Apokalіpsіs 21:3 - Enі Baalantı

³ Çorbacılık skemnesindän bir büük ses işittim, ani deyärdi: «Budur, Allahın çadırı insannar arasında! O yaşayacek onnarlan. Onnar Onun insanı olacek, hem Kendi Allah onnarın arasında onnarın Allahı olacek.

Ени Бааланты

³ Чорбаӂылык скемнесиндӓн бир бӱӱк сес ишиттим, ани дейӓрди: «Будур, Аллахын чадыры инсаннар арасында! О йашайаӂэк оннарлан. Оннар Онун инсаны олаӂэк, хем Кенди Аллах оннарын арасында оннарын Аллахы олаӂэк.

Apokalіpsіs 21:3 Iomraidhean Croise

İoan 1:14

Söz adam oldu, bizim aramızda yaşadı, iivergiylän hem aslılıklan dolu. Onun metinniini gördük, nicä Bobadan biricik Oolun metinniini.

İoan 14:23

Dooru cuvap etti İisus: «Kim sever Beni, o tamannêêr Benim sözümü. Bobam da onu sever, biz ona gelecez da barabar yaşayacez.

2 Korіnflіlerä 6:16

Ne kayıllık olêr Allahın ayoz binasının hem idolların arasında? Çünkü siz diri Allahın ayoz binasıysınız, nicä dedi Allah: «Bän yaşayacam hem gezecäm onnarın arasında. Onnarın Allahı olacam, onnar da Benim insanım olacek».

2 Korіnflіlerä 6:18

«Bän Boba sizä olacam, siz da oollar hem kızlar Bana olacenız», – deer Saabi, Çokkudretli.

1 Salonіklіlerä 3:11

Kendi bizim Allah Boba hem Saabimiz İisus Hristos doorutsun bizim yolumuzu sizä.

Çıfıtlara 11:16

Ama onnar özenärdilär bir taa ii erä, gökteki erä. Onuştan Allah utanmêêr adlansın onnarın Allahı, zerä onnar için bir kasaba hazırladı.

Çıfıtlara 8:10

Tä, budur baalantı, ne İzrail milletinnän yapêrım o günnerdän sora, deer Saabi: Benim zakonnarımı onnarın fikirlerinä koyacam hem üreklerinä yazacam. Bän onnarın Allahı olacam, onnar da Benim halkım olaceklar.

Çıfıtlara 8:2

O izmetçidir Ayoz erdä, hakına Buluşmak Çadırında, ani kurulu Kendindän Saabidän, ama diil insandan.

Apokalіpsіs 10:4

Açan edi gök gürültüsü gürüldedi, bän istedim yazmaa, ama işittim bir ses göktän, ani dedi bana: «Tut saklı, ne edi gök gürültüsü dedi, da yazma bu sözleri».

Apokalіpsіs 10:8

O ses, ani işittiydim göktän, enidän lafetti benimnän da dedi: «Git, al açık küçük kolayı angilin elindän, angısı durêr deniz hem er üstündä».

Apokalіpsіs 12:10

Bän işittim bir büük ses göktän, ani deyärdi: «Şindi kurtulmak, kudret, bizim Allahın padişahlıı hem Hristozunun zaabitlii erleştirildi, zerä aşaa atıldı bizim kardaşların kabaatlandırıcısı, kim gecä-gündüz onnarı kabaatlandırardı bizim Allahın önündä.

Apokalіpsіs 21:7

Kim enseyecek, o bunnarı edenecek. Bän ona Allah olacam, o da bana ool olacek.

Apokalіpsіs 22:3

Hem hiç bişey betvalı orada olmayacek. Ama Allahın hem Kuzunun çorbacılık skemnesi orada olacek, hem Onun çırakları Ona izmet edeceklär.

Apokalіpsіs 7:15

Onuştan onnar bulunêrlar Allahın çorbacılık skemnesinin karşısında da izmet ederlär Ona gecä-gündüz Onun Ayoz binasında. Çorbacılık skemnesindä Oturan çadırını onnarın üstünä gerecek.