İoan 15:2 - Ени Бааланты

² Хербир чыбык, ани ӱзӱм йапмээр Бендӓ, ону кесер, ама хербир чыбык, ани ӱзӱм йапэр, ону паклээр, ки йапсын таа чок ӱзӱм.

Enі Baalantı

² Herbir çıbık, ani üzüm yapmêêr Bendä, onu keser, ama herbir çıbık, ani üzüm yapêr, onu paklêêr, ki yapsın taa çok üzüm.

İoan 15:2 Iomraidhean Croise

Matfey 13:12

Зерӓ кимдӓ вар, она таа чок верилеӂек хем зееделенеӂек, ама кимдӓ йок, ондан алынаӂэк, нейи дӓ вар.

Matfey 13:33

Башка бир ӧрнек сӧледи: «Гӧк Падишахлыы бензеер бир парча хамур майасына, ани алэр бир кары да карыштырэр ӱч ӧлчӱ уннан, бӱтӱн хамуру кабартсын».

Matfey 15:13

Иисус ӂувап етти оннара: «Хербир расат, ани диил койулу Беним Гӧктеки Бобамдан, кӧктӓн йолунаӂэк.

Matfey 21:19

Йол бойунда гӧрдӱ бир инӂир фиданы. Йаклашып она, йапраклардан каарӓ бишей булмады да деди: «Бӱӱндӓн ӧтӓӓ хич мейва йапмайасын!» Инӂир фиданы осаат куруду.

Matfey 25:29

Зерӓ кимдӓ вар, она таа верилеӂек, ама кимдӓ йок, ондан алынаӂэк, нейи дӓ вар.

Matfey 3:10

Артык наӂак фиданнарын кӧкӱндӓ саплы дурэр. Хербир фидан, ани гетирмеер ии мейва, кесилеӂек да атешӓ атылаӂэк.

Matfey 3:12

Онун елиндӓ кӱрек, О паклайаӂэк тыназыны. Боодайы топлайаӂэк амбара, ама плӓвайы йакаӂэк сӱӱнмӓз атештӓ».

Matfey 7:19

Хербир фидан, ани йапмээр ии мейва, кесилер да атешӓ атылэр.

Mark 4:20

Тоомнар, екилмиш ии топраа, оннардыр, ким, ишидип сӧзӱ, кабледерлӓр да берекет гетирерлӓр: бириси отуз, ӧбӱрӱ алтмыш, таа ӧбӱрӱ ӱз катына».

Luka 8:13

Тоомнар, ани дӱштӱлӓр ташлар ӱстӱнӓ, оннардыр, ким кабледер сӧзӱ севинмӓклӓн, ама кӧклешӓмеер, онун ичин инанэр бир вакыдадан, ама ачан гелер денемеклӓр, дӱшер.

İoan 15:1

Бӓн – хакына баа чотуу, Беним Бобам – бааӂы.

İoan 15:16

Сиз Бени сечмединиз, ама Бӓн сизи сечтим. Сыраладым, гидип, мейва гетирӓсиниз, да хожма олсун мейваныз, ки не дӓ истейеӂениз Бобадан Беним адыма, сизӓ версин.

İoan 15:3

Шинди сиз пакландыныз о сӧзлӓн, ани Бӓн сизӓ сӧледим.

İoan 15:6

Еер биркимсей калмарсайды Бендӓ, о уурадылэр дышары да, ниӂӓ бир баа чыбыы, куруйэр. Бу чыбыклары топлээрлар да, атешӓ атып, йакэрлар.

İoan 15:8

Еер йапарсайдыныз чок ӱзӱм, бунуннан Беним Бобам олаӂэк метинненмиш, да бутӱрлӱ олаӂэныз Беним ӱӱрениӂилерим.

İoan 17:12

Ачан Бӓн оннарландым, корудум оннары Сенин адыннан, ангысыны вердин Бана, гӧз-кулак олдум, да оннардан бириси билӓ кайбелмеди, ондан каарӓ, ани лӓӓзым кайбелсин, ки таманнансын Айоз Йазы.

Romalılara 11:17

Зейтин фиданындан кими даллар кесилди, да сӓн, йабан зейтин фиданындан филиз, хашландын оннарын еринӓ. Аслы зейтин фиданын семиз кӧкӱндӓн суйу чекерсин.

Romalılara 11:22

Есап ал Аллахын иилиини хем кыйаклыыны: кыйаклык оннар ичин, ким дӱштӱ, иилик сенин ичин, саде тутунарсайдын Аллахын иилииндӓн, башка тӱрлӱ сӓн дӓ кесилирсин.

Romalılara 8:28

Билериз, ани Дух хер халда иилик ичин ишлеер оннарлан билӓ, ким Аллахы север хем чаарылмыш Онун истедиинӓ гӧрӓ.

1 Korіnflіlerä 13:1

Еер лафедӓрсейдим инсан дилиндӓ йада ангил дилиндӓ, ама севгим йоксайды, бир ӧтӓр бакырым еки бир уулдар кимвалым.

Tіta 2:14

О верди Кендини бизим ичин курбан олсун, ки куртарсын бизи хертӱрлӱ законсузлуктан да, паклайып, бир айыры инсан Кендинӓ йапсын, чалышкан ии ишлӓр йапмаа.

Çıfıtlara 12:15

Есап алын, ки биркимсей качырмасын Аллахын хайырыны. Бир зихирли кӧк, пейдаланып, сизӓ зарар йапмасын да улаштырмасын чойуну.

1 İoanın 2:19

Оннар чыктылар бизим арамыздан, ама диилдилӓр биздӓн. Олайдылар биздӓн, бизимнӓн дураӂэйдылар. Ама оннар чыктылар, ки белли олсун, ани оннар диил хепси биздӓн.

Apokalіpsіs 3:19

Бӓн азарлээрым хем сырайа койэрым хепсини, кими северим. Ол чалышкан да дӧн Бана гӱнахларындан.