Matfey 24:9 - Ени Бааланты

⁹ Озаман зеетлейеӂеклӓр сизи хем ӧлдӱреӂеклӓр, хем Беним адым ичин хепси миллетлӓр сиздӓн азетмейеӂек.

Enі Baalantı

⁹ Ozaman zeetleyeceklär sizi hem öldüreceklär, hem Benim adım için hepsi milletlär sizdän azetmeyecek.

Matfey 24:9 Iomraidhean Croise

Matfey 22:6

Таа башкалары туттулар чыраклары, гӱлмӓӓ алып, ӧлдӱрдӱлӓр оннары.

Matfey 23:34

Онун ичин, тӓ, йоллээрым сизӓ пророклары, аарифлери хем билгичлери. Кимисини ӧлдӱреӂениз да ставроза гереӂениз, башкаларыны дӱӱйеӂениз сизин синагогаларда хем коолайаӂэныз оннары касабадан касабайа.

Luka 11:49

Онуштан Аллахын Аарифлии деер: „Йоллайаӂам оннара Беним пророкларымы хем апостолларымы: кимисини ӧлдӱреӂеклӓр, кимисини коолайаӂэклар!“.

Luka 21:12

Хепсиндӓн ӧнӂӓ сизи тутаӂэклар хем коолайаӂэклар. Вереӂеклӓр синагогалара хем зынданнара, чыкараӂэклар сизи падишахларын хем кулланыӂыларын ӧнӱнӓ Беним адым ичин.

İoan 15:18

Еер дӱннӓ сиздӓн азетмӓрсейди, билин, ани сиздӓн илери Бендӓн азетмеди.

İoan 15:21

Хепсини буннары йапаӂэклар сизӓ Беним адымын бетеринӓ, зерӓ оннар танымээрлар Ону, Ким Бени йоллады.

İoan 16:2

Уурадаӂэклар сизи синагогалардан. Гелеӂек артык ӧлӓ бир вакыт, ачан херкез, ким сизи ӧлдӱреӂек, санаӂэк, ани бунуннан Аллаха измет едер.

Yaptıklar 28:22

Ама биз истеериз сендӓн ишитмӓӓ, ки аннайалым, ниӂӓ сӓн дӱшӱнерсин, зерӓ билериз, ани бу сектайа херердӓ каршы чыкылэр».

Yaptıklar 7:59

Ачан ташлан ӧлдӱрӱрдӱлӓр Стефаны, кендиси дуа едӓрди да дейӓрди: «Сааби Иисус, каблет беним духуму!»

1 Petrіnіn 4:16

Ама еер сӓн зеетленӓрсейдин христиан гиби, утанма, ама метиннӓ Аллахы, чӱнкӱ Христозун адыны ташыйэрсын.

Apokalіpsіs 2:10

Не лӓӓзым олаӂэк гечирӓсин, бишейдӓн коркма. Диавол кимисини сиздӓн капана атаӂэк, ки дененӓсиниз. Зеетленмиш олаӂэныз он гӱн. Ол инанч ӧлӱмӓ кадар, да вереӂӓм сана йашамак фенецини.

Apokalіpsіs 2:13

Билерим, нередӓ йашээрсын. Шейтанын чорбаӂылык скемнеси орада. Хеп окадар инанч калэрсын Беним адыма да вазгечмедин Бана инанмаа, артык о гӱннердӓ, незаман Антипа, Беним инанч шаадым, ӧлдӱрӱлдӱ аранызда орада, нередӓ шейтан йашээр.

Apokalіpsіs 7:14

«Чорбаӂы, – ӂувап еттим бӓн, – сӓн билерсин». О деди бана: «Буннар о бӱӱк зееттӓн гечип-геленнӓр. Оннар рубаларыны йыкадылар хем Кузунун каныннан бийазлаттылар.