Luka 2:2 - Ени Бааланты

² Бу йазылмак илк сыра олду кулланыӂы Квиринийин вакыдында, ангысы кулланарды Сирийада.

Enі Baalantı

² Bu yazılmak ilk sıra oldu kullanıcı Kviriniyin vakıdında, angısı kullanardı Siriyada.

Luka 2:2 Iomraidhean Croise

Matfey 4:24

Онун ичин хабер даалды бӱтӱн Сирийа ерлериндӓ. Она гетирӓрдилӓр хепсини, ким зеетленӓрди хертӱрлӱ хасталыктан, аарыдан, фена духлардан, кара хасталыктан хем паралич хасталыындан. Оннара саалык верӓрди.

Luka 2:1

О вакытта Кесар Августтан верилди сымарламак, ки бӱтӱн Рома падишахлыында хепси инсан йазылсыннар.

Luka 2:3

Херкези гитти йазылсын кенди дуумак касабасында.

Luka 3:1

Падишах Тиверий Кесарын онбешинӂи чорбаӂылык йылында Понтий Пилат кулланыӂыйды Иудейада. Ирод Галилейанын кулланыӂысыйды. Филип, Иродун кардашы, кулланыӂыйды Итурейа хем Трахонит ерлериндӓ. Лисаний кулланыӂыйды Авилини ерлериндӓ.

Yaptıklar 13:7

О проконсул Сергий Павлинин, акыллы бир адамын, чевресиндейди. Проконсул чаарды Варнавайы хем Саулу, зерӓ истӓрди ишитсин Аллахын сӧзӱнӱ.

Yaptıklar 18:12

Ачан Галлион олду проконсул Ахайада, иудейлӓр бирликтӓ калктылар Павлийӓ каршы да гӧтӱрдӱлӓр ону даава еринӓ.

Yaptıklar 23:26

«Клавдий Лисийдӓн, чок сайгылы кулланыӂы Феликсӓ, селӓм.

Yaptıklar 26:30

/Ачан Павли деди буну,/ падишах, кулланыӂы хем Вереника, хем хепси орада отураннар калктылар.

Yaptıklar 5:37

Бундан сора, йазылмак вакыдында, пейдаланды Иуда Галилейадан, о кенди ардына чок инсан чекти. Ама о да кайбелди хем хепси, ким ону сеслӓрди дармадаан олду.