Efeslіlerä 1:4 - Enі Baalantı

⁴ Zerä O bizi seçti Hristozda dünneyin kurulmasından öncä, ki biz Onun önündä sevgidä ayoz hem kusursuz olalım.

Ени Бааланты

⁴ Зерӓ О бизи сечти Христозда дӱннейин курулмасындан ӧнӂӓ, ки биз Онун ӧнӱндӓ севгидӓ айоз хем кусурсуз олалым.

Efeslіlerä 1:4 Iomraidhean Croise

Matfey 24:22

Eer o vakıt kısaldılmaydı, kimsey kurtulamayaceydı, ama seçilmişlerin hatırı için o vakıt kısaldıldı.

Matfey 24:24

Zerä peydalanacek yalancı hristoslar hem yalancı proroklar. Yapaceklar büük nışannar hem şaşmaklı işlär, aldatsınnar deyni, olarsaydı kolay, artık seçilmiş olannarı da.

Matfey 24:31

O yollayacek büük boru sesinnän angillerini. Onnar toplayaceklar Onun seçilmişlerini dört taraftan, gökün bir kenarından öbür kenarınadan.

Matfey 25:34

Ozaman Padişah deyecek saa tarafında olannara: „Gelin, Bobamın iisözlenmişleri, da elä alın Padişahlıı, ani hazırlanmış sizä dünneyin kurulmasından.

İoan 10:16

Bendä var başka koyunnar da, ani diil bu auldan. Onnarı da lääzım getireyim. Onnar sesleyeceklär Benim sesimi. Ozaman olacek bir sürü hem bir güdücü.

İoan 15:16

Siz Beni seçmediniz, ama Bän sizi seçtim. Sıraladım, gidip, meyva getiräsiniz, da hojma olsun meyvanız, ki ne dä isteyeceniz Bobadan Benim adıma, sizä versin.

İoan 17:24

Boba, isteerim, ki orada, neredä Bän olacam, olsunnar Benimnän barabar onnar da, kimi Sän verdin Bana, ki görsünnär Benim metinniimi, ani verdin Bana, zerä Sän Beni sevdin dünneyin kurulmasından ileri.

Yaptıklar 13:48

İudey olmayannar, açan işittilär bunu, sevindilär hem metinnedilär Saabinin sözünü, da hepsi, kim sıralanmıştı diveç yaşamak için, inandılar.

Yaptıklar 15:18

deer Saabi“, ani baştan bildirdi bunnarı.

Yaptıklar 18:10

Bän seninnänim, kimsey elini sana koyamayacek, ki kötülük yapsın deyni, zerä Benim var çok insanım bu kasabada».

Romalılara 8:33

Kim kabaatlayacek Allahın seçilmiş insanını? Allah onnarı dooru sayêr.

1 Korіnflіlerä 1:8

O kaavileyecek sizi bitkiyä kadar, ki çıkasınız kabaatsız o gün, nezaman bizim Saabi İisus Hristos gelecek.

Galatіyalılara 5:13

Serbestlää çaarılmışınız, kardaşlar, sade serbestliktän yapmayın, ki izmet edäsiniz teninizä, ama sevgiylän izmet edin biri-birinizä.

Galatіyalılara 5:22

Ama Ayoz Duhun meyvası – sevgi, sevinmäk, usluluk, saburluk, acıyannık, iilik, inancılık,

Galatіyalılara 5:6

Zerä İisus Hristozda yok paayı ne kesikliin, ne dä kesiksizliin, ama inanın, ani sevgiylän işleer.

Efeslіlerä 2:10

Zerä biz – Allahın ustalıı, İisus Hristozda yaradılı, ki yapalım iilikleri, ne Allah öncä hazırladı, ki yaşarkan tamannayalım.

Efeslіlerä 3:17

ki inannan Hristos sizin üreklerinizdä yaşasın.

Efeslіlerä 4:2

Herzaman yavaş, yalpak hem saburlu olun, dayanın biri-birinizä sevgiylän.

Efeslіlerä 5:2

Sevgiliktä yaşayın, nicä Hristos bizi sevdi da Kendini bizim için verdi Allaha gözäl kokulu bir baaşış hem kurban gibi.

Efeslіlerä 5:27

da onu Kendi önünä çıkarsın bir metinni klisä gibi, lekesiz, buruşuksuz hem başka kedersiz, ki ayoz hem kusursuz olsun.

Fіlіplіlerä 2:15

ki olasınız kusursuz hem temiz, Allahın lekesiz uşakları bu bozuk hem sapık senselenin ortasında. Onnarın arasında siz, sıkı tutarak yaşamak verän sözü, şafk edersiniz, nicä yıldızlar göktä.

Koloslulara 1:22

zerä Hristos güüdeycesinä öldü, ki getirsin sizi Allahın önünä ayoz, kusursuz hem kabaatsız.

Koloslulara 2:2

İsteerim, ani onnarın ürekleri hoşlansın hem sevgiylän birleşsinnär, ki taman bilimin bütün zenginiini edensinnär da tanısınnar Allahın saklı kurulmuşunu, ani Hristostur,

Koloslulara 3:12

Onuştan giinin, nicä Allahın seçilmişleri, ayoz hem sevgili, acıyannıı, iilii, yavaşlıı, yalpaklıı, saburluu.

1 Salonіklіlerä 3:12

Saabi zeedelesin hem taştırsın sevginizi biri-birinizä hem hepsinä, nicä dä biz sizi severiz,

1 Salonіklіlerä 4:7

Çünkü Allah çaarmadı bizi diilpaklaa, ama çaardı ayozlaa.

2 Tіmofeyä 1:9

O kurtardı bizi da çaardı, Kendi ayoz halkı olalım, diil bizim yaptıklarımıza görä, ama Kendi kurulmuşuna hem iivergisinä görä, ani verildi bizä İisus Hristozda baştan diveçliktän,

2 Tіmofeyä 2:10

Bunun için hepsinä dayanêrım seçilmişlär için, ki onnar da kurtulmak edensinnär, ani İisus Hristozda, diveç metinniklän.

2 Tіmofeyä 2:19

Ama Allahın temeli kaavi durêr da bölä mühürlü: «Saabi tanıyêr Kendikilerini» hem «Uzaklaşsınnar kötülüktän hepsi, kim çaarêr Saabinin adını».

İakovun 2:5

Sevgili kardaşlarım, sesleyin. Seçmedi mi Allah bu dünnedä fukaara olannarı, ki inanda zengin olsunnar hem mirasçı padişahlıkta, angısı adandı onnara, kim Allahı sever?

1 Petrіnіn 1:2

Seçildiniz Allah Bobanın öncä bilmesinä görä, Allahın Duhunnan ayoz halk olarak, ki sesleyäsiniz İisus Hristozu, hem Onun kanı serpilsin üstünüzä. Sizä iivergi hem usluluk zeedelensin.

1 Petrіnіn 1:20

O dünneyin kurulmasından öncä bilinärdi, ama açıldı bitki vakıtlarda sizin için.

1 Petrіnіn 2:9

Siz sä bir seçilmiş senselä, Padişahın popazları, bir ayoz millet, Allahın kendi insanıysınız. Seçildiniz, ki haberleyäsiniz şannı yaptıklarını Onun, Angısı çaardı sizi karannıktan Kendi şaşılacak aydınnıına.

2 Petrіnіn 3:14

Onuştan, sevgili kardaşlar, çünkü bunnarı bekleersiniz, çalışın Onun önündä lekesiz, kusursuz hem uslulukta olasınız.

1 İoanın 4:16

Biz annadık hem inandık sevgiyi, angısı Allahta var bizim için. Allah – sevgi, da kim yaşêêr sevgidä, o kalêr Allahta, Allah da onda.

Apokalіpsіs 13:8

Hepsi yaşayannar er üstündä ona baş iildecek, kimin adları dünneyin kurulmasından buazlanmış Kuzunun yaşamak kiyadında diil yazılı.

Apokalіpsіs 17:8

Canavar, angısını gördün, öncä vardı, ama şindi yok. O dipsizliktän çıkacek da kayıplaa gidecek. Erdä yaşayannar, kimin adları dünneyin kurulmasından diil yazılı yaşamak kiyadında, şaşaceklar, görüp canavarı, ani öncä vardı, şindi yok, ama genä gelecek.