Mark 16:1 - Ени Бааланты

¹ Ачан гечти ӂумертеси, Марийа Магдалина, Марийа, Иаковун анасы, хем Саломе сатын алдылар кокулук, ки гитсиннӓр да йааласыннар Иисусун гӱӱдесини.

Enі Baalantı

¹ Açan geçti cumertesi, Mariya Magdalina, Mariya, İakovun anası, hem Salome satın aldılar kokuluk, ki gitsinnär da yaalasınnar İisusun güüdesini.

Mark 16:1 Iomraidhean Croise

Mark 14:3

Ачан Иисус булунарды Вифанийа кӱӱйӱндӓ, лепралы Симонун евиндӓ софрада, гелди бир кары ак мермер кап ичиндӓ паалы, темиз нард кокулууннан. О кырды кабы да кокулуу дӧктӱ Иисусун башына.

Mark 14:8

Бу кары йапты, не йапабилди, вакытча Беним гӱӱдеми йаалады, гӧмӱлмӓк ичин хазыр олсун.

Mark 15:40

Оннардан башка орада варды карылар, ани узактан-узаа сииредӓрдилӓр: Марийа Магдалина, Марийа, кӱчӱк Иаковун хем Иосифин анасы, хем Саломе,

Mark 15:42

О гӱн ӂумаа гӱнӱйдӱ, ачан лӓӓзымды хазырлансыннар ӂумертеси ичин. Артык авшам олурду.

Mark 15:47

Марийа Магдалина хем Марийа, Иосифин анасы, гӧрдӱлӓр, нерейи гӱӱдӓ койулду.

Mark 16:2

Чин сабаалӓн, хафтанын илк гӱнӱ, ачан гӱн дууарды, оннар гелдилӓр мезара.

Mark 16:8

Карылар, мезардан чыкып, качтылар, зерӓ титирӓрдилӓр хем шашмаклан долуйдулар, да коркудан кимсейӓ бишей сӧлӓмедилӓр. /

Luka 23:54

Бир ӂумаа гӱнӱйдӱ, йаклашарды ӂумертеси.

Luka 23:56

Сора дӧндӱлӓр геери, хазырладылар кокулары хем паалы йаалары, да ӂумертеси гӱнӱ диннендилӓр Закона гӧрӓ.

Luka 24:1

Хафтанын илк гӱнӱндӓ, чин сабаалӓн, бу карылар /хем башкалары да оннарлан барабар/ гелдилӓр мезары гӧрмӓӓ. Гетирдилӓр кокулу йаалары, ани хазырладыйдылар.

İoan 19:25

Ставроз йанында, нередӓ герилийди Иисус, дурардылар: анасы, анасынын кызкардашы, Марийа, Клеопанын карысы, хем Марийа Магдалина.

İoan 19:31

Ӂумаа гӱнӱйдӱ. Иудейлӓр истемӓрдилӓр, ки гӱӱделӓр, ставрозда герили, калсыннар ӂумертеси гӱнӱ, зерӓ о ӂумертеси бир бӱӱк гӱндӱ. Онуштан йалвардылар Пилата, ки изин версин, кырсыннар герилмиш оланнарын балдырларыны да калдырсыннар гӱӱделери.