İoan 17:1 - Ени Бааланты

¹ Бу лафлардан сора Иисус калдырды бакышыны гӧкӓ да деди: «Боба, гелди вакыт, метиннейӓсин Оолуну, ки Оолун да метиннесин Сени.

Enі Baalantı

¹ Bu laflardan sora İisus kaldırdı bakışını gökä da dedi: «Boba, geldi vakıt, metinneyäsin Oolunu, ki Oolun da metinnesin Seni.

İoan 17:1 Iomraidhean Croise

Mark 14:41

Гелди ӱчӱнӂӱ сыра да деди оннара: «Сиз хеп таа уйуйэрсыныз хем динненерсиниз ми? Етӓр, саат гелди! Тӓ, Адам Оолу верилер гӱнахкерлерин елинӓ.

Luka 18:13

Ама харччы дурарды узакта, кыйышмарды баарлем гӧзлерини гӧкӓ калдырсын. О дӱӱйӓрди гӱӱсӱнӓ да дейӓрди: „Аӂы Бени, гӱнахкери, Аллахым!“

Luka 22:53

Хер гӱн сизиннӓн булунурдум Айоз бинада, Бени тутмадыныз. Ама шинди гелди сизин саадыныз, караннык куведин саады».

İoan 11:4

Иисус, ачан ишитти бу хабери, деди: «Бу хасталык диил ӧлӱмӓ дейни, ама Аллахын метиннии ичин олду, ки бунун ашыры Аллахын Оолу метинненсин».

İoan 11:41

Актардылар ташы /лаам аазындан, нередейди ӧлӱ/. Иисус, калдырып бакышыны гӧкӓ, деди: «Боба, шӱкӱр едерим, ани ишиттин Бени.

İoan 12:23

Иисус ӂувап етти оннара: «Гелди саат, ки Адам Оолу метинненсин.

İoan 13:1

Паскеллӓ йортусундан илерийди. Иисус билӓрди, ани гелди вакыт, гитсин бу дӱннедӓн Бобасына да, чӱнкӱ севди кендикилерини, ангылары варды бу дӱннедӓ, гӧстерди, ани север оннары биткийӓдӓн.

İoan 16:32

Тӓ, гелер вакыт, артык гелди, ачан даалышаӂэныз херкезиниз кенди еринӓ. Бени йалныз бракаӂэныз, ама Бӓн диилим йалныз, зерӓ Боба Бенимнӓн.

İoan 7:30

Оннар бакардылар тутсуннар Ону, ама кимсей ел койамады Она, зерӓ гелмедийди вакыды.

İoan 7:39

Сӧлӓрди бу лафлары Айоз Дух ичин, Ангысыны лӓӓзымды каблетсиннӓр оннар, ким Она инанэр. Зерӓ Айоз Дух таа верилмедийди, хем Иисус таа диилди метинникли.

İoan 8:20

Иисус сӧледи бу лафлары, ачан ӱӱредӓрди инсаны Айоз бина ичиндӓ, нередӓ хазна булунарды. Кимсей Ону тутмады, зерӓ вакыды таа гелмедийди.

Yaptıklar 3:13

Авраамын, Исаакын хем Иаковун Аллахы, бизим бобаларын Аллахы метиннеди Кенди Оолуну, Иисусу, Ангысындан сиз, сатып, атылдыныз Пилатын ӧнӱндӓ, ангысы артык карарламышты Иисусу салверсин.

1 Petrіnіn 1:21

Онун араӂылыыннан Аллаха инандыныз, Ангысы дирилтти Ону ӧлӱдӓн да верди Она метинник, ки инанасыныз хем умутланасыныз Аллаха.