Mark 4:19 - Ени Бааланты

¹⁹ ама бу заманын кахырлары, зенгинниин алдангачлыы хем башка хамеллӓр, гирип оннара, буулдэрлар сӧзӱ, да оннар берекет гетирӓмеерлӓр.

Enі Baalantı

¹⁹ ama bu zamanın kahırları, zenginniin aldangaçlıı hem başka hamellär, girip onnara, buuldêrlar sözü, da onnar bereket getirämeerlär.

Mark 4:19 Iomraidhean Croise

Matfey 13:22

Тоомнар, екилмиш чалылар ичинӓ, оннардыр, ким ишидер сӧзӱ, ама бу заманын кахырлары хем зенгинник алдангачлыы буулдэрлар, да оннар берекет гетирӓмеерлӓр.

Matfey 19:23

Иисус деди ӱӱрениӂилеринӓ: «Доору сӧлеерим сизӓ, не зор бир зенгин адам Гӧк Падишахлыына гирсин!

Matfey 3:10

Артык наӂак фиданнарын кӧкӱндӓ саплы дурэр. Хербир фидан, ани гетирмеер ии мейва, кесилеӂек да атешӓ атылаӂэк.

Mark 4:18

Башка тоомнар, екилмиш чалылар ичинӓ, оннардыр, ким ишидер сӧзӱ,

Luka 10:41

Сааби ӂувап етти она: «Марфа, Марфа, чок ишлӓр ичин сӓн заамет хем кахыр гӱдерсин.

Luka 21:34

Кенди-кендинизӓ есап алын, ки биртӱрлӱ аарлашмасын ӱреклериниз хобурлуктан, ичкиӂиликтӓн хем йашамак кахырларындан, да о гӱн гелмесин ап-ансыздан сизин ӱстӱнӱзӓ.

İoan 15:2

Хербир чыбык, ани ӱзӱм йапмээр Бендӓ, ону кесер, ама хербир чыбык, ани ӱзӱм йапэр, ону паклээр, ки йапсын таа чок ӱзӱм.

Romalılara 12:2

Бу вакытларын адетлеринӓ гӧрӓ кендинизи кулланмайын, ама Аллах фикиринизи енилейип дииштирсин, ки таныйасыныз, недир Аллахын истедии – не ии, беенилмиш хем таман.

Efeslіlerä 2:2

ангыларда вакыдын бириндӓ йашардыныз бу дӱннейин адетинӓ гӧрӓ, излейерӓк ӧндерӂийи, ани заабитлик едер гӧкӱн алтында, о духу, ани ишлеер сеслӓмейӓн инсаннарда.

Efeslіlerä 6:12

Зерӓ бизим дӱӱшмемиз диил кана хем тенӓ каршы, ама ӧндерӂилерӓ, заабитлерӓ хем бу караннык дӱннейин куветлеринӓ – фена духлара каршы, ани булунэр гӧклердӓ.

Fіlіplіlerä 4:6

Кахырланмайын бишей ичин, ама хертӱрлӱ дуада хем йалвармакта ачын сизин истемеклеринизи Аллахын ӧнӱндӓ шӱкӱрлӱклӓн.

1 Tіmofeyä 6:17

Зенгиннерӓ бу ӧмӱрдӓ сымарла, ани ходулланмасыннар, умутларыны коймасыннар зенгиннӓӓ, ани гелип-гечер, ама /дири/ Аллаха, Ангысы верер бизӓ хепсини ташкынныктан, ки сефаланалым,

2 Tіmofeyä 4:10

Зерӓ Димас бени бракты, чӱнкӱ таа чок севди бу дӱннейи да гитти Салоник касабасына. Крискис гитти Галатийайа, Тит – Далматийайа.

2 Petrіnіn 1:8

Еер буннар сиздӓ варса хем зееделенирсӓ, олмайаӂэныз файдасыз хем калмайаӂэныз мейвасыз танымакта бизим Саабимизи Иисус Христозу.

İudanın 1:12

Бӧлелери кара лекӓ олэрлар сизин севги софраларынызда. Сизиннӓн барабар конушэрлар, коркусуз кендилерини беслеерлӓр. Оннар, сусуз булутлар гиби, лӱзгердӓн есили. Оннар, ниӂӓ гӱзӱн фиданнар, ики керӓ ӧлмӱш – мейвасыз хем кӧктӓн чыкарылмыш.