Aafisanko'en 1:4 - Fulfulde Nigeria

⁴ Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.

Aafisanko'en 1:4 Iomraidhean Croise

Maatiyu 24:22

Daa Allah ustaayi ɗen ɗon balɗe, daa walaa goɗɗo kisayɗo. Ammaa ngam ɓen ɗon cuɓaaɓe maako, o ustay balɗe ɗen.

Maatiyu 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Maatiyu 24:31

O waɗay ɗum duuda luwal sembee duuduki liluki malaa'ika'en maako, ɓe kawrita ɓe o suɓi daga koo toye nder duuniyaaru, daga ngo'ol keerol duuniyaaru yaaki ngol ton keerol duuniyaaru.

Maatiyu 25:34

Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Yahaya 10:16

E mi woodi goɗɗi baali ɗi ngalaa nder hoggo ngo'o. Doole mi waddaɗi kanji maa. Ɗi kettindanto hononde am. Ngam non ɗi ngartay ornde go'o, gaynaako go'o.

Yahaya 15:16

Naa' onon cuɓiyam, min suɓi'on hokki'on kuugal njahon ngaɗon goɗɗum ɗum Allah yiɗi tabitayɗum. Nden Nyaako Mo Dow hokkay'on koo ɗume ɗum toriiɗonmo nder inde am.

Yahaya 17:24

“Yaa Nyaako am Mo Dow, e mi yiɗi ɓen ɗon ɓe kokkuɗaayam ɓe ngonda e am to ngonmi, ɓe ngi'a teddungal am, teddungal ngal kokkuɗaayam ngam a yiɗiyam ko duuniyaaru tagee.

Kuuɗe Lilaaɓe 13:48

Nde yimɓe naa' Yahuudanko'en nani non, ɓe nani belɗum, ɓe teddini Wolde Joomiraawo. Nden ɓen ɗon ɓe Allah siryanii heɓuki yonki ki re'ataa tokki Yeesu.

Kuuɗe Lilaaɓe 15:18

Non Joomiraawo wi'i, andinɗo fii ɗu'um ko neeɓi.” ’

Kuuɗe Lilaaɓe 18:10

ngam e mi wondi e maaɗa. Walaa baawayɗo waɗankima goɗɗum, ngam e mi woodi yimɓe ɗuɗɓe nder gariiri ndi'i.”

Roomanko'en 8:33

Moye waawata wullaaki yimɓe ɓe Allah suɓi? Ɗum Allah e hoore muuɗum wartiriɓe aadili'en.

1 Korintiyanko'en 1:8

O waɗay ka sembiɗinki'on haa yaaki re'irde, ngam ngarton ɓe ngalaa ko ɗum huɗirta'on nyalnde nde o wartoyta.

Galaatiyanko'en 5:13

Onon bandiraaɓe am, on nodda ngam ngarton rimɗinaaɓe. Ammaa to' on kuutir rimɗinki mooɗon warta laawol waɗuki ko suuno ɓalli mooɗon ngiɗi. Sey ni mballindiron nder yidde.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

Galaatiyanko'en 5:6

Ngam to en cumpootira e Yeesu Almasiihu, naadeeki e ciya naadeeki fuu walaa ko nafi. Ammaa ko ɓuri woni hoolaaki Almasiihu. Ko hollata en koolimo woni ngiɗen yimɓe e Allah.

Aafisanko'en 2:10

Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.

Aafisanko'en 3:17

ngam Almasiihu jooɗoo nder ɓerɗe mooɗon barka hoolaakimo. E mi toroo Allah ngam yidde lugga sembiɗa nder ɓerɗe mooɗon,

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Aafisanko'en 5:2

Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Aafisanko'en 5:27

Almasiihu waɗii ɗu'um ngam o hoccana hoore maako tokkuɓemo ɓe ngarta laɓɓe, ɓe ngalaa koo goɗɗum nefniiɗum, koo goɗɗum ɗum wooɗaa yiiki. Kadin ɓe ngarta ceniiɓe ɓe ngalaa goɗɗum ɗum wooɗaa.

Filibiyanko'en 2:15

ngam ngarton walaa ko ɗum huɗirta'on, laaɓuɓe, ɓiɓɓe Allah ɓe ngalaa halleende nder jaamanu yimɓe ɓe ngalaa goonga kalluɓe, ngarton jaynotooɓe nder maɓɓe bo fitilaaji e duuniyaaru,

Koloosiyanko'en 1:22

Ammaa jooni Allah siryootiri e mooɗon barka mayde Ɓiɗɗo maako, ngam o wartira'on ceniiɓe, laɓɓe ɓe ngalaa ko ɗum wullortooɓe yeeso maako.

Koloosiyanko'en 2:2

Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

1 Tasaloonikanko'en 3:12

Joomiraawo ɓeyda yidde nde ngiɗindirɗon naa' seɗɗa e yidde nde ngiɗɗon woɓɓe maa, non no yidde amin ɓeydorii dow mooɗon.

1 Tasaloonikanko'en 4:7

Allah noddaayi'en ngam ngarten ɓe cenaaki, ammaa o noddu'en ngaɗen jonde ceniinde.

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

2 Timooti 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

2 Timooti 2:19

Fuu e non, ko Allah tiggi e ɗum darii boɗɗum. Dow maajum ɗum windi wiiki, “Joomiraawo meeɗen e andi ɓe muuɗum,” nden, “Koo moye bi'oowo e tokka Joomiraawo meeɗen doole o ala waɗuki ko wooɗaa.”

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

1 Biiturus 1:2

Allah Nyaako Mo Dow suɓii'on nder yidde maako. Ruuhu maako wartirii'on ceniiɓe, ngam tokkon ko Yeesu Almasiihu wi'i, laaɓon barka ƴiiƴam maako. Allah ɓeyda barkiɗinki'on, ɓeyda hokkuki'on jam.

1 Biiturus 1:20

Kanko Allah suɓi daga ko ɗum taga duuniyaaru, ammaa ɗum wanginimo ngam mooɗon e balɗe ɗe'e ɗe re'uki duuniyaaru.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

2 Biiturus 3:14

Ngam non, onon ɓe ngiɗumi, nde on keɗii nden ɗon nyalnde, ngaɗee ko mbaawoton waɗuki njooɗooɗon jonde lamnde e aadilaaku yeeso Allah e ɓernde waltiinde.

1 Yahaya 4:16

Ngam non enen en andi yidde nde Allah waɗani'en en njaɓiinde. Allah o yidde, fuu kolloowo yidde e mo jooɗodii e Allah won ɗon, nden Allah maa e jooɗodii e maako.

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.

Wahayu Yahaya 17:8

Mardi ndi ngiiɗaa, ndenno e ndi woodunoo yonki, jooni ndi walaa yonki, nden ɗo'o yeeso ndi wurtoyto daga nder ngayka kalluka lugguka ndi yaha to ndi halketee. Jooɗiiɓe e duuniyaaru ɓe ɗum windaayi inɗe maɓɓe nder deftere yonki ko duuniyaaru tagee, ɓe kayɗinay e yi'uki mardi ndin ɗon. Ngam ndenno e ndi woodunoo yonki, jooni ndi walaa yonki, nden ndi wartoyay.