İoan 1:18 - Ени Бааланты

¹⁸ Аллахы бир сыра билӓ кимсей гӧрмеди. Бириӂик Оол, Аллах, ким Бобанын куӂаанда булунэр, О Аллахы ачты.

Enі Baalantı

¹⁸ Allahı bir sıra bilä kimsey görmedi. Biricik Ool, Allah, kim Bobanın kucaanda bulunêr, O Allahı açtı.

İoan 1:18 Iomraidhean Croise

Matfey 11:27

Хепсини Бобам Беним елимӓ верди. Кимсей хептӓн аннамээр Оолу, Бобадан каарӓ, хем кимсей хептӓн аннамээр Бобайы, Оолдан каарӓ, хем оннардан, кимӓ Оол истеер ачмаа.

Luka 10:22

Хепсини Бобам Беним елимӓ верди. Кимсей билмеер, кимдир Оол, Бобадан каарӓ, хем кимсей билмеер, кимдир Боба, Оолдан каарӓ, хем оннардан, кимӓ Оол истеер ачмаа».

İoan 1:14

Сӧз адам олду, бизим арамызда йашады, иивергийлӓн хем аслылыклан долу. Онун метинниини гӧрдӱк, ниӂӓ Бобадан бириӂик Оолун метинниини.

İoan 12:41

Исайа сӧледи бу ишлери, зерӓ гӧрдӱ Иисусун метинниини да лафетти Онун ичин.

İoan 13:23

Ӱӱрениӂилердӓн бириси, ангысыны севӓрди Иисус, отурарды софрада, анык Иисусун куӂаана.

İoan 14:9

Иисус деди она: «Бунӂа вакыт Бӓн сизиннӓним, да сӓн, Филип, танымээрсын мы Бени? Ким гӧрдӱ Бени, о гӧрдӱ Бобайы. Несой деерсин сӓн: „Гӧстер бизӓ Бобайы“?

İoan 17:26

Бӓн Сенин адыны ачтым хем таа ачаӂам да, ки о севги, ангысыннан Сӓн Бени севдин, олсун оннарда, хем Бӓн дӓ олайым оннарлан».

İoan 17:6

Ачтым Сенин адыны инсаннара, ангыларыны вердин Бана бу дӱннедӓн. Оннар Сенинди, Сӓн Бана оннары вердин, да оннар таманнадылар Сенин сӧзӱнӱ.

İoan 3:11

Доору, доору сӧлеерим, ани биз лафедериз, не билериз, хем шаатлык едериз, не гӧрдӱк, ама сиз каблетмеерсиниз бизим шаатлыымызы.

İoan 6:46

Зерӓ кимсей Бобайы гӧрмеди, Ондан каарӓ, Ким Аллахтан гелди. О Бобайы гӧрдӱ.

2 Korіnflіlerä 4:4

инансызлар ичин, кимин фикирлерини бу заманын аллахы кӧӧр етти, ки оннары айдыннатмасын Ии Хаберин шафкы Христозун метиннии ичин, Ким гӧрӱнмӓз Аллахын гӧрӱнмесидир.

Koloslulara 1:15

Одур гӧрӱнмейӓн Аллахын гӧрӱнмеси, илк дуулмуш. О ӱстӱндӱр хепси йарадыланнардан.

1 Tіmofeyä 1:17

Дивеч Падишаха – ӧлӱмсӱз, гӧрӱнмӓз, бириӂик Аллаха – дивечтӓн дивеӂӓ икрам хем метинник олсун. Амин.

1 Tіmofeyä 6:16

Салт Ондадыр ӧлӱмсӱзлӱк, Ангысы йашээр бир йаклашмаз шафк ичиндӓ, кими хич кимсей гӧрмеди хем йок насыл да гӧрсӱн. Она икрам хем заабитлик дивеӂинӓ! Амин.

1 İoanın 4:12

Аллахы бир сыра билӓ кимсей гӧрмеди. Еер севӓрсейдик бири-биримизи, Аллах биздӓ калэр, хем Онун севгиси долулуктан биздӓ олэр.

1 İoanın 4:20

Ким деер: «Бӓн северим Аллахы», ама кенди кардашындан азетмеер, о бир йаланӂы, зерӓ ким севмеер кардашыны, ангысыны гӧрер, несой вар ниӂӓ севсин Аллахы, ангысыны гӧрмеер?

1 İoanın 4:9

Аллахын севгиси бизӓ бунуннан гӧстерилди: Аллах дӱннейӓ бириӂик Оолуну йоллады, ки Онун араӂылыыннан биз йашамак еденелим.

1 İoanın 5:20

Да билериз, ани Аллахын Оолу гелди, ки акыл бизӓ версин, таныйалым Хакына Оланы. Биз булунэрыз Хакына Оланда, Онун Оолунда, Иисус Христозда. Будур – хакына Аллах хем дивеч йашамак.