Luka 23:4 - Fulfulde Nigeria

⁴ Bilaatus wi'i mawɓe ardiiɓe diina e hawrutuɓe ɓen, “Mi yi'aayi goɗɗum kalluɗum ɗum nangirɗon neɗɗo o'o.”

Luka 23:4 Iomraidhean Croise

Maatiyu 27:19

Bilaatus e jooɗii dow jooɗorgal kiita, sey debbo maako liloyi ɗum wi'amo, “Taa' meemu on ɗon mo waɗaayi ko wooɗaa, ngam hanki mi hoyɗii dow maako mi wannii naa' seɗɗa dow koyɗol ngol.”

Markus 15:14

Bilaatus ƴamiɓe, wi'i, “Ngam ɗume? Ɗume ko halli o waɗi?” Ammaa ɓe ɓeydi wi'uki sembee, “Warumo dow gaafaangal!”

Luka 23:22

Bilaatus wi'iɓe tataɓum, “Ngam ɗume? Ɗume ko halli o waɗi? Mi yi'aayi ko o waɗi ko haani ɗum waramo. Ngam non, mi fiyaymo, mi yoofamo.”

Yahaya 18:38

Bilaatus ƴamimo wi'i, “Ɗume woni goonga?” Gaɗa Bilaatus wi'ii non fuɗɗiti wurtii yaasi to Yahuudanko'en wi'iɓe, “Mi tawraayimo goɗɗum kalluɗum.

Kuuɗe Lilaaɓe 25:25

Ammaa mi tawii o waɗaayi goɗɗum ko haani o waree. Ammaa nde kanko e hoore maako o torake kiita maako yaaree to Kaysar, mi suɓii lildukimo to Kaysar Laamiiɗo.

Kuuɗe Lilaaɓe 3:13

Allah mo Ibraahim e Iciyaaku e Yaakubu, Allah mo maama'en meeɗen, o teddinii maccuɗo maako Yeesu. Ammaa kanko woni mo kokkitirnooɗon ngam o waree. On nganyiimo yeeso Bilaatus koo nde Bilaatus e yiɗi yoofukimo.

Ibraaniyanko'en 7:26

Iri o'o Mawɗo Mawɓe Ardiiɓe Diina haanani'en. O ceniiɗo, o walaa goɗɗum kalluɗum, o walaa hakke, o wurtinaama nder gaɗooɓe hakke o mawninaa dow koo ɗume ton dow.

1 Biiturus 1:19

Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

1 Biiturus 2:22

O meeɗaayi waɗuki hakke koo seɗɗa, ɗum meeɗaayi nanki fewre wurtake daga honduko maako.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.