Fіlіplіlerä 2:3 - Ени Бааланты

³ Бишей йапмайын кендинизи калдырмак ичин еки бошуна ӱӱнмӓк ичин, ама йавашлыклан хатырлайын бири-биринизи, ӱӱсеклендирерӓк башкасыны таа чок, некадар кендини.

Enі Baalantı

³ Bişey yapmayın kendinizi kaldırmak için eki boşuna üünmäk için, ama yavaşlıklan hatırlayın biri-birinizi, üüseklendireräk başkasını taa çok, nekadar kendini.

Fіlіplіlerä 2:3 Iomraidhean Croise

Luka 18:14

Доору сӧлеерим сизӓ, бу харччы Аллахын гӧзӱндӓ таа доору гитти евӓ, некадар фарисей. Зерӓ ким кендини ӱӱсеклендирер, о ашааландырылаӂэк, ким кендини ашааландырэр, о ӱӱсеклендирилеӂек».

Romalılara 12:10

Севин бири-биринизи кардашчасына йалпаклыклан. Йарышмаклан бири-биринизӓ сайгы сӱрӱн.

Romalılara 13:13

Йакышыклы йашайалым, ниӂӓ гӱндӱз айдынныында лӓӓзым. Олмасын айып ииленмеклӓр, сарфошчулук, ороспулук хем башка утанч ишлӓр. Аранызда кавга хем кысканчлык олмасын.

Romalılara 2:8

Ама ким кендини север, аслылыы сеслӓмеер хем хаксызлаа верилер, оннара ӱфкесини гӧстереӂек хем бела вереӂек.

1 Korіnflіlerä 15:9

Зерӓ бӓн ен кӱчӱкӱм апостоллардан, ким хич етмеер сайылсын апостол, зерӓ кооладым Аллахын клисесини.

1 Korіnflіlerä 3:3

чӱнкӱ сиз таа тендӓн кулланылмышсыныз. Еер сизин аранызда варса кысканчлык хем кавга, /хем айырыклык/, бу гӧстермеер ми, ани тендӓн кулланылмышсыныз хем йашээрсыныз калан инсаннар гиби?

2 Korіnflіlerä 12:20

Бӓн коркэрым, ки, ачан сизӓ гелеӂӓм, беки булмайаӂам сизи, ниӂӓ истеерим, сиз дӓ булмайаӂэныз бени, ниӂӓ истеерсиниз. Коркэрым, ки сиздӓ кавга, хасеетлик, ӱфкӓ, чекиш, кӧтӱӂӱлӱк, амазчылык, шишкинник, сырасызлык олэр.

Galatіyalılara 5:15

Еер сиз бири-биринизи кемирирсейдиниз хем ийӓрсейдиниз, бакын, ки бири-биринизи телеф етмейӓсиниз!

Galatіyalılara 5:26

Олмайалым шишкинненӓн, бири-биримизи кӱстӱрӓн, бири-биримизи кысканан инсаннар.

Efeslіlerä 4:2

Херзаман йаваш, йалпак хем сабурлу олун, дайанын бири-биринизӓ севгийлӓн.

Efeslіlerä 5:21

Бири-биринизӓ ӧн верин, Христоздан коркарак.

Fіlіplіlerä 2:14

Хепсини йапын, мырылданмайарак хем чекишмейерӓк,

Koloslulara 3:12

Онуштан гиинин, ниӂӓ Аллахын сечилмишлери, айоз хем севгили, аӂыйанныы, иилии, йавашлыы, йалпаклыы, сабурлуу.

Koloslulara 3:8

Ама шинди хепсиндӓн бракылын: ӱфкедӓн, кызгынныктан, кӧтӱ нееттӓн. Кӧтӱ лафлар, айып сӧзлӓр чыкмасын аазыныздан.

1 Tіmofeyä 6:4

О бир шишкиндир да бишей билмеер, ама дӱшкӱндӱр йарышмаа хем лаф кавгаларына, нередӓн башлээр хасеетлик, чекиш, фена лафлар хем кӧтӱ шӱпелӓр,

1 Petrіnіn 3:8

Олун хепсиниз бир нееттӓ, пай алын башкаларынын зорлукларында, кардашлары севин, йалпак хем мӱнӱз ӱрекли олун.

1 Petrіnіn 5:5

Хеп ӧлӓ сиз дӓ, генчлӓр, ӧн верин пресвитерлерӓ. Хепсиниз, бири-биринизӓ ӧн верерӓк, кушанын йавашлыклан. Зерӓ «Аллах шишкиннерӓ каршы дурэр, ама йавашлара ииверги верер».