Apokalіpsіs 6:10 - Enі Baalantı

¹⁰ Onnar baarardılar büük seslän da deyärdilär: «Ayoz hem dooru Çorbacı, nezamanadan daava kesmeyecän da cezalamayacan er üstündä insannarı bizim kanımız için?»

Ени Бааланты

¹⁰ Оннар баарардылар бӱӱк сеслӓн да дейӓрдилӓр: «Айоз хем доору Чорбаӂы, незаманадан даава кесмейеӂӓн да ӂезаламайаӂан ер ӱстӱндӓ инсаннары бизим канымыз ичин?»

Apokalіpsіs 6:10 Iomraidhean Croise

Luka 2:29

«Saabi, şindi salver usluluklan Senin çıraanı, nicä Sän adadın,

Luka 21:22

Bunnar ceza günneri olacek, ki tamannansın hepsi, ne yazılı.

Romalılara 12:19

Sevgili kardaşlar, kimseydän kin çıkarmayın, brakın Allahın üfkesinä, zerä yazılı: «Kin çıkarmak Benimdir, Bän ödeyecäm kötülüklär için, deer Saabi».

Çıfıtlara 12:24

Yaklaştınız eni baalantının Aracısına, İisusa, hem serpili kana, ani taa ii işleri annadêr, nekadar Avelin kanı.

2 Petrіnіn 2:1

Ama insan arasında yalancı proroklar peydalandı. Onnar sizin aranızda da peydalanacek, nasaat edip yalancı üüretmeklär. Onnar saklıdan sokaceklar aranıza kayıplık getirän bölünmeklär. Orayı kadar etişeceklär, ani Saabidän, Angısı onnarı satın aldı, atılaceklar. Bununnan onnar kendi üstlerinä tez kayıplık getireceklär.

Apokalіpsіs 11:18

Milletlär üfkelendiydilär, ama şindi Senin üfkän geldi. Vakıt da geldi, ki ölülerä daava kesäsin, ödek veräsin proroklara, Senin çıraklarına, hem ayoz halkına, onnara, kim ikramnêêr Senin adını, küçüklerä hem büüklerä, hem telef edäsin onnarı, kim telef eder er üzünü».

Apokalіpsіs 18:20

Ey, gök, sevin onun başına gelennär için! Sevinin, Allahın ayoz halkı, apostollar hem proroklar, zerä Allah ona daava kesti hem dooruluunuzu çıkardı».

Apokalіpsіs 18:24

Zerä sendä prorokların hem Allahın ayoz halkının hem hepsi erdä buazlanannarın dökülü kannarı bulundu».

Apokalіpsіs 19:2

Zerä aktır hem doorudur Onun daavaları. Çünkü O daava yaptı büük orospu karıya, kim bütün eri orospuluunnan hayırsızlaa götürdü. Ona ceza verdi kendi çıraklarının kannarı için, ani onun elindän döküldü».

Apokalіpsіs 3:10

Çünkü tamannadın Benim sımarlamamı dayanmak için, Bän dä koruyacam seni denemäk vakıdından, ani gelecek bütün dünneyin üstünä, ki denesin onnarı, kim er üstündä yaşêêr.

Apokalіpsіs 3:7

Filadelfiya klisesinin angilinä yaz: „Bölä deer Ayoz hem Dooru Olan, Kimdä var Davidin anatarı, Kim açêr, da kimsey kapayamêêr, kapêêr, da kimsey açamêêr.