1 Biiturus 3:4 - Fulfulde Nigeria

⁴ Sey ni mo''itinaaki mooɗon warta mo''inki ɓerɗe mooɗon e waɗuki ko lallataa waato lestinki hoore, e suruki hoore. Iri kin ɗon mo''itinaaki ki lallataa; kanki woni ɓurki wooɗuki yeeso Allah.

1 Biiturus 3:4 Iomraidhean Croise

Maatiyu 11:29

Tokkee ko mbi'aymi'on. Ekkitee to am, ngam e mi woodi hakkiilo, mi lestinɗo hoore, nden ɓerɗe mooɗon mbaltoto.

Maatiyu 21:5

“Mbi'ee yimɓe Urucaliima, ‘Raa laamiiɗo mooɗon e wara to mooɗon! O lestinɗo hoore e mo dow mbabba, e dow mbabba mola pamara.’ ”

Maatiyu 23:26

An Faarisankeejo bumɗo! Artu layɓuki nder jardugel ngel e le'el ngel, nden koo toye maakoy wartay laɓɗum.

Maatiyu 5:5

“Ɓe barkiɗinaaɓe leynooɓe ko'e, ngam kamɓe ndonata duuniyaaru.

Luka 11:40

Onon haaŋaaɓe! Koo moye e andi gaɗuɗo yaasi kanko waɗi nder.

Luka 16:15

O wi'iɓe, “Onon ngoni kollooɓe ko'e mooɗon on gaɗooɓe ko haani yeeso yimɓe, ammaa Allah e andi ɓerɗe mooɗon. Ngam ko yimɓe mawninta e harmini yeeso Allah.

Roomanko'en 1:23

Allah tabitayɗo haani ɓe mawnina, ammaa e ɓe mawnina gunkiiji gaɗaaɗi nder nandi neɗɗo maayayɗo, e nder nandi colli, e nder nandi marle, e nder nandi ko dasotoo.

Roomanko'en 2:29

Ngam maajum, Yahuudankeejo mo goonga, kanko woni Yahuudankeejo daga nder ɓernde, nden naaduki ki goonga, kanki woni naaduki ɓernde ki Ruuhu waɗata, naa' ngam tokkuki Attawra bindaaɗum. Iri o'o neɗɗo naa' yimɓe mantatamo, Allah mantatamo.

Roomanko'en 6:6

En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

Roomanko'en 7:22

Daga nder ɓernde am e mi nana belɗum dooka ƴiwoyɗum daga to Allah.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

2 Korintiyanko'en 4:16

Ngam non, min ittataa kammunde. Koo nde ɓalli amin e ɓeyda tampuki, fuu e non ɓerɗe amin e cembiɗinee koo ndeye.

Galaatiyanko'en 5:23

e leynuki hoore, e suruki hoore. Walaa dooka ganyuɗum kuuɗe ɗe'e.

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

Koloosiyanko'en 3:3

ngam on ngartii bo mayɓe, nden jooni on ngoodi yonki kesi ki goɗɗo waawataa yiiki iri yonki ki Almasiihu woodi gonduɗo e Allah.

1 Tasaloonikanko'en 4:11

Ngaɗee ko mbaawoton waɗuki ngaɗon jonde jam, paamanee ko woni yeeso mooɗon tan, on kuutira juuɗe mooɗon non no min mbi'i'on ngaɗon.

2 Tasaloonikanko'en 3:12

E min mbi'a iri yimɓe ɓe'e e min mbagginaɓe nder inde Joomiraawo meeɗen Yeesu Almasiihu ɓe ngaɗa jonde bonde ɓe kuwa ɓe keɓana ko'e maɓɓe ko ɓe nyaamata.

1 Timooti 2:2

Ɗum waɗana laamiiɓe do'aare, e koo moye ardiiɗo ngam njooɗooɗen jam hakkiilo meeɗen e fukkii, en mawnina Allah, en ngaɗa ko o wi'i.

2 Timooti 2:25

O warta pamtinoowo geddooɓe ekkitinol maako nder hakkiilo. Ɗum gaɗotooɗum Allah waɗa ɓe tuuba, ɓe paama goonga,

Tiitus 3:2

Wi'uɓe to' ɓe meta haala kalluka dow goɗɗo, to' ɓe ngarta ɗaɓɓitooɓe hawre, to' ɓe ngarta ɓe ɓerɗe caɗɗe. Sey ni ɓe kolla koo moye ngikku boɗɗum.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

1 Biiturus 1:23

Ngaɗee non ngam Allah hokkii'on yonki kesum barka wolde maako goodunde yonki tabbutunde haa abadaa.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.