Çıfıtlara 9:24 - Enі Baalantı

²⁴ Zerä Hristos girmedi eldän yapılı bir Ayoz erä, angısı hakına Ayoz erin benzetmesiydi, ama girdi uz gökä, ki

Ени Бааланты

²⁴ Зерӓ Христос гирмеди елдӓн йапылы бир Айоз ерӓ, ангысы хакына Айоз ерин бензетмесийди, ама гирди уз гӧкӓ, ки

Çıfıtlara 9:24 Iomraidhean Croise

Matfey 18:10

Bakın, aşaalatmayın birisini bilä bu en küçüklerdän, zerä söleerim sizä, onnarın angilleri göktä herzaman görerlär Benim Gökteki Bobanın üzünü. /

Mark 14:58

«Biz işittik, nicä O deyärdi: „Bän yıkacam bu adam elinnän yapılmış Ayoz binayı, da üç günä kadar enidän kaldıracam başka bir bina, diil adam elindän yapılı“».

Mark 16:19

Bunnarı sölediktän sora Saabi İisus gökä alındı da Allahın saa tarafında oturdu.

Luka 24:51

Açan iisözlärdi onnarı, ayırıldı onnardan da kalktı gökä.

İoan 16:28

Geldim Bobadan bu dünneyä, şindi brakêrım dünneyi da dönerim Bobaya».

İoan 6:62

Ne deyeceniz, açan göreceniz Adam Oolunu kalkarak enidän orayı, neredä O baştan bulunardı?

Yaptıklar 3:21

Angısını göklär lääzım kabletsin o zamana kadar, nezaman hepsi enidän sıraya koyulacek, nicä Allah eveldän Kendi ayoz proroklarının aazından lafetti.

Romalılara 8:33

Kim kabaatlayacek Allahın seçilmiş insanını? Allah onnarı dooru sayêr.

2 Korіnflіlerä 5:1

Bileriz, ani açan bu erdeki evimiz, bu çadır yıkılacek, Allahtan bir diveç binamız var – göktä bir ev, yapılı diil adam elinnän.

Koloslulara 3:2

Düşünün gökteki işlär için, ama diil erdeki işlär için.

Çıfıtlara 1:3

Ool Allahın metinniin aydınnıı hem Onun varlıın görümü da hepsini tutêr Kendi kudretli sözünnän. O, paklayıp bizim günahları, oturdu üüseklerdä, büük Olanın saa tarafında.

Çıfıtlara 12:2

Uz İisusa bakalım, Angısı bizim inanın öncüsü hem tamannayıcısı. O, bakarak sevinmelää, ani gelecek, dayandı stavrozda gerili olsun. Bunu hiç utanmak saymadı da Allahın çorbacılık skemnesinin saa tarafına oturdu.

Çıfıtlara 4:14

Ölä ki, çünkü bizdä var bir şannı Baş popaz, ani geçti göklerdän, İisus, Allahın Oolu, kaavi tutunalım inandan, angısını şaatlık ederiz.

Çıfıtlara 6:20

nereyi İisus öncä girdi bizim için, olarak divecinä Baş popaz, Melkisedek gibi.

Çıfıtlara 8:2

O izmetçidir Ayoz erdä, hakına Buluşmak Çadırında, ani kurulu Kendindän Saabidän, ama diil insandan.

Çıfıtlara 8:5

Onnar izmet ederlär göktekilerin benzemesinä hem gölgesinä, nicä Allah söledi Moiseyä, açan yapaceydı Buluşmak Çadırını: «Bak da yap hepsini örnää görä, ne gösterildi sana bayır üstündä».

Çıfıtlara 9:1

İlk baalantının da izmetçilik sıraları hem erdeki Ayoz eri vardı.

Çıfıtlara 9:23

Eer gökteki aslıların benzetmeleri butürlü lääzımsa paklansın, nekadar taa çok lääzımdı gökteki hakına aslıları paklasınnar taa ii kurbannarlan.

Çıfıtlara 9:9

Bu çadır bizim vakıtlar için bir benzetmäktir. Baaşışlar hem kurbannar getirilir, angıları yok nasıl heptän paklasınnar onnarın üzlerini, kim baş iilder Allaha.

1 Petrіnіn 3:22

Hristos gökä kalktı da Allahın saa tarafında oturdu. Onun zapına verildilär angillär, zaabitliklär hem kuvetlär.

Apokalіpsіs 8:3

Sora geldi başka bir angil da durgundu altar önündä, bir altın kadilniţa elindä. Verildi ona çok günnük, ki Allahın bütün ayoz halkının dualarınnan koysun altın altar üstünä, ani bulunêr çorbacılık skemnesinin önündä.