Luka 9:1 - Fulfulde Nigeria

¹ Gaɗa Yeesu noddii tokkuɓemo sappo e ɗiɗo, o hokkiɓe bawɗe e laamu dow wurtinki ginni e yamɗinki nyawuuji.

Luka 9:1 Iomraidhean Croise

Maatiyu 16:19

Mi hokkete maɓɓitirkoy Laamu Allah, fuu ko kaɗuɗaa e duuniyaaru, Allah Mo Dow jaɓi. Ɗonmaa fuu ko aluɗaa ɗum waɗa e duuniyaaru, Allah Mo Dow jaɓii.”

Maatiyu 4:24

Habaru maako sankiti koo toye nder leydi Siiriya. Yimɓe ngaddanimo fuu nyawɓe, piidooɓe e nyawuuji feere‑feere, e piidooɓe e nawɗum ɓalli, e gooduɓe ginni, e gooduɓe paɗɗe, e jaraaɓe, o yamɗitiniɓe.

Maatiyu 8:9

Ngam min e hoore am ley laamu woɓɓe sooji'en ngonmi, min maa, e mi laamoo sooji'en. To mi wi'ii o'o, ‘Dillu!’ o dillay. To mi wi'ii on ton, ‘Woroy!’ o waray. To boo mi wi'ii maccuɗo am, ‘Waɗu ɗu'um!’ o waɗayɗum.”

Luka 10:1

Gaɗa maajum Yeesu suɓi woɓɓe kamɓe 72, nden o liliɓe ɗiɗo‑ɗiɗo, ɓe artamo yaaki koo ndiye gariiri e wigeere to o yiɗi yahuki fuu.

Luka 10:19

Raa, mi hokkii'on laamu yaaɓuki dow boole e jahe e heɓuki jaalorgal dow bawɗe Ganyo, walaa ko heɓata'on.

Yahaya 14:12

E mi wi'a'on goonga, koo moye kooliiɗoyam huway kuuɗe ɗe kuwumi, haa maa o huwa kuuɗe ɓurɗe ɗe kuwumi, ngam mi yahay to Nyaako Mo Dow.

Kuuɗe Lilaaɓe 1:8

Ammaa to Ruuhu Allah jippoyake dow mooɗon, on keɓay bawɗe, on ngartay kokkayɓe woɓɓe habaru am nder Urucaliima, e leydi Yahuudiya fuu, e leydi Samaariya, haa keerol duuniyaaru.”

Kuuɗe Lilaaɓe 3:16

Ngam daga nder bawɗe gonɗe nder inde Yeesu, neɗɗo jaraaɗo o'o mo ngi'oton mo anduɗon heɓi njamu. Ngam hoolaaki inde Yeesu waɗi o heɓi njamu yeeso mooɗon, on fuu on ceydu'en maajum.

Kuuɗe Lilaaɓe 4:30

hollu bawɗe maaɗa, yamɗitin nyawɓe, waɗu alaamaaji e kuuɗe kayɗiniiɗe nder inde Yeesu maccuɗo maaɗa ceniiɗo.”

Kuuɗe Lilaaɓe 9:34

Biiturus wi'imo, “Iniyas, Yeesu Almasiihu yamɗitiniima! Umma taggu mbe''itaari maaɗa!” Ɗon e ɗon o ummii.