وَحَيُ يَحَيَ 4:8 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁸ طُمْ طٛنْ تَغَاطُمْ نَيُمْ غٛودُطُمْ يٛنْکِ، کٛو طُمٜ اٜ وٛودِ بِيٜىٰلِ جٛوٜىٰغٛعٛ؞ اٜ طُمْ وٛودِ غِتٜ تٛ ٻَنْدُ کٛو تٛيٜ؞ جٜمَّ اٜ ݧَلَوْمَ طُمْ اَلَتَا يِمُکِ اٜ طُمْ وِعَ، ‏«‏اٛ شٜنِيطٛ، اٛ شٜنِيطٛ، اٛ شٜنِيطٛ، اَللَّه جٛومِرَاوٛ جٛومُ بَوْطٜ، کَنْکٛ وٛنِ ندٜنّٛ، کَنْکٛ وٛنِ جٛونِ، کَنْکٛ وٛنِ يٜىٰسٛ طٛعٛ!‏»‏

وَحَيُ يَحَيَ 4:8 Iomraidhean Croise

کُوطٜ لِلَاٻٜ 20:31

نغَمْ نٛنْ، ڤَامٜىٰ، شِفْتٛرٜىٰ دُوٻِ تَتِ نغَطُمِ، جٜمَّ اٜ ݧَلَوْمَ، اٜ مِ وَغِّنَ کٛو مٛيٜ مٛوطٛنْ فُو حَا اٜ غٛنْطِ؞

2 کٛرِنْتِيَنْکٛعٜنْ 6:18

مِ وَرْتَيْ ݧَاکٛ مٛوطٛنْ، اٛنٛنْ بٛو اٛنْ نغَرْتَيْ ٻِٻّٜ اَمْ وٛرْٻٜ اٜ رٜوْٻٜ؞ نٛنْ جٛومِرَاوٛ جٛومُ بَوْطٜ وِعِ؞»‏

1 تَسَلٛونِکَنْکٛعٜنْ 2:9

بَنْدِرَاٻٜ، اٛنْ نغٜجِّتَايِ کُوطٜ طٜ مِنْ کُوِ نَاع سٜطَّ؞ مِنْ کُوِي جٜمَّ اٜ ݧَلَوْمَ نغَمْ تٛع مِنْ نجٛوَنَ غٛطّٛ ندٜرْ مٛوطٛنْ وٛنْغَلْ تٜدّٛرَلْ شَرٜلْ کٛ مِنْ نغَعَجِنَنْتَعٛنْ حَبَرُ بٜلْطُمْ پِوٛيْطُمْ تٛ اَللَّه؞

1 تِمٛوتِ 4:16

فَامَنْ حٛورٜ مَاطَ اٜ اٜکِّتِنٛلْ مَاطَ؛ وَطُ کَ وَطُکِطُمْ، نغَمْ تَا وَطَ نٛنْ، اَ حِسْنَيْ حٛورٜ مَاطَ اٜ نَنَيْٻٜمَ؞

2 تِمٛوتِ 4:2

وَعَجِنْ وٛلْدٜ اَللَّه، وَطُ کَ وَعَجِنْکِندٜ اٜ شَرٜلْ نغٜلْ نغِطَّا اٜ شَرٜلْ نغٜلْ اَ يِطَا؞ تٛ يِمْٻٜ نغَطِي کٛ وٛوطَا، وِعُٻٜکَ، وَغِّنْٻٜ، سٜمْبِطِنْٻٜ، وَادُ مُݧَلْ اٜ مَٻّٜ، نغَطَا کَ اٜکِّتِنْکِٻٜ؞

اِبْرَانِيَنْکٛعٜنْ 13:8

يٜىٰسُ اَلْمَسِيحُ اٜ طٛنْ نٛ وٛنْتِندِرِ کٜىٰݧَ اٜ حَنْدٜ اٜ حَا اَبَدَا؞

وَحَيُ يَحَيَ 1:4

مِنْ يَحَيَ اٜ مِ وِنْدَنَ تٛکُّٻٜ يٜىٰسُ وٛنْٻٜ ندٜرْ غَرِيجٜ جٛوٜىٰطِطِ ندٜرْ لٜيْدِ اَاسِيَ؞ اَللَّه غٛنْطٛ جٛونِ اٜ ندٜنّٛ اٜ طٛعٛ يٜىٰسٛ، اٜ رُوحُوجِ جٛوٜىٰطِطِ غٛنْطِ يٜىٰسٛ جٛوطٛرْغَلْ لَامُ مَاکٛ،

وَحَيُ يَحَيَ 1:8

اَللَّه جٛومِرَاوٛ جٛومُ بَوْطٜ وِعِ، ‏«‏مِنْ وٛنِ اَلْفَ، مِنْ وٛنِ اٛمٜىٰغَ،»‏ وَاتٛ فُطّٛودٜ اٜ تِمّٛودٜ؞ کَنْکٛ وٛنِ جٛونِ، اٜ ندٜنّٛ، اٜ يٜىٰسٛ طٛعٛ؞

وَحَيُ يَحَيَ 11:17

اٜ ٻٜ مبِعَ، ‏«‏يَا اَللَّه جٛومِرَاوٛ جٛومُ بَوْطٜ، اَنْ وٛنِ جٛونِ، اَنْ وٛنِ ندٜنّٛ!‏ مِنْ نغٜتِّيمَ نغَمْ اَ حُوتِرِي بَوْطٜ مَاطَ اَ فُطِّي لَامَاکِ؞

وَحَيُ يَحَيَ 14:11

شُرْکَ حِيتٜ غُلَيْنغٜٻٜ کَ وَطَيْ کَ اُمَّاکِ دٛوْ حَا اَبَدَا اَبَدِنْ؞ ٻٜنْ طٛنْ مَوْنِنْٻٜ مَرْدِ ندِنْ طٛنْ اٜ نغُنْکِوَ نَنْدُنغَ اٜ مَيْرِ اٜ فُو غَطَنَاٻٜ اَلَامَ اِنْدٜ مَيْرِ، ٻٜ کٜٻَتَا اُسْتَنٜىٰکِ بٛنٜ جٜمَّ اٜ ݧَلَوْمَ؞»‏

وَحَيُ يَحَيَ 14:3

اٜ ٻٜ نغِمَ وٛنْغٛلْ غِمٛلْ کٜسٛلْ يٜىٰسٛ جٛوطٛرْغَلْ لَامُ نغَلْ اٜ تَغَاطُمْ نَيُمْ غٛودُطُمْ يٛنْکِ طُمْ طٛنْ اٜ يٜىٰسٛ مَوْٻٜ ٻٜنْ طٛنْ؞ وَلَا بَاوَيْطٛ اٜکِّتَاکِ غِمٛلْ نغٛلْ، سٜيْ ٻٜنْ طٛنْ يِمْٻٜ 144,000 تَنْ ٻٜ طُمْ رِمْطِنِ دَغَ دُونِيَارُ؞

وَحَيُ يَحَيَ 15:3

اٜ ٻٜ نغِمَ غِمٛلْ مُوسَ مَشُّطٛ اَللَّه اٜ غِمٛلْ کَرٛورِ ندِنْ، اٜ ٻٜ مبِعَ، ‏«‏يَا اَللَّه جٛومِرَاوٛ جٛومُ بَوْطٜ، کُوطٜ مَاطَ طٜ مَوْطٜ کَيْطِنِيطٜ؞ لَامِيطٛ لٜپِّ فُو، کٛو طُمٜ کٛ نغَطَتَا اٜ وٛودِ اَادِلَاکُ اٜ غٛونغَ!‏

وَحَيُ يَحَيَ 15:7

سٜيْ غٛعٛ ندٜرْ تَغَاطُمْ نَيُمْ غٛودُطُمْ يٛنْکِ طُمْ طٛنْ حٛکِّ مَلَاعِکَعٜنْ نجٛوٜىٰطِطٛ ٻٜنْ تُمُّطٜ جٛوٜىٰطِطِ طٜ جِينَارِ اٜ طٜ کٜىٰوِ مٛنّٜرٜ اَللَّه غٛودُطٛ يٛنْکِ حَا اَبَدَا اَبَدِنْ؞

وَحَيُ يَحَيَ 16:14

کَنْجِ نغٛنِ غِنِّ غَطٛوجِ کُوطٜ کَيْطِنِيطٜ؞ کَنْجِ نغٛنِ جَحٛوجِ تٛ لَامِيٻٜ دُونِيَارُ فُو طِ کَوْرِتَٻٜ نغَمْ کٛنُ اٜ ندٜنْ طٛنْ ݧَلْندٜ مَوْندٜ ندٜ اَللَّه جٛومُ بَوْطٜ؞

وَحَيُ يَحَيَ 16:7

سٜيْ نَنْمِ حٛنٛنْدٜ دَغَ تٛ طُمْ وُلَتَ اُرْدٜ وٜلْندٜ اٜ وِعَ، ‏«‏غٛونغَ، اَللَّه جٛومِرَاوٛ جٛومُ بَوْطٜ!‏ اَ وَطِرَ کِيتَ اٜ غٛونغَ اٜ اَادِلَاکُ!‏»‏

وَحَيُ يَحَيَ 19:15

وٛکِّ کَافَحِ ݧَاطُکِ اٜ وُرْتٛيٛو ندٜرْ حٛنْدُکٛ مَاکٛ، اٜ مَاکِ اٛ فٜعِّرْتَ دُونِيَارُ، اٛ لَامٛرْتٛٻٜ اٜ سَوْرُ نجَمْندِ، اٛ يَاٻَيْ ٻِکّٛيْ اِنَبٛوجٜ ندٜرْ نغَيْکَ مٛنّٜرٜ اَللَّه جٛومُ بَوْطٜ؞

وَحَيُ يَحَيَ 19:4

سٜيْ مَوْٻٜ ٻٜنْ طٛنْ 42 اٜ طُمْ طٛنْ تَغَاطُمْ نَيُمْ غٛودُطُمْ يٛنْکِ ندِشِّي مَوْنِنِ اَللَّه جٛوطِيطٛ دٛوْ جٛوطٛرْغَلْ لَامُ؞ اٜ ٻٜ مبِعَ، ‏«‏اَامِنْ!‏ حَالِلُويَ!‏»‏

وَحَيُ يَحَيَ 21:22

مِ يِعَايِ وُرٛ شٜنِينغٛ ندٜرْ غَرِيرِ ندِنْ، نغَمْ اَللَّه جٛومِرَاوٛ جٛومُ بَوْطٜ کَنْکٛ اٜ کَرٛورِ ندِنْ نغٛنِ وُرٛ شٜنِينغٛ مَيْرِ؞

وَحَيُ يَحَيَ 3:7

‏«‏وِنْدَنْ مَلَاعِکَاجٛ کَوْتَلْ تٛکُّٻٜ يٜىٰسُ وٛنْٻٜ غَرِيرِ فِلَدٜلْفِيَ وِعُکِ:‏ ‏«‏مِنْ وٛنِ شٜنِيطٛ مٛ غٛونغَ جٛغِيطٛ مَٻِّتِرْغٜلْ دَوْدَ؞ تٛ اٛ مَٻِّتِي دَمُّغَلْ، وَلَا مَٻَّيْطٛنغَلْ، تٛ اٛ مَٻِّينغَلْ، وَلَا مَٻِّتَيْطٛنغَلْ؞

وَحَيُ يَحَيَ 4:4

حَادٜ مَاغَلْ اٜ وٛودِ غٛطّٜ جٛوطٛرْلٜ کَنْجٜ 42 اٜ طٜ ڤِلِينغَلْ؞ ندٜنْ وٛٻّٜ مَوْٻٜ کَمْٻٜ 42 اٜ نجٛوطِي دٛوْ مَاجٜ؞ اٜ ٻٜ بٛرْنِي کٛلْتٜ دَنٜىٰجٜ اٜ ٻٜ تَارِ غِيفِ جِينَارِ تٛ کٛعٜ مَٻّٜ اٜ ٻٜ نجٛوطِي دٛوْ جٛوطٛرْلٜ طٜنْ؞

وَحَيُ يَحَيَ 4:6

طٛنْمَا يٜىٰسٛ مَاغَلْ اٜ وٛودِ غٛطُّمْ نَنْدُطُمْ اٜ مبٜىٰلَ طٜلْکِتٛتٛونغَ بٛ دَارٛغَّلْ؞ طٛنْمَا اٜ وٛودِ غٛطُّمْ تَغَاطُمْ کَنْجُمْ نَيُمْ غٛودُطُمْ غِتٜ کٛو تٛيٜ غَطَ اٜ يٜىٰسٛ اٜ طُمْ فِلِي جٛوطٛرْغَلْ نغَلْ کٛو ندُيٜ وُتُّدُ؞

وَحَيُ يَحَيَ 4:9

فُو شَرٜلْ نغٜلْ طُمْ طٛنْ تَغَاطُمْ غٛودُطُمْ يٛنْکِ يِمِ غِمٛلْ مَنْتُکِ، اٜ مَوْنِنْکِ، اٜ يٜتُّکِ اٛنْ طٛنْ جٛوطِيطٛ دٛوْ جٛوطٛرْغَلْ نغَلْ غٛودُطٛ يٛنْکِ حَا اَبَدَا اَبَدِنْ،

وَحَيُ يَحَيَ 5:6

سٜيْ نغِيمِ وٛنْدِ کَرٛورِ اٜ دَرِي حَادٜ جٛوطٛرْغَلْ نغَلْ؞ تَغَاطُمْ نَيُمْ غٛودُطُمْ يٛنْکِ طُمْ اٜ مَوْٻٜ ٻٜنْ اٜ ڤِلِيندِ؞ کَرٛورِ ندِنْ بٛ ندِ حِرْسَانٛمَ؞ اٜ ندِ وٛودِ لُوٜ جٛوٜىٰطِطِ اٜ غِتٜ جٛوٜىٰطِطِ، کَنْجٜ نغٛنِ رُوحُوجِ اَللَّه جٛوٜىٰطِطِ لِلَاطِ ندٜرْ دُونِيَارُ فُو؞

وَحَيُ يَحَيَ 6:1

ندٜنْ مِ يِعِ کَرٛورِ ندِنْ تَکِّتِي غٛعٛ ندٜرْ حَاتِمِيجٜ جٛوٜىٰطِطِ طٜنْ؞ سٜيْ نَنْمِ غٛعٛ ندٜرْ تَغَاطُمْ نَيُمْ غٛودُطُمْ يٛنْکِ طُمْ طٛنْ نٛدِّي سٜمْبٜىٰ بٛ حٛولٛ فَلْمَانغٛ وِعِ، ‏«‏وٛرٛيْ!‏»‏

وَحَيُ يَحَيَ 6:6

سٜيْ نَنْمِ غٛطُّمْ بٛ حٛنٛنْدٜ اٜ وُرْتٛيٛو حَکُّندٜ تَغَاطُمْ نَيُمْ غٛودُطُمْ يٛنْکِ طُمْ طٛنْ اٜ ندٜ وِعَ، ‏«‏طُمْ يٛٻَيْ شٜىٰدٜ کُوغَلْ ݧَلْندٜ غٛعٛ نغَمْ ڤٛوندِرْغٜلْ اَلْکَمَارِ غٛعٛ؞ طُمْ يٛٻَيْ شٜىٰدٜ کُوغَلْ ݧَلْندٜ غٛعٛ نغَمْ ڤٛوندِرْکٛيْ تَتٛيْ کٛيْ غَوْرِ؞ اَمَّا تَاع وٛنُّ نٜبَّمْ جَيْتُنْ کٛو ندِيَمْ اِنَبٛوجٜ؞»‏

وَحَيُ يَحَيَ 7:11

مَلَاعِکَعٜنْ فُو اٜ ندَرِي ڤِلِي جٛوطٛرْغَلْ لَامُ نغَلْ اٜ مَوْٻٜ ٻٜنْ طٛنْ اٜ تَغَاطُمْ نَيُمْ غٛودُطُمْ يٛنْکِ طُمْ طٛنْ؞ ٻٜ فُو ٻٜ نجَنِ ٻٜ مَوْنِنِ اَللَّه؞

وَحَيُ يَحَيَ 7:15

کَنْجُمْ وَطِ اٜ ٻٜ ندَرِي يٜىٰسٛ جٛوطٛرْغَلْ لَامُ اَللَّه؞ اٜ ٻٜ کُوَنَمٛ جٜمَّ اٜ ݧَلَوْمَ ندٜرْ وُرٛ مَاکٛ؞ جٛوطِيطٛ دٛوْ جٛوطٛرْغَلْ لَامُ نغَلْ اٛ سُرَنَيْٻٜ؞