وَحَيُ يَحَيَ 1:9 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁹ مِنْ وٛنِ يَحَيَ بَنْدِرَاوٛ مٛوطٛنْ ندٜرْ تٛکُّکِ يٜىٰسُ؞ اٜنْ نجَرَ تٛرَّ نغَمْ اٜنْ يِمْٻٜ ندٜرْ لَامُ مَاکٛ، اَمَّا اٛ حٛکِّيعٜنْ ٻٜرْطٜ مُݧَلْ؞ طُمْ يَارِييَمْ لٜيْدِ نغٛنْدِ شَکَ ندِيَمْ بِعٜتٜىٰندِ بَتَمٛسْ نغَمْ مِ وَعَجِنِي وٛلْدٜ اَللَّه مِ حٛکِّي حَبَرُ يٜىٰسُ؞

وَحَيُ يَحَيَ 1:9 Iomraidhean Croise

مَاتِيُ 20:23

سٜيْ يٜىٰسُ وِعِٻٜ، ‏«‏اٜىٰ، اٛنْ نجَرَيْ اِرِ جَرْدُغٜلْ تٛرَّ نغٜلْ نجَرَيْمِ، اَمَّا جٛوطَاکِ اٜ جُنْغٛ اَمْ ݧَامٛ اٜ جُنْغٛ اَمْ نَنٛ نَاع مِنْ حٛکَّتَطُمْ؞ طٜعٜ بِغٜىٰجٜ طُمْ طٜ ٻٜنْ طٛنْ ٻٜ ݧَاکٛ اَمْ مٛ دٛوْ سِرْيَنِي؞»‏

مَرْکُسْ 10:39

ٻٜ مبِعِ، ‏«‏اٜىٰ، مِنْ مبَاوَيْ؞»‏ سٜيْ يٜىٰسُ وِعِٻٜ، ‏«‏اٛنْ نجَرَيْ اِرِ جَرْدُغٜلْ تٛرَّ نغٜلْ نجَرَيْمِ، ندٜنْ طُمْ وَطَنَعٛنْ بَڤْتِسْمَ اِرِ طُمْ اُمْ وَطَنْتَيَمْ؞

يَحَيَ 16:33

مِ وِعُعٛنْ طُعُمْ نغَمْ کٜٻٛنْ بٜلْطُمْ ٻٜرْندٜ بَرْکَ سُمْڤٛوتِرْکِ اٜ اَمْ؞ ندٜرْ دُونِيَارُ ندُعُ اٛنْ نجَرَيْ تٛرَّ؞ اَمَّا تٛع اٛنْ نغَنُّ، مِ حٜٻِي جَالٛرْغَلْ دٛوْ دُونِيَارُ؞»‏

کُوطٜ لِلَاٻٜ 1:15

ندٜرْ بَلْطٜ طٜنْ، کَوْتَلْ کٛولِيٻٜ يٜىٰسُ يَارِي يِمْٻٜ 120؞ سٜيْ بِيتُرُسْ اُمِّي، دَرِي يٜىٰسٛ مَٻّٜ، وِعِ،

کُوطٜ لِلَاٻٜ 14:22

اٜ ٻٜ شٜمْبِطِنَ ٻٜرْطٜ تٛکُّٻٜ يٜىٰسُ، اٜ ٻٜ مبَغِّنَٻٜ ٻٜ ندَرٛو اٜ سٜمْبٜ ندٜرْ تٛکُّکِ يٜىٰسُ؞ ٻٜ مبِعِٻٜ، ‏«‏سٜيْ اٜ تٛرَّاجِ طُطِّ کٜٻٜتٜنْ نَتُّکِ لَامُ اَللَّه؞»‏

رٛومَنْکٛعٜنْ 8:17

جٛونِ ندٜ اٜنْ ٻِٻّٜ، اٜنْ نغَرْتِي دٛنٛوٻٜ؞ اٜنْ ندٛنَيْ فِي بٛطُّمْ طُمْ اَللَّه رٜسَنِ يِمْٻٜ مَاکٛ، کَدِنْ اٜنْ دٛنِدٛوٻٜ اٜ اَلْمَسِيحُ، تٛ نِ اٜنْ نجَرْدِي تٛرَّ اٜ مَاکٛ نغَمْ کٜٻٜنْ تٜدُّنغَلْ حَوْتِ اٜ مَاکٛ؞

رٛومَنْکٛعٜنْ 8:25

اَمَّا تٛ اٜنْ نغَطَ کَمُّندٜ دٛوْ غٛطُّمْ طُمْ اٜنْ نغِعَتَا، اٜنْ کٜطٛطُمْ ندٜرْ مُݧَلْ؞

2 کٛرِنْتِيَنْکٛعٜنْ 1:7

مِنْ تَبِّتِنِي، اٜ مِنْ اَنْدِ نٛنْ نٛ نجَرْدٛتٛنْ تٛرَّ اِرِ کَ مِنْ نجَرِ، نٛنْ مَا ٻٜرْطٜ مٛوطٛنْ مبَلْتٛتٛ اِرِ وَلْتَاکِ ٻٜرْندٜ کِ مِنْ کٜٻِ؞

فِلِبِيَنْکٛعٜنْ 1:7

طُمْ وٛوطَنِييَمْ مِ ݧُمِرَ نِحِ دٛوْ مٛوطٛنْ اٛنْ فُو، نغَمْ اٛنْ ندٜرْ ٻٜرْندٜ اَمْ؞ کٛو ندٜرْ سُرُکِ کِ طُمْ سُرِيَمْ، کٛو ندٜرْ سُرَنْکِ مَنْغُ حَبَرُ بٜلْطُمْ اٜ تَبِّتِنْکِطُمْ، اٛنْ فُو اٛنْ کٜٻِي بَرْکَ اَللَّه حَوْتِ اٜ اَمْ؞

فِلِبِيَنْکٛعٜنْ 4:14

اَمَّا اٛنْ نغَطِي بٛطُّمْ ندٜ مبَلُّطٛيْيَمْ ندٜرْ تٛرَّ اَمْ؞

2 تَسَلٛونِکَنْکٛعٜنْ 3:5

جٛومِرَاوٛ وَطَ ٻٜيْدٛنْ اَنْدُکِ يِدّٜ اَللَّه اٛ وَطَعٛنْ مُݧٛنْ ندٜرْ تٛرَّاجِ طِ نجَرٛتٛنْ نٛنْ نٛ يٜىٰسُ مُݧِرِ ندٜرْ تٛرَّاجِ کَلُّطِ طِ اٛ يَرِ؞

2 تِمٛوتِ 1:8

نغَمْ مَاجُمْ تَاع سٜمْتُ حٛکُّکِ يِمْٻٜ حَبَرُ جٛومِرَاوٛ مٜىٰطٜنْ، تَاع بٛو سٜمْتَمْ مِنْ مَٻَّاطٛ نغَمْ تٛکُّکِ يٜىٰسُ؞ اَمَّا اٜنْ نجَرْدُ تٛرَّ حٛکُّکِ حَبَرُ يٜىٰسُ ندٜرْ بَوْطٜ اَللَّه؞

اِبْرَانِيَنْکٛعٜنْ 10:36

اٜ حَانِ مُݧٛنْ نغَمْ نغَطٛنْ کٛ اَللَّه يِطِ، کٜٻٛنْ کٛ اٛ وَطِ اَلْکَوَلْ؞

1 بِيتُرُسْ 5:1

اٜ مِ تٛرٛو مَوْٻٜ کَوْتَلْ تٛکُّٻٜ يٜىٰسُ غٛنْٻٜ ندٜرْ مٛوطٛنْ؞ مِنْ مَا مِ مَوْطٛ ندٜرْ تٛکُّٻٜ يٜىٰسُ، بَنْدِرَاوٛ مٛوطٛنْ، شٜيْدِيطٛ تٛرَّ کَ اَلْمَسِيحُ يَرِ، کٜٻَيْطٛ غٜطَلْ مُوطُمْ ندٜرْ مَنْغُ مَاکٛ تٛ اٛ وَرْتٛيِي؞ اٜ مِ تٛرٛوعٛنْ،

وَحَيُ يَحَيَ 1:1

ندٜعٜ دٜفْتٜرٜ اٜ ندٜ سَاوِ وَحَيُ طُمْ اَللَّه حٛکِّ يٜىٰسُ اَلْمَسِيحُ نغَمْ اٛ حٛلَّ مَشُّٻٜ مَاکٛ کٛ وَطَتَ نَاع کٛ نٜىٰٻِ؞ يٜىٰسُ لِلِ مَلَاعِکَاجٛ مُوطُمْ تٛ مَشُّطٛ مَاکٛ يَحَيَ نغَمْ اٛ وِعَمٛ فِي طُمْ؞

وَحَيُ يَحَيَ 1:2

يَحَيَ وِعِ کٛو طُمٜ طُمْ يِعِ دٛوْ وٛلْدٜ اَللَّه، اٜ کٛ يٜىٰسُ اَلْمَسِيحُ وِعِ اٜ کٛ وَطِ؞

وَحَيُ يَحَيَ 1:4

مِنْ يَحَيَ اٜ مِ وِنْدَنَ تٛکُّٻٜ يٜىٰسُ وٛنْٻٜ ندٜرْ غَرِيجٜ جٛوٜىٰطِطِ ندٜرْ لٜيْدِ اَاسِيَ؞ اَللَّه غٛنْطٛ جٛونِ اٜ ندٜنّٛ اٜ طٛعٛ يٜىٰسٛ، اٜ رُوحُوجِ جٛوٜىٰطِطِ غٛنْطِ يٜىٰسٛ جٛوطٛرْغَلْ لَامُ مَاکٛ،

وَحَيُ يَحَيَ 1:6

اٛ وَرْتِرِيعٜنْ يِمْٻٜ مَاکٛ اَرْدِيٻٜ دِينَ کُوَنٛوٻٜ اَللَّه ݧَاکٛ مَاکٛ؞ مَنْغُ اٜ لَامُ تَبِّتَ تٛ يٜىٰسُ اَلْمَسِيحُ حَا اَبَدَا اَبَدِنْ؞ اَامِنْ؞

وَحَيُ يَحَيَ 11:7

غَطَ ٻٜ کٜىٰݧِي وَعَجِنْکِ مَٻّٜ سٜيْ وٛنْدِ مَرْدِ کَلُّندِ بُرْتٛيْتٛوندِ ندٜرْ نغَيْکَ لُغُّکَ کَنْ حٛنَٻٜ؞ ندِ حٜٻَ جَالٛرْغَلْ دٛوْ مَٻّٜ ندِ وَرَٻٜ؞

وَحَيُ يَحَيَ 12:11

ٻٜ کٜٻِي جَالٛرْغَلْ دٛوْ مَاکٛ بَرْکَ پِيپَمْ کَرٛورِ ندِنْ ندٜنْ اٜ بَرْکَ وٛلْدٜ اَللَّه نغَمْ ٻٜ نجَٻِي ٻٜ ندُلَّ يٛنْکِ مَٻّٜ؞

وَحَيُ يَحَيَ 12:17

سٜيْ مبٛوغَ نغَنْ مٛنَّنِ دٜبّٛ اٛنْ، نغَ اُمّٛيِي نغَ حٛنَ لٜݧٛلْ مَاکٛ، وَاتٛ کٛو مٛيٜ تٛکّٛووٛ کٛ اَللَّه وِعِ جَٻُطٛ غٛونغَ کَ يٜىٰسُ وَدِّ؞

وَحَيُ يَحَيَ 13:10

کٛو مٛيٜ طُمْ وِنْدِ نَا يَحِي مَشُّنغَاکُ، تٛو، نَا يَحِي:‏ ندٜنْ کٛو مٛيٜ طُمْ وِنْدِ اٜ کَافَحِ اٛ وَرْدٜتٜىٰ، تٛو، اٜ کَافَحِ کِنْ اٛ وَرْدٜتٜىٰ؞ نغَمْ مَاجُمْ سٜيْ يِمْٻٜ اَللَّه کٛولٛومٛ نغَطَ مُݧَلْ؞»‏

وَحَيُ يَحَيَ 14:12

نغَمْ مَاجُمْ يِمْٻٜ اَللَّه تٛکّٛوٻٜ کٛ اٛ وِعِ کٛولِيٻٜ يٜىٰسُ نغَطَ مُݧَلْ؞

وَحَيُ يَحَيَ 19:10

سٜيْ ندِشِّيمِ يٜىٰسٛ مَاکٛ نغَمْ مِ مَوْنِنَمٛ، اَمَّا اٛ وِعِيَمْ، ‏«‏تَاع وَطُ نٛنْ!‏ مِنْ مَا، مِ مَشُّطٛ اَللَّه بٛ مَاطَ، اَنْ اٜ بَنْدِرَاٻٜ مَاطَ جٛغِيٻٜ غٛونغَ بٛطُّمْ کَ يٜىٰسُ وَنْغِنِ؞ مَوْنِنْ اَللَّه!‏ نغَمْ غٛونغَ کَ يٜىٰسُ وَنْغِنِ کَنْکَ وَطِ يِمْٻٜ مبَاوِ وَطُکِ اَنَّبَاکُ؞»‏

وَحَيُ يَحَيَ 20:4

ندٜنْ مِ يِعِي جٛوطٛرْلٜ لَامُ، وٛٻّٜ اٜ نجٛوطِي دٛوْ مَاجٜ؞ کَمْٻٜ نغٛنِ کٛکَّاٻٜ لَامُ وَطُکِ کِيتَ؞ طٛنْمَا مِ يِعِي يٛنْکِيجِ ٻٜ طُمْ اِتَّنِ کٛعٜ نغَمْ ٻٜ نغَعَجِنِي حَبَرُ يٜىٰسُ اٜ وٛلْدٜ اَللَّه؞ کَمْٻٜ نغٛنِ ٻٜ مَوْنِنَايِ ندِنْ طٛنْ مَرْدِ کٛو نغُنْکِوَ نَنْدُنغَ اٜ مَيْرِ، ٻٜ نجَٻَايِ طُمْ وَطَنَٻٜ اَلَامَ مَيْرِ اٜ تِيطٜ مَٻّٜ کٛو اٜ جُوطٜ مَٻّٜ؞ ٻٜ ڤُطِّتِ ٻٜ کٜٻِي يٛنْکِ، ٻٜ لَامٛدِي اٜ اَلْمَسِيحُ حَا دُوٻِ 1,000؞

وَحَيُ يَحَيَ 3:10

ندٜ اٛنْ نجٛغَکٜ وٛلْدٜ اَمْ ندٜرْ مُݧَلْ اٜ سٜمْبٜ ٻٜرْندٜ، مِ سُرَنَيْعٛنْ تٛرَّ غَرَنَيْکَ دُونِيَارُ نغَمْ طُمْ فٛوندَ يِمْٻٜ مَيْرُ؞

وَحَيُ يَحَيَ 6:9

ندٜ کَرٛورِ ندِنْ تَکِّتِ حَاتِمِيرٜ نجٛوَٻْرٜ ندٜنْ، مِ يِعِي يٛنْکِيجِ ٻٜ طُمْ وَرِ نغَمْ ٻٜ نغَعَجِنِي وٛلْدٜ اَللَّه اٜ غٛونغَ؞ اٜ ٻٜ لٜيْ تٛ طُمْ وُلَتَ اُرْدٜ؞

وَحَيُ يَحَيَ 7:14

سٜيْ مبِيمٛومِ، ‏«‏مِ اَنْدَا، مَوْطٛ؞ اَنْ اَ اَنْدِ؞»‏ سٜيْ اٛ وِعِيَمْ، ‏«‏ٻٜعٜ يِمْٻٜ کَمْٻٜ پِوٛيِ دَغَ ندٜرْ تٛرَّ کَلُّکَ؞ ٻٜ لَٻِّنِرِ کٛلْتٜ مَٻّٜ اٜ پِيپَمْ کَرٛورِ ندِنْ طٜ ندَنِّ تَرْ؞