Fіlіplіlerä 1:6 - Enі Baalantı

⁶ Pek inanêrım, ani O, Kim çekettirdi sizdä bu ii işi, bitirecek İisus Hristozun gününä kadar.

Ени Бааланты

⁶ Пек инанэрым, ани О, Ким чекеттирди сиздӓ бу ии иши, битиреӂек Иисус Христозун гӱнӱнӓ кадар.

Fіlіplіlerä 1:6 Iomraidhean Croise

İoan 6:29

İisus cuvap etti: «Budur Allahın işi, ki inanasınız Ona, Kimi O yolladı».

Yaptıklar 11:18

Sesleyip bu lafları, onnar uslandılar da metinnedilär Allahı, deyip: «Görüner, ani tayfännara da Allah verdi kolaylık, dönsünnär Ona günahlarından da yaşamak edensinnär».

Yaptıklar 16:14

Allahtan korkan bir karı, adı Lidiya, kıp-kırmızı bez satıcısıydı Fiyatira kasabasından, seslärdi bizi. Saabi açtı onun üreeni, ki esap alsın Pavlinin laflarını.

1 Korіnflіlerä 1:8

O kaavileyecek sizi bitkiyä kadar, ki çıkasınız kabaatsız o gün, nezaman bizim Saabi İisus Hristos gelecek.

2 Korіnflіlerä 1:15

Bu üzerä, büük inannan neetlendim ilkin sizä gideyim, ki iki katına iivergi Allahtan edenäsiniz,

2 Korіnflіlerä 2:3

Hep bunu yazdım sizä, ki, geldiynän, beni gücendirmesin, kim düşer sevindirsin. Zerä çok inanêrım, ani benim sevinmäm hepsinizi dä sevindirer.

2 Korіnflіlerä 7:16

Sevinerim, ani var nasıl umutlanayım sizä herbir iş üzerä.

2 Korіnflіlerä 9:4

Ölä ki, eer Makedoniyadan kimi adamnar benimnän gelirseydilär da sizi hazır bulmarsaydılar, biz – demeyelim siz! – utanmış kalmayalım, ani bukadar kıyışmaklan üündüm sizinnän.

Galatіyalılara 5:10

Saabidä büük inanım var, ani siz başka türlü düşünmeersiniz, ama o, kim sizi dolaştırêr, cezasını çekecek, kim dä o olsa.

Efeslіlerä 4:12

ki hazırlasınnar Allahın ayoz halkını izmetçilik yapmaa, Hristozun güüdesini yıvmaa,

Fіlіplіlerä 1:10

Ozaman tanıyabilirsiniz, ne faydalı, ki olasınız temiz hem kusursuz Hristozun günündä,

Fіlіplіlerä 1:29

Zerä sizä Hristos için verili, diil sade Ona inanasınız, ama zeetlenäsiniz dä Onun için.

Fіlіplіlerä 2:12

Ölä ki, sevgili kardaşlarım, nicä herzaman seslediniz, diil sade açan benim yanımdaydınız, ama taa çok şindi, açan bän yokum aranızda, saygıylan hem korkuylan çıkarın başa kurtulmanızı.

Fіlіplіlerä 2:13

Zerä Allah O, Kim işleer sizdä, ki hem isteyäsiniz hem yapasınız, ne O beener.

Fіlіplіlerä 2:16

Ölä ki olacek neylän üüneyim Hristozun günündä, ani boşuna çalışmadım hem boşuna işlämedim.

Koloslulara 2:12

Onunnan gömülüp vaatizliktä, hep Onunnan dirildiniz inannan Allahın kuvedinä, Angısı Onu ölüdän diriltti.

1 Salonіklіlerä 1:3

Dayma anêrız bizim Allah Bobanın önündä, nesoy inannan işleersiniz, nesoy sevgiylän savaşêrsınız, da nekadar dayanêrsınız, umudu koyarak bizim Saabi İisus Hristoza.

2 Salonіklіlerä 1:11

Tä bunun için herzaman dua ederiz sizin için, ki bizim Allah sizi uygun yapsın çaarmasına da kuvedinnän tamannasın herbir ii neetinizi iilik yapmaa hem herbir işi, ne inannan yapêrsınız.

2 Salonіklіlerä 3:4

Biz umut koyêrız Saabiyä sizin için, ani siz tamannêêrsınız hem tamannayacenız onu, ne biz sizä sımarlêêrız.

Fіlіmona 1:21

Yazdım sana, çok inanarak, ani sän sesleyecän, da bilerim, ani yapacan taa çok, nekadar bän isteerim.

Çıfıtlara 10:35

Ölä ki brakmayın girginniinizi, angısı için bir büük baaşış olacek.

Çıfıtlara 12:2

Uz İisusa bakalım, Angısı bizim inanın öncüsü hem tamannayıcısı. O, bakarak sevinmelää, ani gelecek, dayandı stavrozda gerili olsun. Bunu hiç utanmak saymadı da Allahın çorbacılık skemnesinin saa tarafına oturdu.

1 Petrіnіn 5:10

Allah hertürlü iivergi verer. O çaardı sizi Kendi diveç metinniinä, ani İisus Hristozda. Siz biraz zeetlendiktän sora, Kendisi sizi tamannaa getirecek, erleştirecek, kaavilendirecek hem sallanmaz yapacek.

2 Petrіnіn 3:10

Saabinin günü gelecek /gecä/ hırsız gibi. Ozaman göklär büük uuldamaklan geçecek, gökteki işlär büük sıcaktan eriyecek. Er hem ne yapılêr er üstündä, hepsi yanacek.