وَحَيُ يَحَيَ 1:5 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁵ اٜ يٜىٰسُ اَلْمَسِيحُ، شٜيْدُوجٛ اَللَّه مٛ غٛونغَ، بَرْکِطِنَعٛنْ، حٛکَّعٛنْ جَمْ؞ يٜىٰسُ اَرْتُطٛ اُمَّاکِ دَغَ مَيْدٜ کَنْکٛ وٛنِ لَامِيطٛ لَامِيٻٜ دُونِيَارُ؞ اٜ مٛ يِطِعٜنْ، اٛ حِسْنِيعٜنْ دَغَ حَکّٜىٰجِ مٜىٰطٜنْ بَرْکَ پِيپَمْ مَيْدٜ مَاکٛ؞

وَحَيُ يَحَيَ 1:5 Iomraidhean Croise

مَاتِيُ 20:28

نٛنْ مَا ٻِي نٜطّٛ وَرِي نَاع نغَمْ اٛ جَغَّنٜىٰ، اَمَّا نغَمْ اٛ جَغَّنٛو يِمْٻٜ، اٛ حٛکَّ يٛنْکِ مَاکٛ نغَمْ رِمْطِنْکِ طُطْٻٜ؞»‏

مَاتِيُ 28:18

سٜيْ يٜىٰسُ ٻَدِّي حَادٜ مَٻّٜ، وِعِٻٜ، ‏«‏طُمْ حٛکِّييَمْ فُو لَامُ دٛوْ اٜ لٜيْ؞

يَحَيَ 13:1

تٛو، طُمْ ݧَلْندٜ غٛعٛ کٛ طُمْ وَطَ حُمْتٛ سَکِّنْکِ؞ يٜىٰسُ اٜ اَنْدِ شَرٜلْ وَطِي نغٜلْ اٛ اَلَتَ دُونِيَارُ ندُعُ اٛ سٛعّٛو تٛ ݧَاکٛ مٛ دٛوْ؞ يٜىٰسُ اٜ يِطِ يِمْٻٜ مُوطُمْ غٛنْٻٜ ندٜرْ دُونِيَارُ، جٛونِ بٛو اٛ حٛلَّيْٻٜ مَنْغُ يِدّٜ مَاکٛ؞

يَحَيَ 13:34

جٛونِ رَا غٛطُّمْ کٜسُمْ طُمْ نغِطُمِ نغَطٛنْ:‏ نغِطِندِرٜىٰ؞ نٛنْ نٛ نغِطِرْمِعٛنْ، اٛنٛنْ مَا سٜيْ نغِطِنْدِرٛنْ؞

يَحَيَ 15:9

نٛنْ نٛ ݧَاکٛ مٛ دٛوْ يِطِرِيَمْ، نٛنْ مِنْ مَا اٜ مِ يِطِعٛنْ؞ نجٛوطٜىٰ ندٜرْ يِدّٜ اَمْ؞

يَحَيَ 18:37

سٜيْ بِلَاتُسْ پَمِمٛ وِعِ، ‏«‏تٛو، اَنْ، اَ لَامِيطٛ وٛنْ طٛنْ؟»‏ يٜىٰسُ نٛوتِي، وِعِ، ‏«‏اَ وِعِي مِ لَامِيطٛ؞ نغَمْ طُعُمْ طُمْ دَݧِيَمْ، ندٜنْ نغَمْ مَاجُمْ نغَرْمِ ندٜرْ دُونِيَارُ نغَمْ مِ مٜتَ دٛوْ کٛ وٛنِ غٛونغَ؞ کٛو مٛيٜ غِطّٛ غٛونغَ تٛکَّيْ کٛ مبِيمِ؞»‏

يَحَيَ 3:11

اٜ مِ وِعُمَا غٛونغَ، اٜ مِنْ مٜتَ دٛوْ کٛ مِنْ اَنْدِ، ندٜنْ اٜ مِنْ کٛکَّ شٜيْدَ دٛوْ کٛ مِنْ نغِعِ، اَمَّا اٛنْ نجَٻَايِ کٛ مِنْ مبِعِعٛنْ؞

يَحَيَ 3:16

نغَمْ يِدّٜ ندٜ اَللَّه يِطِ دُونِيَارُ حَا اٛ حٛکِّي ٻِطّٛ مَاکٛ بَجّٛ، نغَمْ کٛو مٛيٜ کٛولِيطٛمٛ تٛع حَلْکَ اَمَّا حٜٻَ يٛنْکِ کِ رٜعَتَا؞

يَحَيَ 3:32

اٛ مٜتِي دٛوْ کٛ اٛ يِعِ اٜ کٛ اٛ نَنِ، اَمَّا وَلَا جَٻُطٛ کٛ اٛ وِعِ؞

کُوطٜ لِلَاٻٜ 20:28

ڤَامَنٜىٰ کٛعٜ مٛوطٛنْ، ندٜىٰنٛنْ اٛرْندٜ ندٜ رُوحُ اَللَّه حٛکِّعٛنْ؞ نغَرْتٜىٰ وٛيْنَاٻٜ کَوْتَلْ يِمْٻٜ اَللَّه، ٻٜ اٛ سٛودِرِ اٜ مَيْدٜ ٻِطّٛ مَاکٛ؞

کُوطٜ لِلَاٻٜ 26:23

وَاتٛ اَلْمَسِيحُ تٛرّٛتٛ، ندٜنْ اٛ وَرْتَ اَرْتُطٛ اُمَّاکِ دَغَ مَيْدٜ، نغَمْ اٛ وَدَّ جَيْنغٛلْ تٛ يَحُودَنْکٛعٜنْ اٜ يِمْٻٜ نَاع يَحُودَنْکٛعٜنْ؞»‏

رٛومَنْکٛعٜنْ 3:25

اَللَّه لِلِي يٜىٰسُ اَلْمَسِيحُ وَرْتَ شَکِّرِ، نغَمْ تٛ يِمْٻٜ کٛولَکٜمٛ طُمْ يَافَنٛوٻٜ حَکّٜ مَٻّٜ بَرْکَ پِيپَمْ مَاکٛ؞ اَللَّه وَطِي طُعُمْ نغَمْ حٛلَّ اَادِلَاکُ مُوطُمْ؞ نغَمْ ندٜنّٛ اٛ مُݧَنِي غَطُٻٜ حَکّٜ اٛ تَپَنَايِٻٜ کِيتَ؞

رٛومَنْکٛعٜنْ 8:37

نَاع نٛنْ، ندٜرْ فُو فِي طُعُمْ اٜنْ کٜٻِي جَالٛرْغَلْ بَرْکَ اَلْمَسِيحُ غِطّٛعٜنْ؞

1 کٛرِنْتِيَنْکٛعٜنْ 6:11

ندٜنّٛ نٛنْ وٛٻّٜ مٛوطٛنْ مبَعِ؞ اَمَّا جٛونِ طُمْ لٛوتِي حَکّٜ مٛوطٛنْ، اٛنْ نغَرْتِرَامَ يِمْٻٜ اَللَّه، اٛنْ نغَرْتِرَامَ اَادِلِعٜنْ بَرْکَ يٜىٰسُ اَلْمَسِيحُ جٛومِرَاوٛ مٜىٰطٜنْ اٜ رُوحُ اَللَّه؞

غَلَاتِيَنْکٛعٜنْ 2:20

مِنْ بٛ مِ وَرْدَامَ اٜ اَلْمَسِيحُ دٛوْ غَافَانغَلْ؞ جٛونِ جٛنْدٜ ندٜ نغَطَيْمِ نَاع مِنْ اٜ حٛورٜ اَمْ وَطَتَندٜ، اَمَّا طُمْ اَلْمَسِيحُ جٛوطِيطٛ ندٜرْ اَمْ؞ جٛونِ جٛنْدٜ ندٜ نجٛوطِيمِ ندٜرْ ٻَنْدُ، اٜ مِ وَطَندٜ ندٜرْ حٛولَاکِ ٻِطّٛ اَللَّه، غِطّٛيَمْ حٛکِّ يٛنْکِ مُوطُمْ نغَمْ اَمْ؞

اَافِسَنْکٛعٜنْ 2:4

اَمَّا اَللَّه اٛ کٜوْطٛ يُرْمٜىٰندٜ؞ يِدّٜ ندٜ اٛ يِطِعٜنْ ندٜ مَوْندٜ؞

اَافِسَنْکٛعٜنْ 5:2

نغَطٜىٰ جٛنْدٜ يِدّٜ، نٛنْ نٛ اَلْمَسِيحُ يِطِرِعٜنْ حٛکِّ يٛنْکِ مُوطُمْ نغَمْ مٜىٰطٜنْ؞ اٛ وَرْتِي شَکِّرِ ندِ اَللَّه نَنِ بٜلْطُمْ مَيْرِ بٛ اُرْدٜ وٜلْندٜ؞

کٛلٛوسِيَنْکٛعٜنْ 1:18

اَلْمَسِيحُ وٛنِ حٛورٜ ٻَنْدُ، وَاتٛ تٛکُّٻٜمٛ؞ کَنْکٛ حٛکِّ ٻَنْدُ ندُنْ يٛنْکِ؞ کَنْکٛ وٛنِ اَرْتُطٛ اُمَّاکِ دَغَ مَيْدٜ، نغَمْ اٛ وَرْتَ مَوْطٛ دٛوْ کٛو طُمٜ؞

1 تِمٛوتِ 6:13

يٜىٰسٛ اَللَّه غَطَنْطٛ کٛو طُمٜ يٛنْکِ، اٜ يٜىٰسٛ يٜىٰسُ اَلْمَسِيحُ بِيطٛ غٛونغَ دٛوْ مُوطُمْ يٜىٰسٛ بِلَاتُسْ کُلٛلْ وَلَا،

1 تِمٛوتِ 6:15

اٛ وَرْتَيْ اٜ شَرٜلْ نغٜلْ اَللَّه سُٻَنِمٛ؞ اَللَّه اٛ بَرْکِطِنَاطٛ، کَنْکٛ تَنْ جٜيِ لَامُ، لَامِيطٛ لَمْلَمْٻٜ، جٛومُ کٛو طُمٜ؞

اِبْرَانِيَنْکٛعٜنْ 10:29

تٛ نٜطّٛ وَݧِي ٻِطّٛ اَللَّه، کَدِنْ اٛ وَرْتِرِي پِيپَمْ اَلْکَوَلْ اَللَّه لَاٻِنْطَنْمٛ دَغَ حَکّٜ وَلَا کٛ نَفِ، طٛنْمَا اٛ حُطِ رُوحُ اَللَّه کٛلَّيْطُمْ يِدّٜ، اِرِ طُمٜ بٛنٜ کَلُّطُمْ حَانِ اٛ يَرَ؟ اٛ يَرَيْ بٛنٜ کَلُّطُمْ ٻُرْطُمْ طُمْ غٜوٛووٛ دٛوکَ يَرَتَ؞

اِبْرَانِيَنْکٛعٜنْ 9:14

حَکّٛ پِيپَمْ اَلْمَسِيحُ طَمْ وَطَيْ کٛ ٻُرِ نٛنْ؞ بَرْکَ رُوحُ اَللَّه غٛنْطُمْ حَا اَبَدَا، اٛ حٛکِّي حٛورٜ مَاکٛ اٛ وَرْتِي شَکِّرِ ندِ وَلَا غٛطُّمْ کٛ حَانَا؞ پِيپَمْ مَاکٛ بٛو لَاٻِنَيْ ٻٜرْطٜ مٜىٰطٜنْ دَغَ کُوطٜ جَارَيْطٜ مَيْدٜ، نغَمْ کُوَنٜنْ اَللَّه مٛ يٛنْکِ؞

1 بِيتُرُسْ 1:19

طُمْ رِمْطِنِرِيعٛنْ پِيپَمْ اَلْمَسِيحُ غٛودُطَمْ دَرَجَ؞ کَنْکٛ وٛنِ بٛ کَرٛورِ ندِ وَلَا غٛطُّمْ کٛ حَانَا؞

1 يَحَيَ 1:7

اَمَّا تٛ اٜنْ نجٛوطَکٜ ندٜرْ جَيْنغٛلْ نٛنْ نٛ اَللَّه جٛوطٛرِي ندٜرْ جَيْنغٛلْ، اٜنْ شُمْڤٛوتِرَ حَکُّندٜ مٜىٰطٜنْ وٛنْ طٛنْ؞ طٛنْمَا پِيپَمْ يٜىٰسُ ٻِطّٛ مَاکٛ اٜ لٛوتَنَعٜنْ حَکّٜىٰجِ فُو؞

1 يَحَيَ 4:10

رَا نٛ يِدّٜ ندٜ غٛونغَ وَعِ، نَاع اٜنٜنْ نغِطِ اَللَّه، اَمَّا اَللَّه يِطِعٜنْ اٛ لِلٛيِ ٻِطّٛ مَاکٛ نغَمْ وَرْتَ شَکِّرِ يَافَاکِ حَکّٜ مٜىٰطٜنْ؞

وَحَيُ يَحَيَ 11:15

سٜيْ مَلَاعِکَاجٛ جٛوٜىٰطِطَٻٛ دُودِ لُوَلْ مُوطُمْ، سٜيْ طُمْ نَنِ حٛنٛنْطٜ شٜمْبِطّٜ دَغَ دٛوْ اٜ مبِعَ، ‏«‏لَامُ دُونِيَارُ فُو وَرْتِي طُمْ جٛومِرَاوٛ مٜىٰطٜنْ اٜ اَلْمَسِيحُ مَاکٛ؞ اٛ لَامٛتٛ حَا اَبَدَا اَبَدِنْ!‏»‏

وَحَيُ يَحَيَ 11:3

ندٜنْ مِ حٛکَّيْ شٜيْدُعٜنْ اَمْ طِطٛ لَامُ ٻٜ نغَعَجِنَ وٛلْدٜ اَمْ حَا بَلْطٜ 1,260، اٜ ٻٜ ٻٛرْنِي کٛلْتٜ کٛلَّيْطٜ وَنَّارٜ؞»‏

وَحَيُ يَحَيَ 17:14

ٻٜ کٛنَيْ کَرٛورِ ندِنْ، اَمَّا کَرٛورِ ندِنْ حٜٻَ جَالٛرْغَلْ دٛوْ مَٻّٜ نغَمْ کَنْکٛ وٛنِ جٛومِرَاوٛ جٛومِرَاٻٜ، لَامِيطٛ لَمْلَمْٻٜ؞ وٛنْدُٻٜ اٜ مَاکٛ بٛو ٻٜ نٛدَّاٻٜ، ٻٜ شُٻَاٻٜ، ٻٜ تٛکُّٻٜ جٛومِرَاوٛ بٛطُّمْ؞»‏

وَحَيُ يَحَيَ 19:11

سٜيْ نغِيمِ دٛوْ اٜ اٛمْتِي، سٜيْ رَا وٛنْغُ ڤُشُّ ندَنٜوُ غٛنْطٛ دٛوْ مَغُّ، اٜ وِعٜىٰ غَطٛووٛ کٛ حَانِ، غٛودُطٛ غٛونغَ؞ اٜ مٛ وَطَ اَادِلَاکُ ندٜرْ کِيتَ اٜ کٛنُ؞

وَحَيُ يَحَيَ 19:16

تٛ تٛغّٛورٜ مَاکٛ اٜ دَنْغٛ مَاکٛ وٛنْدٜ اِنْدٜ اٜ وِنْدِي وِعُکِ، ‏«‏لَامِيطٛ لَمْلَمْٻٜ، جٛومِرَاوٛ جٛومِرَاٻٜ؞»‏

وَحَيُ يَحَيَ 2:13

اٜ مِ اَنْدِ تٛ نجٛوطِيطٛنْ؛ اٛنْ نجٛوطٛو تٛ شٜيْطَنْ لَامٛتٛو؞ فُو اٜ نٛنْ، اٛنْ نغَطَ کٛ مبِيمِعٛنْ، اٛنْ اَلَايِ حٛولَاکِيَمْ کٛو ندٜ طُمْ وَرِ اَنْتِفَسْ غَعَجِنْطٛ دٛوْ اَمْ مٛ غٛونغَ؞

وَحَيُ يَحَيَ 3:14

‏«‏وِنْدَنْ مَلَاعِکَاجٛ کَوْتَلْ تٛکُّٻٜ يٜىٰسُ وٛنْٻٜ غَرِيرِ لَوْدِيکِيَ وِعُکِ:‏ ‏«‏مِنْ وٛنِ بِعٜتٜىٰطٛ اَامِنْ، شٜيْدُوجٛ مٛ غٛونغَ، بَرْکَ اَمْ اَللَّه تَغِ کٛو طُمٜ؞

وَحَيُ يَحَيَ 7:14

سٜيْ مبِيمٛومِ، ‏«‏مِ اَنْدَا، مَوْطٛ؞ اَنْ اَ اَنْدِ؞»‏ سٜيْ اٛ وِعِيَمْ، ‏«‏ٻٜعٜ يِمْٻٜ کَمْٻٜ پِوٛيِ دَغَ ندٜرْ تٛرَّ کَلُّکَ؞ ٻٜ لَٻِّنِرِ کٛلْتٜ مَٻّٜ اٜ پِيپَمْ کَرٛورِ ندِنْ طٜ ندَنِّ تَرْ؞