Luka 17:1 - Ени Бааланты

¹ Иисус деди ӱӱрениӂилеринӓ: «Йок ниӂӓ гӱнаха сокан денемеклӓр гелмесин, ама вай она, кимдӓн гелер!

Enі Baalantı

¹ İisus dedi üürenicilerinä: «Yok nicä günaha sokan denemeklär gelmesin, ama vay ona, kimdän geler!

Luka 17:1 Iomraidhean Croise

Matfey 16:23

Ама Иисус дӧндӱ да деди Петрийӓ: «Узаклан Бендӓн, шейтан! Сӓн Бана бир кӧстексин. Зерӓ сенин неетлерин диил Аллахтан, ама адамдан».

Matfey 18:7

Вай дӱннейӓ гӱнах алдангачлыы ичин. Зерӓ йок насыл гелмесин алдангачлар, ама вай она, кимин бетеринӓ алдангачлык гелер.

Luka 16:31

Авраам ӂувап етти: „Еер сеслӓмӓрсейдилӓр Моисейи хем пророклары, еер ӧлӱлердӓн дӓ биркимсей дирилӓрсейди, инанмайаӂэклар“».

Romalılara 14:13

Онуштан маана булмайалым бири-биримизӓ, ама таа ии, карарлайын йапмайасыныз бишей, ани кӧстек олэр кардашыныза еки ону гӱнаха дӱшӱрӱр.

Romalılara 16:17

Кардашлар, йалварэрым корунун оннардан, ким айырланмак йапэр, кӧстек олэр хем каршы гидер ӱӱретмейӓ, ани каблеттиниз. Оннардан узакланын.

1 Korіnflіlerä 10:32

Олмайын кӧстек не иудейлерӓ, не урумнара, не дӓ Аллахын клисесинӓ.

1 Korіnflіlerä 11:19

Зерӓ лӓӓзым олсун бӧлӱмнӓр сизин аранызда, ки ӱзӓ чыксын, ким араныздан беенилмиш.

1 Korіnflіlerä 8:13

Ӧлӓ ки, еер имӓк бетеринӓ оларсайды, ки кардашым гӱнаха гирсин, озаман хич имӓм йааны, ки кардашымы гӱнаха сокмайым.

1 Tіmofeyä 4:1

Айоз Дух ачык сӧлеер, ани битки заманнарда кимиси инандан атылаӂэк, сеслейерӓк алдадыӂы духлары хем фена духларын ӱӱретмеклерини,

Apokalіpsіs 2:14

Ама Бендӓ вар биркач маана сана каршы: сендӓ вар инсаннар, ангылары тутунэрлар Валаамын ӱӱретмесиндӓн, ким ӱӱретти Валакы, несой гӱнаха дадандырсын Израил ушакларыны, ки исиннӓр идоллара баашланмыш курбан йаанысындан хем ороспулук йапсыннар.

Apokalіpsіs 2:20

Ама Бендӓ вар биркач маана сана каршы: сӓн бракэрсын Иезавел карыйы, ани сайэр кендини пророк, ӱӱретсин хем алдатсын Беним чыракларымы, ки ороспулук йапсыннар хем исиннӓр идоллара баашланмыш курбан йаанысындан.