3 Njahee. Mi lilii'on to yimɓe bono mbaaloy hakkunde caafaali.
“Raɗɗum, e mi lila'on bono mbaaloy caka caafaali. Ngam non, paamanee ko'e mooɗon no boole ngaɗata, ɗonmaa ngartee ɓe kallaa bo pooli.
Koo moye wanyay'on ngam on tokkuɓeyam. Ammaa munyuɗo haa re'irde hisay.
“Paamanee annabo'en fewre garayɓe to mooɗon nder nandi baali, ammaa nder ɓerɗe maɓɓe e ɓe nandi e caafaali kalluɗi.
To' on njaadu e jakaare ceede koo jakaare limce, koo paɗe, nden to' on kownu goɗɗo kownol juutungol dow ɗatal.
Neɗɗo koccaaɗo durngol naa' o jeyɗo baali ɗin. To o yi'ii caafaandu e wara, o alay baali ɗin o dogga. Caafaandu ndun nangaɗi sankitaɗi.
Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon.
Ɗum riiway'on daga nder lenyol. Goonga, carel e wara ngel koo moye barɗo'on nyumay Allah huwanta.
E mi andi gaɗa mi alii ɗo'o yimɓe kalluɓe bo caafaali no nattay nder mooɗon, kadimaa boo ɓe alataa ornde nden.
Min e hoore am mi hollaymo doole o torree torraaji ɗuɗɗi ngam inde am.”
O toriimo o windanamo ɗerewol ngol o hollata mawɓe cuuɗi do'aare gonɗi gariiri Dimasku, wiiki to o tawii tokkuɓe Laawol Yeesu ton, worɓe koo rewɓe, o nangaɓe, o haɓɓaɓe, o yaaraɓe gariiri Urucaliima.