وَحَيُ يَحَيَ 21:3 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

³ ندٜنْ مِ نَنِي وٛنْدٜ حٛنٛنْدٜ شٜمْبِنْدٜ دَغَ جٛوطٛرْغَلْ لَامُ نغَلْ اٜ ندٜ وِعَ، ‏«‏رَطُّمْ تٛ اَللَّه جٛوطٛتٛو اٜ وٛنْدِ اٜ يِمْٻٜ!‏ اٛ جٛوطٛدٛتٛ اٜ مَٻّٜ، ٻٜ نغَرْتَيْ يِمْٻٜ مَاکٛ؞ اَللَّه اٜ حٛورٜ مُوطُمْ وٛنْدَيْ اٜ مَٻّٜ، اٛ وَرْتَيْ اَللَّه مَٻّٜ؞

وَحَيُ يَحَيَ 21:3 Iomraidhean Croise

يَحَيَ 1:14

بِعٜتٜىٰطٛ وٛلْدٜ اٛنْ، اٛ وَرْتِي نٜطّٛ، اٛ جٛوطِي ندٜرْ مٜىٰطٜنْ، اٛ کٜوْطٛ يِدّٜ اٜ غٛونغَ؞ اٜنْ نغِعِي تٜدُّنغَلْ مَاکٛ، تٜدُّنغَلْ ٻِطّٛ بَجّٛ پِوٛيْطٛ تٛ ݧَاکٛ مٛ دٛوْ؞

يَحَيَ 14:23

يٜىٰسُ وِعِ، ‏«‏فُو غِطّٛيَمْ تٛکَّيْ اٜکِّتِنٛلْ اَمْ؞ ݧَاکٛ اَمْ بٛو يِطَيْمٛ، ندٜنْ مِنْ اٜ ݧَاکٛ اَمْ مِنْ نغَرَيْ تٛ مَاکٛ مِنْ جٛوطٛدٛو اٜ مَاکٛ؞

2 کٛرِنْتِيَنْکٛعٜنْ 6:16

ندٜنْ کٛ حَوْتِ وُرٛ شٜنِينغٛ نغٛ اَللَّه اٜ غُنْکِيجِ؟ ٻَلِّ مٜىٰطٜنْ نغٛنِ وُرٛ شٜنِينغٛ نغٛ اَللَّه مٛ يٛنْکِ؞ نغَمْ اٛ وِعِ، ‏«‏مِ جٛوطٛتٛ ندٜرْ مَٻّٜ، مِ يَادَ اٜ مَٻّٜ؞ مِ وَرْتَيْ اَللَّه مَٻّٜ، ٻٜ نغَرْتَيْ يِمْٻٜ اَمْ؞»‏

2 کٛرِنْتِيَنْکٛعٜنْ 6:18

مِ وَرْتَيْ ݧَاکٛ مٛوطٛنْ، اٛنٛنْ بٛو اٛنْ نغَرْتَيْ ٻِٻّٜ اَمْ وٛرْٻٜ اٜ رٜوْٻٜ؞ نٛنْ جٛومِرَاوٛ جٛومُ بَوْطٜ وِعِ؞»‏

1 تَسَلٛونِکَنْکٛعٜنْ 3:11

اَللَّه ݧَاکٛ مٜىٰطٜنْ اٜ حٛورٜ مُوطُمْ اٜ جٛومِرَاوٛ مٜىٰطٜنْ يٜىٰسُ سِرْيَنٛومِنْ لَاوٛلْ نٛ مِنْ نغَرِرْتَ تٛ مٛوطٛنْ؞

اِبْرَانِيَنْکٛعٜنْ 11:16

اَمَّا ٻٜ نغَطِي ٻٜرْطٜ مَٻّٜ دٛوْ لٜيْدِ ٻُرْندِ وٛوطُکِ، وَاتٛ ندِ تٛنْ دٛوْ؞ نغَمْ نٛنْ، نَاع طُمْ شٜمْتِنِيطُمْ تٛ اَللَّه طُمْ نٛدَّمٛ اَللَّه مَٻّٜ، نغَمْ اٛ سِرْيَنَکٜٻٜ غَرِيرِ؞

اِبْرَانِيَنْکٛعٜنْ 8:10

اٛ ٻٜيْدِ وِيکِ، ‏«‏رَا اَلْکَوَلْ نغَلْ نغَادَيْمِ اٜ يِمْٻٜ اِسْرَاعِيلَ غَطَ بَلْطٜ طٜنْ؞ مِ وَطَيْ دٛوکَ اَمْ ندٜرْ ݧُمٛ مَٻّٜ، ندٜنْ مِ وِنْدَطُمْ ندٜرْ ٻٜرْطٜ مَٻّٜ؞ مِ وَرْتَيْ اَللَّه مَٻّٜ، کَمْٻٜ بٛو ٻٜ نغَرْتَيْ يِمْٻٜ اَمْ؞

اِبْرَانِيَنْکٛعٜنْ 8:2

اٜ مٛ حُوَ ندٜرْ وِغٜىٰرٜ ٻُرْندٜ سٜنَاکِ، وَاتٛ ندٜرْ لُکُرُ غٛونغَجُمْ طُمْ جٛومِرَاوٛ تِغِّ تٛنْ دٛوْ، نَاع اٜ جُوطٜ يِمْٻٜ؞

وَحَيُ يَحَيَ 10:4

ندٜ ڤَلْمَالِ جٛوٜىٰطِطِ طِنْ کٛولِ، سٜيْ شِرْيِيمِ مِ وِنْدَيْ؞ اَمَّا سٜيْ نَنْمِ وٛنْدٜ حٛنٛنْدٜ دَغَ دٛوْ وِعِي، ‏«‏تَاع وِعُ غٛطّٛ کٛ ڤَلْمَالِ جٛوٜىٰطِطِ طِنْ طٛنْ مبِعِ ندٜنْ تَاع وِنْدُطُمْ!‏»‏

وَحَيُ يَحَيَ 10:8

ندٜنْ حٛنٛنْدٜ ندٜ نَنُنٛومِ دَغَ دٛوْ، ندٜ فُطِّتِي ندٜ مٜتَنِييَمْ ندٜ وِعِ، ‏«‏يَحُ نجَٻَا طٜرٜوٛلْ نغٛلْ طٛنْ مَٻِّتِينغٛلْ اٜ جُنْغٛ مَلَاعِکَاجٛ اٛنْ طٛنْ دَرِيطٛ دٛوْ مَايٛ اٜ دٛوْ لٜيْدِ؞»‏

وَحَيُ يَحَيَ 12:10

سٜيْ نَنْمِ وٛنْدٜ حٛنٛنْدٜ شٜمْبِنْدٜ دَغَ دٛوْ اٜ وِعَ، ‏«‏جٛونِ کِسْندَمْ، اٜ لَامُ، اٜ بَوْطٜ اَللَّه مٜىٰطٜنْ، اٜ لَامُ اَلْمَسِيحُ مَاکٛ وَرِي؞ نغَمْ اٛنْ طٛنْ غُلّٛتٛوطٛ بَنْدِرَاٻٜ مٜىٰطٜنْ يٜىٰسٛ اَللَّه جٜمَّ اٜ ݧَلَوْمَ رِيوَامَ دَغَ دٛوْ؞

وَحَيُ يَحَيَ 21:7

فُو کٜٻُطٛ جَالٛرْغَلْ حٜٻَيْ فِي طُعُمْ فُو دَغَ تٛ اَمْ، مِ وَرْتَيْ اَللَّه مَاکٛ، کَنْکٛ اٛ وَرْتَ ٻِطّٛ اَمْ؞

وَحَيُ يَحَيَ 22:3

طُمْ حٜٻَتَا غٛطُّمْ طُمْ اَللَّه لَانِ ندٜرْ غَرِيرِ ندِنْ، اَمَّا جٛوطٛرْغَلْ لَامُ اَللَّه اٜ کَرٛورِ ندِنْ جٛوطٛتٛ ندٜرْ مَيْرِ؞ مَشُّٻٜ مَاکٛ بٛو مَوْنِنَيْمٛ؞

وَحَيُ يَحَيَ 7:15

کَنْجُمْ وَطِ اٜ ٻٜ ندَرِي يٜىٰسٛ جٛوطٛرْغَلْ لَامُ اَللَّه؞ اٜ ٻٜ کُوَنَمٛ جٜمَّ اٜ ݧَلَوْمَ ندٜرْ وُرٛ مَاکٛ؞ جٛوطِيطٛ دٛوْ جٛوطٛرْغَلْ لَامُ نغَلْ اٛ سُرَنَيْٻٜ؞