فِلِبِيَنْکٛعٜنْ 1:7 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁷ طُمْ وٛوطَنِييَمْ مِ ݧُمِرَ نِحِ دٛوْ مٛوطٛنْ اٛنْ فُو، نغَمْ اٛنْ ندٜرْ ٻٜرْندٜ اَمْ؞ کٛو ندٜرْ سُرُکِ کِ طُمْ سُرِيَمْ، کٛو ندٜرْ سُرَنْکِ مَنْغُ حَبَرُ بٜلْطُمْ اٜ تَبِّتِنْکِطُمْ، اٛنْ فُو اٛنْ کٜٻِي بَرْکَ اَللَّه حَوْتِ اٜ اَمْ؞

فِلِبِيَنْکٛعٜنْ 1:7 Iomraidhean Croise

کُوطٜ لِلَاٻٜ 20:23

سٜيْ نِ رُوحُ اَللَّه وِعِييَمْ ندٜرْ غَرِيرِ ندِ نجَالُمِ فُو حَٻّٜىٰکِ اٜ تٛرَّ اٜ حٜطِييَمْ؞

کُوطٜ لِلَاٻٜ 21:33

مَوْطٛ اٛنْ ٻَتِّي بُلُسْ وِعِ اٛ نَنْغٜىٰ اٛ حَٻِّرٜىٰ ٻٛغِّ نجَمْندِ طِطِ؞ ندٜنْ اٛ پَمِ بُلُسْ کَنْکٛ اٛ مٛيٜ، طُمٜ اٛ وَطِ؟

1 کٛرِنْتِيَنْکٛعٜنْ 13:7

اٜ مٛ مُݧَ ندٜرْ کٛو طُمٜ؞ حٛولَارٜ مَاکٛ، اٜ کَمُّندٜ مَاکٛ، اٜ مُݧَلْ مَاکٛ رٜعَتَا؞

1 کٛرِنْتِيَنْکٛعٜنْ 9:23

مِ وَطُ طُعُمْ فُو نغَمْ حَبَرُ بٜلْطُمْ، نغَمْ مِ حٜٻَ غٜطَلْ اَمْ ندٜرْ بَرْکَ غٛنْطُمْ ندٜرْ مَاجُمْ؞

2 کٛرِنْتِيَنْکٛعٜنْ 3:2

اٛنٛنْ اٜ کٛعٜ مٛوطٛنْ نغٛنِ طٜرٜوٛلْ اَمِنْ بِنْدَانغٛلْ ندٜرْ ٻٜرْطٜ اَمِنْ؞ کٛو مٛيٜ وَاوَيْ جَنْغَنغٛلْ اَنْدَنغٛلْ؞

2 کٛرِنْتِيَنْکٛعٜنْ 7:3

مِ وِعَايِ حَالَ کَعَ نغَمْ مِ يٛوَنَعٛنْ غٛطُّمْ کٛ وٛوطَا؞ مِ وِعِينٛعٛنْ اٜ مِنْ نغِطِعٛنْ نَاع سٜطَّ ندٜرْ ٻٜرْطٜ اَمِنْ کٛو اٜ مِنْ فٛوفَ کٛو ندٜرْ مَيْدٜ؞

غَلَاتِيَنْکٛعٜنْ 5:6

نغَمْ تٛ اٜنْ شُمْڤٛوتِرَ اٜ يٜىٰسُ اَلْمَسِيحُ، نَادٜىٰکِ اٜ شِيَ نَادٜىٰکِ فُو وَلَا کٛ نَفِ؞ اَمَّا کٛ ٻُرِ وٛنِ حٛولَاکِ اَلْمَسِيحُ؞ کٛ حٛلَّتَ اٜنْ کٛولِمٛ وٛنِ نغِطٜنْ يِمْٻٜ اٜ اَللَّه؞

اَافِسَنْکٛعٜنْ 3:1

کَنْجُمْ وَطِ مِنْ، بُلُسْ، طُمْ مَٻِّيَمْ ندٜرْ سُودُ شُرَلْ نغَمْ اٜ مِ وَعَجِنَ حَبَرُ يٜىٰسُ اَلْمَسِيحُ تٛ اٛنٛنْ يِمْٻٜ نَاع يَحُودَنْکٛعٜنْ؞

اَافِسَنْکٛعٜنْ 4:1

نغَمْ نٛنْ، اٜ مِ تٛرٛوعٛنْ، مِنْ شُرَاطٛ نغَمْ حُوَنْکِ جٛومِرَاوٛ مٜىٰطٜنْ، نغَطٜىٰ جٛنْدٜ ڤٛتُّدُندٜ اٜ کٛ اَللَّه نٛدِّرِعٛنْ؞

اَافِسَنْکٛعٜنْ 6:20

نغَمْ حٛکُّکِ حَبَرُ طُمْ نغَرْتُمِ لِلَاطٛ يٜىٰسُ، کٛو ندٜ جٛونِ اٜ مِ ندٜرْ سُودُ شُرَلْ؞ نغَطٜىٰ دٛعَارٜ نغَمْ مِ وَطَ کَ حٛکُّکِ حَبَرُ طُمْ نٛ حَانِ کُلٛلْ وَلَا؞

فِلِبِيَنْکٛعٜنْ 1:12

بَنْدِرَاٻٜ اَمْ، اٜ مِ يِطِ اَنْدٛنْ کٛ حٜٻِيَمْ وَطِي حَبَرُ بٜلْطُمْ ٻٜيْدِي سَنْکِتَاکِ،

فِلِبِيَنْکٛعٜنْ 1:13

حَا مَا فُو سٛوجِعٜنْ رٜىٰنٛوٻٜ لَامٛرْدٜ اٜ يِمْٻٜ کٛرِيٻٜ اَنْدِي طُمْ حَٻَّمْ نغَمْ مِ مَشُّطٛ اَلْمَسِيحُ؞

فِلِبِيَنْکٛعٜنْ 1:14

حَٻُّکِيَمْ سٜمْبِطِنِي تٛکُّٻٜ يٜىٰسُ طُطْٻٜ ندٜرْ تٛکُّکِمٛ، ٻٜ ٻٜيْدِي حٜٻُکِ سٜمْبٜ ٻٜرْندٜ وَعَجِنْکِ وٛلْدٜ اَللَّه کُلٛلْ وَلَا؞

فِلِبِيَنْکٛعٜنْ 1:5

نغَمْ اٛنْ نغٛنْدِ اٜ اَمْ ندٜرْ وَعَجِنْکِ حَبَرُ بٜلْطُمْ، دَغَ ݧَلْندٜ اَرَنْدٜىٰرٜ ندٜ ڤُطُّطٛنْ نَنْکِطُمْ حَا وَرْکِ جٛونِ؞

فِلِبِيَنْکٛعٜنْ 2:22

اَمَّا اٛنْ اَنْدِ نٛ تِمٛوتِ حٛلِّرِ نَفُکِ مُوطُمْ، اٛ حُودِي اٜ اَمْ ندٜرْ کُوغَلْ حٛکُّکِ حَبَرُ بٜلْطُمْ بٛ ٻِطّٛ اٜ ݧَاکٛ مُوطُمْ؞

فِلِبِيَنْکٛعٜنْ 4:14

اَمَّا اٛنْ نغَطِي بٛطُّمْ ندٜ مبَلُّطٛيْيَمْ ندٜرْ تٛرَّ اَمْ؞

فِلِبِيَنْکٛعٜنْ 4:15

اٛنٛنْ فِلِبِيَنْکٛعٜنْ، اٛنٛنْ اٜ کٛعٜ مٛوطٛنْ اٛنْ اَنْدِ شَرٜلْ کٛ ڤُطُّطٛنْ نَنْکِ حَبَرُ بٜلْطُمْ، ندٜ اَلْمِ لٜيْدِ مَکِدٛونِيَ، وَلَا وٛٻّٜ تٛکُّٻٜ يٜىٰسُ بَلُّٻٜيَمْ سٜيْ اٛنٛنْ تَنْ؞

فِلِبِيَنْکٛعٜنْ 4:3

اَنْ حِغٛ کُوغَلْ اَمْ مٛ غٛونغَ، اٜ مِ تٛرٛمَا، وَلُّ رٜوْٻٜ ٻٜعٜ، نغَمْ ٻٜ کُودِي اٜ اَمْ کُوغَلْ شَطُنغَلْ نغَلْ وَعَجِنْکِ حَبَرُ بٜلْطُمْ، حَوْتِ اٜ کِلٜمٜنْ اٜ حٛرِيٻٜ حِغٛوٻٜ کُوغَلْ اَمْ، ٻٜ اِنْطٜ مَٻّٜ اٜ وِنْدِي ندٜرْ دٜفْتٜرٜ يٛنْکِ؞

کٛلٛوسِيَنْکٛعٜنْ 4:18

مِنْ بُلُسْ وِنْدِ کٛوْنٛلْ نغٛعٛلْ اٜ جُنْغٛ اَمْ؞ تٛع اٛنْ نغٜجُّتُ اٜ مِ طٛنْ حَٻِّرَا ٻٛغِّ نجَمْندِ ندٜرْ سُودُ شُرَلْ؞ اَللَّه بَرْکِطِنَعٛنْ؞

کٛلٛوسِيَنْکٛعٜنْ 4:3

نٛنْ مَا نغَطَنٜىٰمِنْ دٛعَارٜ نغَمْ اَللَّه مَٻِّتَنَمِنْ لَاوٛلْ مِنْ نغَعَجِنَ سِرُّ مَاکٛ، وَاتٛ حَبَرُ اَلْمَسِيحُ؞ دٛوْ مَاجُمْ طُمْ سُرِيَمْ؞

1 تَسَلٛونِکَنْکٛعٜنْ 5:5

نغَمْ اٛنٛنْ اٛنْ فُو اٛنْ ٻِٻّٜ جَيْنغٛلْ، اٛنْ ٻِٻّٜ ݧَلَوْمَ؞ اٜنٜنْ نَاع اٜنْ يِمْٻٜ جٜمَّ کٛو يِمْٻٜ ݧِوْرٜ؞

2 تِمٛوتِ 1:8

نغَمْ مَاجُمْ تَاع سٜمْتُ حٛکُّکِ يِمْٻٜ حَبَرُ جٛومِرَاوٛ مٜىٰطٜنْ، تَاع بٛو سٜمْتَمْ مِنْ مَٻَّاطٛ نغَمْ تٛکُّکِ يٜىٰسُ؞ اَمَّا اٜنْ نجَرْدُ تٛرَّ حٛکُّکِ حَبَرُ يٜىٰسُ ندٜرْ بَوْطٜ اَللَّه؞

2 تِمٛوتِ 2:9

کَنْجُمْ وَطِ تٛرّٛتٛومِ جٛونِ اٜ مِ حَٻِّرَا ٻٛغِّ نجَمْندِ بٛ غُجّٛ شَلٛرْطٛ، اَمَّا وٛلْدٜ اَللَّه حَٻَّاکِ؞

فِلِمٛنْ 1:13

دَا مِ حٜٻَيْنٛ نٛ نغِطُمِ دَا اٛ جٛوطٛدَکٜ اٜ اَمْ طٛعٛ اٜ نغٜعٜلْ شَرٜلْ نغٜلْ طُمْ سُرِيَمْ نغَمْ حَبَرُ يٜىٰسُ، نغَمْ اٛ حُوَنَيَمْ کُوغَلْ نغَلْ کُوَنْتَايَمْ؞

اِبْرَانِيَنْکٛعٜنْ 3:1

نغَمْ نٛنْ، بَنْدِرَاٻٜ اَمْ تٛکُّٻٜ يٜىٰسُ ٻٜ اَللَّه نٛدِّ، ݧُمٜىٰ دٛوْ يٜىٰسُ، لِلَاطٛ، مَوْطٛ مَوْٻٜ اَرْدِيٻٜ دِينَ مٛ مبِعٜتٜنْ يِمْٻٜ اٜنْ تٛکَّ؞

1 بِيتُرُسْ 4:13

اَمَّا نَنٜىٰ بٜلْطُمْ تٛ اٛنْ نجَرَ تٛرَّ اِرِ کَ اَلْمَسِيحُ يَرِ، نغَمْ تٛ اٛ وَرْتِي ندٜرْ مَنْغُ مَاکٛ نَنٛنْ بٜلْطُمْ نَاع سٜطَّ؞

1 بِيتُرُسْ 5:1

اٜ مِ تٛرٛو مَوْٻٜ کَوْتَلْ تٛکُّٻٜ يٜىٰسُ غٛنْٻٜ ندٜرْ مٛوطٛنْ؞ مِنْ مَا مِ مَوْطٛ ندٜرْ تٛکُّٻٜ يٜىٰسُ، بَنْدِرَاوٛ مٛوطٛنْ، شٜيْدِيطٛ تٛرَّ کَ اَلْمَسِيحُ يَرِ، کٜٻَيْطٛ غٜطَلْ مُوطُمْ ندٜرْ مَنْغُ مَاکٛ تٛ اٛ وَرْتٛيِي؞ اٜ مِ تٛرٛوعٛنْ،

2 بِيتُرُسْ 1:13

اٜ يِيکِ اَمْ اٜ حَانِ، تٛ نِ اٜ مِ وٛودِ يٛنْکِ، مِ وَطَ کَ سِفْتٛرَنْکِعٛنْطُمْ؞

1 يَحَيَ 3:14

ندٜنّٛ اٜنْ نَنْدِ اٜ مَيْٻٜ، اَمَّا جٛونِ اٜنْ نغٛودِ يٛنْکِ، نغَمْ اٜنْ نغِطِ بَنْدِرَاٻٜ مٜىٰطٜنْ؞ فُو مٛ يِطَا بَنْدِرَاوٛ مُوطُمْ اٜ جٛوطِي ندٜرْ مَيْدٜ؞