neylän baalıyım İi Haber için.

Çıfıtlara 3:1

Ölä ki, ayoz kardaşlarım, siz, ani bizimnän bilä gökä çaarıldınız, çevirin bakışınızı Apostola hem Baş popaza, Angısını şaatlık ederiz inanda, İisusa.

1 Petrіnіn 4:13

Buna karşı, sevinin, çünkü pay alêrsınız İisus Hristozun zeetlerindä, ki Onun metinnii açılmasında da sevinäsiniz hem şennenäsiniz.

1 Petrіnіn 5:1

Sizdeki presviterlerä yalvarêrım, çünkü kendim dä presviterim. Bän şaadım Hristozun zeetlerinä hem paydaşım metinniktä, ani lääzım açılsın.

2 Petrіnіn 1:13

Sanêrım, dooru olacek, ki nekadar vakıt bu erdeki güüdeylän olacam, sizi uyandırayım bunnarı aklınıza getirmäklän.

1 İoanın 3:14

Biz bileriz, ani ölümdän yaşamaya geçtik, zerä severiz kardaşlarımızı. O, kim sevmeer /kardaşını/, ölümdä kalêr.