Luka 23:2 - Fulfulde Nigeria

² Ɓe puɗɗi wullaakimo, e ɓe mbi'a, “Min tawii neɗɗo o'o e majjina lenyol amin. E mo haɗa ɗum yoɓa Kaysar Mawɗo Laamiiɓe ceede leydi, nden e mo wi'a way kanko woni Almasiihu, laamiiɗo.”

Luka 23:2 Iomraidhean Croise

Maatiyu 17:27

Fuu e non, ngam to' ɓe nana monnere meeɗen, yahu mbeela ngaɗaa nangirɗum liƴƴi maaɗa. Fuu lingu ngu artuɗaa nanguki, maɓɓutu honduko maagu a taway yamnde ajurfaari nder. Hoccunde, kokkaaɓe njoɓaari Wuro Ceniingo ngam min e maaɗa.”

Maatiyu 22:21

Ɓe nootii, ɓe mbi'i, “Ɗum Kaysar.” Sey Yeesu wi'iɓe, “Too, ngam non kokkee Kaysar ko woni ɗum Kaysar, nden kokkon Allah ko woni ɗum Allah.”

Maatiyu 27:11

Yeesu e darii yeeso gomnaajo, sey gomnaajo on ƴamimo, wi'i, “An woni laamiiɗo Yahuudanko'en?” Yeesu nootii wi'i, “A wi'iika.”

Markus 12:17

Sey Yeesu wi'iɓe, “Too, kokkee Kaysar ko woni ɗum Kaysar, nden kokkon Allah ko woni ɗum Allah.” Sey o hayɗiniɓe naa' seɗɗa.

Markus 15:2

Bilaatus ƴamimo, wi'i, “An woni laamiiɗo Yahuudanko'en?” Yeesu nootii, wi'imo, “Ee, a wi'iika.”

Luka 23:14

O wi'iɓe, “On ngaddaniiyam neɗɗo o'o, on mbi'i e mo majjina yimɓe. Mi ƴamiimo yeeso mooɗon, ammaa mi yi'aayi goɗɗum ɗum nangirɗonmo.

Luka 23:5

Ammaa ɓe calii ko o wi'i, ɓe ngaɗi ka metuki dow Yeesu e sembe, e ɓe mbi'a, “Ko o ekkitinta e hawta yimɓe hawre nder leydi Yahuudiya fuu. O fuɗɗii nder leydi Galiili, daga ton haa ɗo'o.”

Yahaya 18:29

Ngam non, Bilaatus wurtii yahi to maɓɓe ƴamiɓe, wi'i, “Ɗume ngullortooɗon neɗɗo o'o?”

Yahaya 18:30

Ɓe mbi'imo, “Daa naa' o gaɗoowo ko halli, daa min ngaddaayimo to maaɗa.”

Yahaya 19:12

Nde Bilaatus nani non, o ɗaɓɓiti laawol no o yoofirta Yeesu, ammaa Yahuudanko'en ngaɗi ka wiiki e sembe, “Taa yoofii neɗɗo o'o, naa' a higo Kaysar! Fuu noddiroowo hoore muuɗum laamiiɗo o ganyo Kaysar!”

Kuuɗe Lilaaɓe 24:13

Ɓe mbaawataa tabbitinankima ko ɓe ngulloriiyam jooni.

Kuuɗe Lilaaɓe 24:5

Min tawii neɗɗo o'o no kalluɗo naa' seɗɗa, gaddoowo hawre hakkunde Yahuudanko'en nder duuniyaaru fuu. O mawɗo nder diina Najaranko'en, waato tokkuɓe Yeesu.

Roomanko'en 13:7

Njoɓee koo moye nyamaande nde tokkata'on, tokkooɓe'on nyamaande ceede leydi, njoɓeeɓe. Kokkee mangu haanuɓe kokkon mangu.