Maatiyu 2:16 - Fulfulde Nigeria

¹⁶ Nde Hirudus faami andanɓe koode ɓen ƴoyriimo, sey ɓernde maako metti naa' seɗɗa. O wi'i ɗum wara ɓikkoy pamaroy fuu ngoroy ngoodukoy duuɓi ɗiɗi yaaki ley ngonkoy nder gariyel Baytalaami e haade gariyel ngel. O waɗu non ngam andanɓe koode ɓen mbi'imo arande hoodere nden wanganiiɓe duuɓi ɗiɗi ƴaɓɓiiɗi.

Maatiyu 2:16 Iomraidhean Croise

Wahayu Yahaya 17:6

Sey ngiimi debbo on e yiltii ngam ƴiiƴam yimɓe Allah ɗam o yari e ƴiiƴam ɓe ɗum wari ngam tokkuki Yeesu. Nde ngiimoomi mi hayɗinii naa' seɗɗa.

Maatiyu 2:1

Gaɗa Yeesu danyaama e gariiri Baytalaami nder leydi Yahuudiya, nder carel ngel Hirudus laamoto, woɓɓe andanɓe koode daga fuuna ɓe ngari Urucaliima,

Maatiyu 2:7

Sey Hirudus noddi ɓen ɗon andanɓe koode e suuɗe, o ƴamiɓe carel ngel ɓe ngi'i hoodere nden, ɓe mbi'imoka.

Maatiyu 2:17

Non hebbini ko Allah wi'i daga honduko Annabi Irmiya wiiki,

Wahayu Yahaya 12:4

Sey wicco maaga wuuwi sendere go'o nder cende tati ɗe koode nga rufoyiɗe dow duuniyaaru. Sey nga wari nga darii yeeso on ɗon debbo dicciiɗo danyay ngam nga nyaama ɓingel maako to o danyiingel.