Matfey 9:2 - Ени Бааланты

² Гетирдилӓр Она бир кӧтӱрӱм хаста, ангысы йатарды дӧшек ӱстӱндӓ. Иисус, гӧрӱп оннарын инаныны, деди кӧтӱрӱм адама: «Гиргиннӓн, оолум! Гӱнахларын баашланды».

Enі Baalantı

² Getirdilär Ona bir kötürüm hasta, angısı yatardı döşek üstündä. İisus, görüp onnarın inanını, dedi kötürüm adama: «Girginnän, oolum! Günahların baaşlandı».

Matfey 9:2 Iomraidhean Croise

Matfey 14:27

Ама Иисус деди оннара: «Усланын, бу Бӓним, коркмайын!»

Matfey 4:24

Онун ичин хабер даалды бӱтӱн Сирийа ерлериндӓ. Она гетирӓрдилӓр хепсини, ким зеетленӓрди хертӱрлӱ хасталыктан, аарыдан, фена духлардан, кара хасталыктан хем паралич хасталыындан. Оннара саалык верӓрди.

Matfey 6:12

Баашла бизим борчларымызы: Ниӂӓ биз дӓ баашлээрыз бизӓ борчлу оланнары.

Matfey 8:10

Ачан Иисус ишитти бу лафлары, шашты да деди оннара, ким гелӓрди Онун ардына: «Доору сӧлеерим сизӓ, ани бӱтӱн Израил ичиндӓ булмадым бӧлӓ бӱӱк инан.

Matfey 8:16

Авшамнен гетирдилӓр Она чок инсан, фена духтан зеетленмиш. О саде бир сӧзӱннӓн оннардан фена духлары чыкарарды хем хепси хасталары алыштырарды,

Matfey 9:22

Иисус дӧндӱ геери, гӧрдӱ ону да деди: «Гиргиннӓн, кызым! Сенин инанын сени алыштырды». О кары хемен саа олду.

Matfey 9:5

Не таа колай: демӓӓ „Гӱнахларын баашланды“ мы оса демӓӓ „Калк, да гез“ ми?

Matfey 9:6

Ама ки билӓсиниз, ани Адам Оолунун вар куведи ер ӱстӱндӓ гӱнахлары баашласын…», – сора кӧтӱрӱм адама деди: «Калк, ал дӧшеени да гит евӓ!»

Mark 1:32

Авшамнен, гӱн каушмасында, хепси хасталары хем фена духтан тутулмушлары Иисуса гетирӓрдилӓр.

Mark 10:49

Иисус дургунду да деди: «Чаарын ону». Чаардылар кӧӧр адамы да дедилӓр: «Калк да гиргин ол, О сени чаарэр».

Mark 5:34

Иисус деди она: «Кызым! Сенин инанын сени алыштырды, гит услулуклан да саа ол сенин хасталыындан».

Mark 6:50

Зерӓ хепси, гӧрӱп Ону, корктулар. Озаман Иисус деди оннара: «Усланын, бу Бӓним, коркмайын!»

İoan 16:33

Сӧледим буннары, ки услулуунуз олсун Бендӓ. Бу дӱннедӓ зеет гечиреӂениз, ама гиргинненин, Бӓн енседим дӱннейи!»

İoan 2:25

Онун йокту лӓӓзымныклыы, ки биркимсей аннатсын инсан ичин, зерӓ О Кендиси билӓрди, не вар инсанын ӱреендӓ.

İoan 21:5

Иисус деди оннара: «Ушакларым! Туттунуз му бишей сабаа имееси ичин?» Оннар ӂувап еттилӓр: «Тутмадык».

Yaptıklar 14:9

О, отуруп ердӓ, сеслӓрди, не сӧлеер Павли. Павли бакты уз онун гӧзлеринӓ, гӧрдӱ, ани онда вар инан саа олмаа дейни,

Yaptıklar 19:12

Она кадар, ани басмалар йада парчалар, нейӓ диимишти о, ачан гӧтӱрӱлӱп койулурду хасталара, оннар алышарды хасталыктан хем фена духлардан куртулурду.

Yaptıklar 23:11

Ертеси геӂӓ Сааби гӧрӱндӱ Павлийӓ да деди: «Гиргин ол, Павли, зерӓ ниӂӓ шаатлык еттин Беним ичин Иерусалимдӓ, хеп ӧлӓ лӓӓзым олаӂэк, шаатлык едӓсин Ромада да».

Romalılara 5:11

Диил саде бу, ама биз Аллахлан да ӱӱнериз, чӱнкӱ Саабимиз Иисус Христос шинди бизи Аллахлан барыштырды.

İakovun 2:18

Беки дӓ биркимсей дейеӂек: «Сендӓ вар инан, бендӓ вар ишлӓр». Гӧстер бана сенин ишсиз инаныны, бӓн дӓ сана беним инанымы ишлеримнӓн гӧстереӂӓм.