Luka 10:2 - Fulfulde Nigeria

² O wi'iɓe, “Gese ɓenduɗe e ɗuuɗi, ammaa huwooɓe ɗuuɗaa. Toree Joomu gese ɗen liloya huwooɓe nder gese maako.

Luka 10:2 Iomraidhean Croise

Maatiyu 20:1

“Laamu Allah e nandi e goɗɗo joomu ngesa burtiiɗo ilaa subaka ngam o heɓa huwooɓe to ngesa inabooje maako.

Markus 13:34

Ɗum bo neɗɗo gaɗuɗo yaadu. Nde o wari dilluki o ali wuro maako nder juuɗe maccuɓe maako, o hokki koo moye kuugal ngal waɗata, o wi'i deenoowo dammugal ngal o daroo e mo reena.

Markus 16:15

Nden o wi'iɓe, “Njahee koo toye nder duuniyaaru nga'ajinanon koo moye Habaru Belɗum.

Markus 16:20

Sey tokkuɓemo ɓen ndilli ɓe nga'ajinoyi Habaru Belɗum koo toye. Joomiraawo walliɓe, o hokkiɓe bawɗe waɗuki kuuɗe kayɗiniiɗe ngam tabbitinki ko ɓe mbi'ata to maako ɗum ƴiwoyi.]

Luka 9:1

Gaɗa Yeesu noddii tokkuɓemo sappo e ɗiɗo, o hokkiɓe bawɗe e laamu dow wurtinki ginni e yamɗinki nyawuuji.

Kuuɗe Lilaaɓe 11:19

Woɓɓe tokkuɓe Yeesu cankitaama ngam torraaji ɗi ɓe torraa gaɗa ɗum warii Istifaanus. Woɓɓe njahi Finiikiya, woɓɓe njahi Sayiifurus, woɓɓe boo njahi Antaakiya. E ɓe nga'ajina nder Yahuudanko'en tan.

Kuuɗe Lilaaɓe 13:2

Wonde nyalnde e ɓe mawnina Joomiraawo e ɓe cuumoo, sey Ruuhu Allah wi'iɓe, “Kakkitaneeyam Barnaba e Caawulu ngam kuugal ngal noddumiɓe ɓe ngaɗa.”

Kuuɗe Lilaaɓe 13:4

Gaɗa Ruuhu Allah lilii Barnaba e Caawulu, ɓe njahi gariiri Saluukiya, daga ton ɓe natti komiwal ɓe njahi leydi Sayiifurus ngondi caka ndiyam.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Kuuɗe Lilaaɓe 22:21

Joomiraawo wi'iyam, ‘Umma, mi lilete to woɗɗi nder leƴƴi ɗi naa' Yahuudanko'en.’ ”

Kuuɗe Lilaaɓe 8:4

Nden cankitaaɓe ngaɗi ka yiilaaki e nga'ajina Habaru Belɗum.

1 Korintiyanko'en 12:28

Nder kawtal tokkuɓe Yeesu, arande Allah wartirii woɓɓe lilaaɓe, woɓɓe boo o wartiriiɓe annabo'en, nden woɓɓe ekkitinooɓe, woɓɓe boo gaɗooɓe kuuɗe kayɗiniiɗe, woɓɓe boo yamɗitinooɓe nyawɓe, woɓɓe boo wallooɓe, woɓɓe ardiiɓe, woɓɓe boo gaɗirooɓe do'aare ɗemɗe ɗe ɓe andaa.

1 Korintiyanko'en 15:10

Ammaa ngam yidde nde Allah holliyam mi wartii ko ngonmi hande, nden yidde nde o holliyam wartaayi meere. Mi ɓurii koo moye lilaaɗo huwuki, koo nde naa' ɗum min huwata, ɗum yidde Allah gondunde e am huwata.

2 Korintiyanko'en 6:1

Minon, min kuudooɓe e Allah. Ngam maajum e min toroo'on to' on alu caahu Allah ɗum keɓuɗon warta meere.

Filibiyanko'en 2:21

Horiiɓe ɓen koo moye ko woni yeeso muuɗum tan wannimo, naa' ko Yeesu Almasiihu yiɗi.

Filibiyanko'en 2:25

Mi yi'ii e haani mi lilonoya'on bandiraawo am Abaaforoditus higo kuugal am, higo torra am ɗonmaa, mo liloyɗon wallayam.

Filibiyanko'en 2:30

Ngam ndenno o ɓadake o maaya dow kuugal Almasiihu. O soorii yonki maako ngam o huwa kuugal wallukiyam ngal on mbaawataa huwuki.

Koloosiyanko'en 1:29

Kanjum waɗi e mi huwa, e mi fiida, e mi huutira fuu sembe Almasiihu kuwoojum e bawɗe nder am.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

1 Tasaloonikanko'en 2:9

Bandiraaɓe, on ngejjitaayi kuuɗe ɗe min kuwi naa' seɗɗa. Min kuwii jemma e nyalawma ngam to' min njowana goɗɗo nder mooɗon wongal teddoral carel ko min nga'ajinanta'on Habaru Belɗum ƴiwoyɗum to Allah.

1 Tasaloonikanko'en 5:12

Ammaa e mi toroo'on bandiraaɓe, kokkee kuwooɓe nder mooɗon mangu, waato ardiiɓe'on nder kuugal Joomiraawo wagginooɓe'on.

2 Tasaloonikanko'en 3:1

Bandiraaɓe amin, ko sakitii woni ngaɗaneemin do'aare ngam habaru Joomiraawo sankitoo jawɗum ɗum mawninee non no mawninirɗonɗum.

1 Timooti 4:10

En kuwa, en piida naa' seɗɗa ngam en ngaɗii ɓerɗe meeɗen dow Allah mo yonki, Kisnoowo koo moye, waato kooliiɓemo.

2 Timooti 4:5

Ammaa an, suru hoore maaɗa koo ndeye, munyu nder torra ka njarataa, huwu kuugal wa'ajinki, waɗu fuu kuugal ngal Allah hokkumaa boɗɗum.

Filimon 1:1

Ɗerewol ngo'ol ƴiwoyii daga jungo am, min Bulus, e bandiraawo meeɗen Timooti. Mi maɓɓaaɗo ngam wa'ajinki habaru Yeesu Almasiihu. E mi windanmaa, Filimon, an kuudoowo e amin, giɗaaɗo,

Ibraaniyanko'en 3:6

Ammaa Almasiihu o ɓiɗɗo, paamanoowo yimɓe Allah e goonga. En yimɓe Allah to en njogake sembe ɓernde e ciya kulol dow ko kammiiɗen.

Wahayu Yahaya 2:1

Nden o wi'iyam, “Windan malaa'ikaajo kawtal tokkuɓe Yeesu wonɓe gariiri Aafisa wi'uki: “Min jogiiɗo koode ɗen ɗon joweeɗiɗi e jungo nyaamo, jahoowo caka fitilaaji jiinaari joweeɗiɗi ɗin ɗon.