İakovun 4:12 - Ени Бааланты

¹² Аллах, закон куран хем даава кесӓн – бирдир. О куртарэр, О да йок едер. Ама сӓн кимсин, ани башкасына даава кесерсин?

Enі Baalantı

¹² Allah, zakon kuran hem daava kesän – birdir. O kurtarêr, O da yok eder. Ama sän kimsin, ani başkasına daava kesersin?

İakovun 4:12 Iomraidhean Croise

Matfey 10:28

Коркмайын оннардан, ким гӱӱдейи ӧлдӱрер, ама ӂаны ӧлдӱрӓмеер. Таа пек коркун Аллахтан, Ангысы вар насыл кайбетсин гӱӱдейи, хеп ӧлӓ ӂаны да ӂендемдӓ.

Luka 12:5

Сӧлеерим, кимдӓн коркасыныз: коркун Аллахтан, Ангысы ӧлдӱрдӱктӓн сора, куведи вар ӂендемӓ атсын. Сизӓ деерим: елбетки, Ондан коркун.

Romalılara 14:13

Онуштан маана булмайалым бири-биримизӓ, ама таа ии, карарлайын йапмайасыныз бишей, ани кӧстек олэр кардашыныза еки ону гӱнаха дӱшӱрӱр.

Romalılara 14:4

Кимсин сӓн, ани башкасынын изметкеринӓ маана булэрсын? О изметкери доору чыкармаа еки кабаатландырмаа – онун чорбаӂысынын иши. О доору чыкаӂэк, зерӓ Аллахын куведи вар, ону доору чыкарсын.

Romalılara 2:1

Ӧлӓ ки, сана йок афетмӓк, бей адам, ким дӓ сӓн олсан, еер маана буларсайдын. Зерӓ, башкасына маана булуркан, кенди-кендини кабаатландырэрсын, зерӓ сӓн, ани маана булэрсын, кендин дӓ хеп ону йапэрсын.

Romalılara 9:20

Ӧлӓ, ама кимсин сӓн, бей адам, ки бӧлӓ сормаклар Аллаха койасын? Аӂаба бир кап сорар мы ону йапан устайа: «Нечин бени бӧлӓ йаптын?»

Çıfıtlara 7:25

Онуштан О хептӓн куртарабилир оннары, ким Онун араӂылыыннан Аллаха йаклашэр, зерӓ О херзаман йашээр да араӂылык едер оннар ичин.

İakovun 5:9

Мырылданмайын бири-биринизӓ каршы, кардашлар, башка тӱрлӱ кабаатлы калэрсыныз. Тӓ, дааваӂы капу ӧнӱндӓ дурэр!