Efeslіlerä 6:19 - Ени Бааланты

¹⁹ Дуа един беним ичин дӓ, ки, аазымы ачтыйнан, бана лаф верилсин, да кыйышмаклан ачыклайым саклылыы Ии Хабер ичин,

Enі Baalantı

¹⁹ Dua edin benim için dä, ki, aazımı açtıynan, bana laf verilsin, da kıyışmaklan açıklayım saklılıı İi Haber için,

Efeslіlerä 6:19 Iomraidhean Croise

Yaptıklar 13:46

Ама Павли хем Варнава гиргин дедилӓр: «Илкин сизӓ лӓӓзымды сӧленсин Аллахын сӧзӱ, ама чӱнкӱ сиз ону рет едерсиниз да истӓмеерсиниз каблетмӓӓ дивеч йашамак, онуштан биз дӧнериз башка миллетлерӓ.

Yaptıklar 14:3

Хеп окадар чок вакыт калып орада, лафеттилӓр кыйышмаклан Сааби ичин, Ангысы инандырырды сӧзӱ Кенди иивергиси ичин да верирди кувет, оннарын еллериннӓн йапылсын мераклы нышаннар хем шашмаклы ишлӓр.

Yaptıklar 18:26

Чекетти гиргин лафетмӓӓ синагогада. Сеслейип ону, Прискилла хем Акила алдылар ону кендилериннӓн да аннаттылар она таа йакындан Аллахын йолуну.

Yaptıklar 19:8

Сора гирди синагога ичинӓ да ӱч ай инсана коркусуз аннадарды хем инандырарды Аллахын Падишахлыыны.

Yaptıklar 2:4

Хепси Айоз Духлан долуп, лафетмӓӓ башладылар башка диллердӓ, ниӂӓ Дух верирди, лафетсиннӓр.

Yaptıklar 28:31

Аллахын Падишахлыы ичин хаберледи хем ӱӱретти Сааби Иисус Христос ичин бӱӱк гиргинниклӓн хем хич бир кӧстексиз.

Yaptıklar 4:13

Гӧрӱп Петринин хем Иоанын кыйышыклыыны, шаштылар, зерӓ аннадылар, ани оннар диил ӱӱренмиш хем сырадан инсаннар, да таныдылар, ани Иисуслан гезмишлӓр.

Yaptıklar 4:29

Шинди, Сааби, есап ал оннарын коркутмакларыны да вер кувет сенин чыракларына гиргинниклӓн Сенин сӧзӱнӱ хаберлесиннӓр.

Yaptıklar 4:31

Оннарын дуаларындан сора ер сарсаланды, нередӓ оннар топлуйдулар. Хепси долду Айоз Духлан да башладылар гиргинниклӓн насаат етмӓӓ Аллахын сӧзӱнӱ.

Yaptıklar 9:27

Озаман Варнава алды ону, гӧтӱрдӱ апостоллара да аннатты, ниӂӓ о йолда гӧрдӱ Саабийи, Ангысы лафетти онуннан. Сӧледи, несой Дамаск касабасында о гиргинниклӓн насаат етти Иисусун адыннан.

Yaptıklar 9:29

Лафедӓрди хем чекишӓрди урумӂа лафедӓн иудейлӓрлӓн, ама оннар аарардылар, несой ӧлдӱрсӱннӓр ону.

Romalılara 15:30

Йалварэрым, кардашлар, бизим Сааби Иисус Христос ичин хем Духун севгилии ичин, чалышын бенимнӓн барабар дуаларынызда Аллаха беним ичин,

Romalılara 16:25

Шинди метинник олсун Аллаха, Ким вар насыл каавилесин сизи Ии Хаберӓ гӧрӓ, Иисус Христос ичин хаберӓ гӧрӓ, ани насаат едерим, чӱнкӱ бу саклылык ачылды, ани саклы тутулуйду сонсуз асирлердӓн беери,

1 Korіnflіlerä 1:5

Зерӓ Ондан хербир ӱзерӓ зенгиннединиз, хертӱрлӱ сӧзлӓн хем билгийлӓн,

1 Korіnflіlerä 2:7

Ама насаат едериз Аллахын аарифлиини – гизли, саклы тутулмуш аарифлии, ани Аллах дӱннейин курулмасындан ӧнӂӓ сыралады бизим метинниимиз ичин.

1 Korіnflіlerä 4:1

Кимин гиби инсаннар бизи лӓӓзым сайсын: Христозун изметкерлери хем Аллахын саклы ишлеринин векиллери.

2 Korіnflіlerä 1:11

ки чок инсаннар Аллаха шӱкӱр етсиннӓр бизим ичин, зерӓ чойунун дуаларыннан бизӓ ииверги верилди.

2 Korіnflіlerä 3:12

Чӱнкӱ биздӓ вар бӧлӓ бир умут, лафедериз бӱӱк кыйышмаклан.

2 Korіnflіlerä 6:11

Биз ачык лафедериз сизӓ, Коринфлилерӓ, бизим ӱреемиз сизин ичин геништӓн ачык.

2 Korіnflіlerä 7:4

Бӱӱк умудум вар сиздӓ, чок ӱӱнерим сизиннӓн хем чок хошланэрым. Бӱтӱн бизим зеетлеримиздӓ севинӂимин кенары йок.

2 Korіnflіlerä 8:7

Ама ниӂӓ хер тарафтан ӱстӱннӱӱнӱз вар инанда, лафетмектӓ, билгидӓ, хертӱрлӱ чалышмакта хем севгидӓ, ани биз дебрештирдик сиздӓ, бакын бу хайырлы иштӓ дӓ ӱстӱн оласыныз.

Efeslіlerä 1:9

О ачты бизӓ Кенди саклы истедиини, ии неетинӓ гӧрӓ, ангысыны таа баштан курду Христозда.

Efeslіlerä 3:9

хем хепсини айдыннадайым, насыл тертипленди бу саклы курулмуш, ангысыны Аллах, хепсини йарадан, дивечликтӓн саклы тутту.

Koloslulara 2:2

Истеерим, ани оннарын ӱреклери хошлансын хем севгийлӓн бирлешсиннӓр, ки таман билимин бӱтӱн зенгиниини еденсиннӓр да танысыннар Аллахын саклы курулмушуну, ани Христостур,

Koloslulara 4:3

Дуа един бизим ичин дӓ, ки Аллах ачсын бизӓ бир капу насаат ичин, ки хаберлейелим Христозун саклылыыны, ангысы ичин капана дӱштӱм,

1 Salonіklіlerä 2:2

Ачан таа илери зеетлендик хем гӱӂендирилмиш олдук, ниӂӓ билерсиниз, Филип касабасында, Аллахымыз бизи гиргиннетти, ки насаат еделим сизӓ Аллахын Ии Хаберини, бакмайарак чок каршылаа инсандан.

1 Salonіklіlerä 5:25

Кардашлар! Дуа един бизим ичин.

2 Salonіklіlerä 3:1

Биткидӓ, кардашлар, дуа един бизим ичин, ки Аллахын сӧзӱ чабук даалсын хем метинненсин, ниӂӓ дӓ сиздӓ,

1 Tіmofeyä 3:16

Хич лафсыз, Аллахын йолунун саклылыы бӱӱктӱр: Аллах тенӂӓ гӧстерилди, Духлан Кендини доорулады, ангиллерӓ гӧрӱндӱ, миллетлердӓ насаат едилди, дӱннедӓ инаннан кабледилди, метинниклӓн йукары алынды.

Fіlіmona 1:22

Хеп ӧлӓ хазырла бир ер бана, калайым сендӓ, зерӓ умутланэрым, сизин дуаларынызлан, чыкып капандан, гелейим сизӓ.

Çıfıtlara 13:18

Дуа един бизим ичин, чӱнкӱ биз чок инанэрыз, ани бизим ӱзӱмӱз пак, зерӓ бӱтӱнӱнӓ бакэрыз, гӧтӱрелим кендимизи, ниӂӓ дӱшер.