Efeslіlerä 3:1 - Ени Бааланты

¹ Онуштан бӓн, Павли, Иисус Христозун изметиндӓ капана дӱштӱм сизин ичин, ангыныз башка миллетлердӓн.

Enі Baalantı

¹ Onuştan bän, Pavli, İisus Hristozun izmetindä kapana düştüm sizin için, angınız başka milletlerdän.

Efeslіlerä 3:1 Iomraidhean Croise

Luka 21:12

Хепсиндӓн ӧнӂӓ сизи тутаӂэклар хем коолайаӂэклар. Вереӂеклӓр синагогалара хем зынданнара, чыкараӂэклар сизи падишахларын хем кулланыӂыларын ӧнӱнӓ Беним адым ичин.

Yaptıklar 21:33

Аскер бинбашы, йаклашып, тутту ону да сымарлады, бааласыннар ики синӂирлӓн. Сора сорду: «Кимдир о хем не йапты?»

Yaptıklar 23:18

Ӱзбашы, алып ону, гӧтӱрдӱ бинбашына да деди: «Капанӂы Павли чаарды бени да йалварды гетирейим бу генч оланы сана. Онда вармыш сана бишей сӧлесин».

Yaptıklar 26:29

Павли деди: «Аллах версин, таа тез йада таа геч, диил салт Ӂанабин, ама хепси, ким сеслеер бӱӱн бени, беним гиби олсуннар, бу синӂирлердӓн каарӓ».

Yaptıklar 9:15

Ама Сааби ӂувап етти: «Гит, зерӓ о бир кап, ангысыны Бӓн айырдым, хаберлесин Беним адымы башка халклара, падишахлара хем Израилин оолларына.

2 Korіnflіlerä 1:6

Еер кахыр чекӓрсейдик, бу сизин ииленмениз ичин хем куртулманыз ичин. Еер иилендирилирсейдик, бу да сизин иилендирилмениз ичин, ани ачылэр дайанманызда зеетлерӓ, ангыларыны биз дӓ чекериз.

2 Korіnflіlerä 10:1

Бӓн, Павли, ани услуйум аранызда, ама кыйакым сиздӓн узак оларак, йалварэрым Иисус Христозун мӱнӱзлӱӱннӓн хем йалпаклыыннан

2 Korіnflіlerä 11:23

Оннар Христозун изметкерлери ми? Дели гиби лафедерим! Бӓн оннардан таа ӱстӱн изметкерим. Бӓн таа чок чалыштым, таа чок капана дӱштӱм, сайысыз сыра дайак идим, чок сыра ӧлӱм дӧшеендӓ булундум.

Galatіyalılara 5:11

Бӓн, кардашлар, еер таа насаат едӓйдим кесиклии, озаман нечин бени коолайаӂэйдылар? Ставроз кимсейӓ кӧстек коймайаӂэйды.

Galatіyalılara 5:2

Бакын, бӓн, Павли, сӧлеерим сизӓ, еер сиз кесиклик йапарсайдыныз, Христоздан сизӓ хич бир дӓ файда олмайаӂэк.

Galatіyalılara 5:24

Ама ким Христозун, оннар ставроза гердилӓр тени онун хамеллериннӓн хем истемеклериннӓн.

Efeslіlerä 3:11

Кенди дивеч курулмушуна гӧрӓ, ани башарды Иисус Христозда, бизим Саабидӓ.

Efeslіlerä 3:13

Ӧлӓ ки, йалварэрым, умудунузу кайбетмейин беним зеетлерим бетеринӓ, ани чекерим сизин ичин. Буннар сизӓ метинник казандырэр.

Efeslіlerä 3:8

Бана, Аллахын айоз халкындан ен кӱчӱӱнӓ, бу ииверги верилди, ки насаат едейим башка миллетлерӓ ии хабери Христозун акыл ермӓз зенгиннии ичин

Efeslіlerä 4:1

Бутакым насаатлээрым сизи бӓн, Сааби ичин капанӂы, йашаманыз йакышыклы олсун Онун чаармасына гӧрӓ, ангысыны каблеттиниз.

Efeslіlerä 6:20

ангысы ичин бӓн бир елчи гибийим, синӂирлӓрлӓн баалы. Дуа един, ани Ии Хабери кыйышмаклан билдирейим, ки, ниӂӓ дӱшер, лафедейим.

Fіlіplіlerä 1:7

Доору, ани бӧлӓ сизин ичин дӱшӱнерим, зерӓ сиз беним ӱреемдӓйсиниз. Хем ачан синӂирлӓрлӓн баалыйым, хем да ачан Ии Хабери коруйэрым хем аслысыны чыкарэрым, сиз хепсиниз пай алэрсыныз бу хайырда бенимнӓн барабар.

Koloslulara 1:24

Шинди, зеетленерӓк сизин ичин, бӓн севинерим. Чӱнкӱ кенди тенимдӓ таманнээрым, не Христозун зеетлериндӓн калды чекилмедик Онун гӱӱдеси ичин, ангысы – клисӓ.

Koloslulara 4:18

Бӓн, Павли, йазэрым бу селӓми кенди елимнӓн. Унутмайын беним синӂирлерими. Сизиннӓн ииверги олсун. /Амин./

Koloslulara 4:3

Дуа един бизим ичин дӓ, ки Аллах ачсын бизӓ бир капу насаат ичин, ки хаберлейелим Христозун саклылыыны, ангысы ичин капана дӱштӱм,

2 Tіmofeyä 1:16

Сааби Онисифорун евинӓ аӂыйаннык версин, зерӓ о чок сыра бени иилендирди хем утанмады беним синӂирлеримдӓн,

2 Tіmofeyä 1:8

Онуштан, утанма шаатлык етмӓӓ бизим Сааби ичин хем утанма бендӓн дӓ, ани капана дӱштӱм Онун ичин, ама бенимнӓн пай ал зеетленмектӓ Ии Хабер ичин Аллахын кувединнӓн.

Fіlіmona 1:1

Бӓн, Павли, Иисус Христос ичин капанӂы, хем кардаш Тимофей, селӓм йоллээрыз сана, Филимона, ани бизим севгили кафадарымыз иштӓ,

Fіlіmona 1:23

Селӓм йоллээр сана Епафрас, ани капанӂы бенимнӓн билӓ Иисус Христос ичин,

Fіlіmona 1:9

сайэрым, таа ислӓӓ йалварайым сана севгийлӓн. Зерӓ йалваран диил башкасы, ама бӓн, ихтӓр Павли, ани шинди Иисус Христос ичин капанӂы.

Apokalіpsіs 2:10

Не лӓӓзым олаӂэк гечирӓсин, бишейдӓн коркма. Диавол кимисини сиздӓн капана атаӂэк, ки дененӓсиниз. Зеетленмиш олаӂэныз он гӱн. Ол инанч ӧлӱмӓ кадар, да вереӂӓм сана йашамак фенецини.