2 تِمٛوتِ 4:8 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁸ جٛونِ غِيفٛلْ اٜ تٛنْ حٜطِييَمْ، نغٛلْ طُمْ حٛکَّتَ غَطُٻٜ جٛنْدٜ بٛنْدٜ، نغٛلْ جٛومِرَاوٛ غَطٛووٛ کِيتَ غٛونغَ حٛکَّتَيَمْ ݧَلْندٜ جَانغٛ؞ نَاع مِنْ تَنْ، اَمَّا فُو غِطْٻٜ يِيکِ غَرْتٛلْ مَاکٛ؞

2 تِمٛوتِ 4:8 Iomraidhean Croise

مَاتِيُ 24:36

‏«‏وَلَا اَنْدُطٛ ندٜنْ طٛنْ ݧَلْندٜ کٛو نغٜلْ طٛنْ شَرٜلْ نغٜلْ فِي طُمْ طٛنْ وَطَتَ؞ کٛو مَلَاعِکَعٜنْ وٛنْٻٜ دٛوْ اَنْدَا، کٛو ٻِطّٛ اٛنْ مَا اَنْدَا، سٜيْ ݧَاکٛ مٛ دٛوْ تَنْ اَنْدِ؞

مَاتِيُ 7:22

اٜ ݧَلْندٜ جَانغٛ يِمْٻٜ طُطْٻٜ مبِعَيْيَمْ، ‏‹‏مٛودِبّٛ، مٛودِبّٛ!‏ نَاع مِنْ نغَعَجِنِي ندٜرْ اِنْدٜ مَاطَ؟ نَاع مِنْ مبُرْتِنِي غِنِّ ندٜرْ اِنْدٜ مَاطَ؟ نَاع مِنْ نغَطِي کَيْطِنِيطُمْ طُطُّمْ ندٜرْ اِنْدٜ مَاطَ؟›‏

لُکَ 10:12

اٜ مِ وِعَعٛنْ، اٜ ݧَلْندٜ جَانغٛ اَللَّه ٻُرَيْ يُرْمِنَنْکِ يِمْٻٜ غَرِيرِ سٛدٛمْ دٛوْ يِمْٻٜ غَرِيرِ ندِنْ طٛنْ؞»‏

رٛومَنْکٛعٜنْ 2:5

اَمَّا ٻٜرْندٜ مَاطَ ندٜ شَاتُندٜ غَݧُندٜ تُوبُکِ؞ نغَمْ نٛنْ، اَ حَوْرِتَنَ حٛورٜ مَاطَ مٛنّٜرٜ اَللَّه، ݧَلْندٜ مٛنّٜرٜ مَاکٛ ندٜ اٛ وَطَتَ کِيتَ غٛونغَ؞

رٛومَنْکٛعٜنْ 8:23

اَمَّا نَاع کٛ تَغَا تَنْ اٛتَّتَ، حَا مَا اٜ اٜنٜنْ؞ اٜنٜنْ غٛودُٻٜ رُوحُ اَللَّه، دٛکَّلْ مَاکٛ اَرَنْدٜوَلْ ندٜرْ کٛ اٛ حٛکَّتَعٜنْ، اٜنْ اٛتَّ ندٜرْ ٻٜرْطٜ مٜىٰطٜنْ، اٜنْ کَاٻِي اَللَّه وَرْتِرَعٜنْ ٻِٻّٜ مَاکٛ، طٛنْمَا اٛ رِمْطِنَ ٻَلِّ مٜىٰطٜنْ؞

1 کٛرِنْتِيَنْکٛعٜنْ 2:9

اَمَّا نٛنْ نٛ طُمْ وِنْدِرَا، ‏«‏کٛ حِتٜرٜ مٜىٰطَايِ يِيکِ، کٛ نٛوْرُ مٜىٰطَايِ نَنْکِ، کٛ نٜطّٛ مٜىٰطَايِ ݧُمُکِ، کَنْجُمْ اَللَّه سِرْيَنِي يِطُٻٜمٛ؞»‏

1 کٛرِنْتِيَنْکٛعٜنْ 3:13

وٛوطُکِ کُوغَلْ مَاکٛ وُرْتٛتٛ اٜ نجَيْرِ ݧَلْندٜ جَانغٛ؞ اٜ ندٜنْ طٛنْ ݧَلْندٜ حِيتٜ وَنْغِنَيْ کُوغَلْ کٛو مٛيٜ، نغٜ فٛوندَيْ کُوغَلْ نغَلْ نغٜ حٛلَّ نٛ نغَلْ وٛنْتِندِرِ؞

1 کٛرِنْتِيَنْکٛعٜنْ 9:25

فُو غِطْٻٜ کٜٻَ جَالٛرْغَلْ ندٜرْ فِجٛ اٜ ٻٜ اٜلْتَ ٻَلِّ مَٻّٜ؞ اٜ ٻٜ نغَطَ نٛنْ نغَمْ ٻٜ کٜٻَ غِيفٛلْ کٛو ندٜ غِيفٛلْ نغٛلْ نغٛلْ دٜعٛووٛلْ؞ اَمَّا اٜنٜنْ غِيفٛلْ تَبِّتَيْنغٛلْ کٜٻٜتٜنْ؞

2 کٛرِنْتِيَنْکٛعٜنْ 5:2

جٛونِ اٜ مِنْ اٛتَّ اٜ مِنْ کَاٻِي نَاع سٜطَّ نغَمْ طُمْ ٻٛرْنَمِنْ ٻَنْدُ اَمِنْ ندُ دٛوْ؞

فِلِبِيَنْکٛعٜنْ 3:11

نغَمْ فُو نٛ طُمْ وَطِ مِ حٜٻَ مِ اُمّٛو دَغَ مَيْدٜ؞

کٛلٛوسِيَنْکٛعٜنْ 1:5

اٛنْ نغَطَ نٛنْ نغَمْ اٛنْ تَبِّتِنِي اٛنْ کٜٻَيْ مبَرْجَارِ ندِ اَللَّه رٜسَنِعٛنْ تٛنْ دٛوْ؞ اٛنْ نَنِي حَبَرُ طُعُمْ فِي طُمْ کَمِّيطٛنْ دَغَ اَرَنْدٜ ندٜرْ وٛلْدٜ غٛونغَ، وَاتٛ حَبَرُ بٜلْطُمْ

1 تَسَلٛونِکَنْکٛعٜنْ 1:10

ندٜنْ کٜطٛوطٛنْ وَرْتٛيْکِ ٻِطّٛ مَاکٛ دَغَ دٛوْ، مٛ اٛ اُمِّنِ دَغَ مَيْدٜ، وَاتٛ يٜىٰسُ کِسْنَيْطٛعٜنْ دَغَ مٛنّٜرٜ اَللَّه غَرَيْندٜ؞

1 تَسَلٛونِکَنْکٛعٜنْ 5:4

اَمَّا اٛنٛنْ بَنْدِرَاٻٜ، نَاع ندٜرْ ݧِوْرٜ نغٛنْطٛنْ، حَکّٛ ݧَلْندٜ ندٜنْ طٛنْ اُدّٛوعٛنْ بٛ غُجّٛ؞

2 تَسَلٛونِکَنْکٛعٜنْ 2:8

غَطَ طٛنْ طُمْ وَنْغِنَيْ کَلُّطٛ اٛنْ، سٜيْ يٜىٰسُ جٛومِرَاوٛ وَرِرَمٛ اٜ فٛوفَانغٛ حٛنْدُکٛ مُوطُمْ، ندٜنْ حَلْکِرَمٛ تٜدُّنغَلْ وَرْتُکِ مُوطُمْ؞

1 تِمٛوتِ 6:19

تٛ ٻٜ نغَطِي نٛنْ، ٻٜ ندٜسَنِي کٛعٜ مَٻّٜ رِسْکُ تَبُّتُطُمْ نغَمْ ݧَلْندٜ جَانغٛ، نغَمْ ٻٜ مبَاوَ حٜٻُکِ يٛنْکِ تَبِّتَيْکِ؞

2 تِمٛوتِ 1:10

جٛونِ بٛو اٛ وَنْغِنَنِيعٜنْ يِدّٜ ندٜنْ بَرْکَ کِسْنٛووٛ مٜىٰطٜنْ يٜىٰسُ اَلْمَسِيحُ، غَرْتِرْطٛ سٜمْبٜ مَيْدٜ مٜىٰرٜ؞ کَنْکٛ حٛلِّعٜنْ لَاوٛلْ نغٛلْ تٛکّٜتٜنْ کِسٜنْ کٜٻٜنْ يٛنْکِ کِ رٜعَتَا بَرْکَ حَبَرُ بٜلْطُمْ؞

2 تِمٛوتِ 1:12

کَنْجُمْ وَطِ اٜ مِ يَرَ بٛنٜ طُعُمْ نِينِ، اَمَّا فُو اٜ نٛنْ مِ سٜمْتَايِ نغَمْ اٜ مِ اَنْدِ مٛ کٛولِيمِ؞ مِ تَبِّتِنِي اٛ وَاوَيْ رٜىٰنُکِ کٛ اٛ حٛکِّيَمْ يَاکِ ݧَلْندٜ جَانغٛ؞

2 تِمٛوتِ 1:18

جٛومِرَاوٛ مٜىٰطٜنْ يُرْمِنَنَمٛ ݧَلْندٜ جَانغٛ؞ اَ اَنْدِ بٛطُّمْ نٛ اٛ وَلِّرِيَمْ ندٜرْ غَرِيرِ اَافِسَ؞

2 تِمٛوتِ 2:5

وَلَا کٜٻٛووٛ دٛکَّلْ ندٜرْ فِجٛ تٛ اٛ تٛکَّايِ دٛوکَ فِجٛ نغٛنْ؞

2 تِمٛوتِ 4:1

اٜ مِ وَغِّنْمَا يٜىٰسٛ اَللَّه اٜ يٜىٰسُ اَلْمَسِيحُ غَطَنٛووٛ ٻٜ يٛنْکِ اٜ مَيْٻٜ کِيتَ؞ نغَمْ سٛعّٛيَاکِ مَاکٛ دُونِيَارُ اٜ لَامُ مَاکٛ، اٜ مِ وِعُمَا،

تِيتُسْ 2:13

اٜنْ کٜطٛو ݧَلْندٜ بَرْکِطِنَاندٜ ندٜ کَاٻُطٜنْ، ݧَلْندٜ ندٜ تٜدُّنغَلْ اَللَّه مٜىٰطٜنْ مَوْطٛ يٜىٰسُ اَلْمَسِيحُ کِسْنٛووٛ وَنْغَتَ؞

اِبْرَانِيَنْکٛعٜنْ 12:11

شَرٜلْ نغٜلْ طُمْ اٜلْتَتَ نٜطّٛ، طُمْ وٜلَا، سٜيْ نَوْطُمْ؞ اَمَّا غَطَ طٛنْ، طُمْ وَدَّيْ اَادِلَاکُ اٜ جَمْ ندٜرْ جٛنْدٜ اٜلْتَاطٛعٛنْ؞

اِبْرَانِيَنْکٛعٜنْ 9:28

نٛنْ مَا اَلْمَسِيحُ سَکَّامَ ندٜ غٛعٛ نغَمْ اٛ اِتَّ حَکّٜ يِمْٻٜ طُطْٻٜ؞ اٛ وَرْتٛيَيْ غَرْتٛلْ طِطَٻٛلْ نَاع نغَمْ اٛ اِتَّ حَکّٜ، اَمَّا نغَمْ اٛ حِسْنَ ٻٜنْ طٛنْ کٜطِيٻٜمٛ؞

يَاکُبُ 1:12

اٛ بَرْکِطِنَاطٛ فُو مُݧُطٛ ندٜرْ تٛرَّ، نغَمْ تٛ اٛ حٜٻِي جَالٛرْغَلْ دٛوْ تٛرَّ کَنْ، اَللَّه حٛکَّيْمٛ غِيفٛلْ نغٛلْ اٛ وَطَنِ يِطُٻٜمٛ اَلْکَوَلْ، وَاتٛ يٛنْکِ کِ رٜعَتَا؞

1 بِيتُرُسْ 1:4

اٜنْ کٜٻَيْ ندٛنُ نغُ لَلَّتَا، نغُ وٛنَّتَاکٛ، ندٜنْ نغُ رٜعَتَا، نغُ طُمْ رٜسَنِعٛنْ تٛنْ دٛوْ؞

1 بِيتُرُسْ 5:4

نغَمْ تٛ اَلْمَسِيحُ لَامِيطٛ وٛيْنَاٻٜ وَرْتٛيِي، اٛنْ کٜٻَيْ غِيفٛلْ مَنْغُ نغٛلْ حَا اَبَدَا؞

وَحَيُ يَحَيَ 1:7

رَطُّمْ اٜ مٛ وَرَ ندٜرْ دُولٜ، کٛو مٛيٜ يِعَيْمٛ حَا مَا اٜ بَرْٻٜمٛ؞ فُو يِمْٻٜ دُونِيَارُ مبٛيَيْ نغَمْ غَرْتٛلْ مَاکٛ!‏ غٛونغَ، طُمْ وَطَيْ؞ اَامِنْ؞

وَحَيُ يَحَيَ 19:11

سٜيْ نغِيمِ دٛوْ اٜ اٛمْتِي، سٜيْ رَا وٛنْغُ ڤُشُّ ندَنٜوُ غٛنْطٛ دٛوْ مَغُّ، اٜ وِعٜىٰ غَطٛووٛ کٛ حَانِ، غٛودُطٛ غٛونغَ؞ اٜ مٛ وَطَ اَادِلَاکُ ندٜرْ کِيتَ اٜ کٛنُ؞

وَحَيُ يَحَيَ 2:10

تٛع اٛنْ کُلُ تٛرَّ کَ نجَرٛتٛنْ يٜىٰسٛ طٛعٛ؞ رَطُّمْ شٜيْطَنْ سِرْيَکٜ مَٻَّ وٛٻّٜ مٛوطٛنْ ندٜرْ سُودُ شُرَلْ نغَمْ طُمْ فٛوندَعٛنْ؞ اٛنْ نغَطَيْ بَلْطٜ سَڤّٛ اٛنْ نجَرَ تٛرَّ کَلُّکَ؞ اَمَّا نجٛغٜىٰ کٛ کٛولِيطٛنْ کٛو طُمْ وَرَيْعٛنْ؞ مِنْ بٛو مِ حٛکَّيْعٛنْ يٛنْکِ، کَنْکِ وٛنِ دٛکَّلْ حٜٻُکِ جَالٛرْغَلْ مٛوطٛنْ؞

وَحَيُ يَحَيَ 22:20

اٛنْ طٛنْ شٜيْدِنْطٛ فِي طُعُمْ فُو اٜ وِعَ، ‏«‏غٛونغَ اٜ مِ وَرٛيَ نَاع کٛ نٜىٰٻِ؞»‏ اَامِنْ؞ وٛرٛيْ يٜىٰسُ جٛومِرَاوٛ!‏

وَحَيُ يَحَيَ 4:10

سٜيْ مَوْٻٜ 42 ٻٜنْ نجَنَ يٜىٰسٛ جٛوطِيطٛ دٛوْ جٛوطٛرْغَلْ نغَلْ ٻٜ مَوْنِنَمٛ، کَنْکٛ غٛودُطٛ يٛنْکِ حَا اَبَدَا اَبَدِنْ؞ ٻٜ ندٜسَ غِيفِ مَٻّٜ يٜىٰسٛ جٛوطٛرْغَلْ نغَلْ اٜ ٻٜ مبِعَ،

وَحَيُ يَحَيَ 4:4

حَادٜ مَاغَلْ اٜ وٛودِ غٛطّٜ جٛوطٛرْلٜ کَنْجٜ 42 اٜ طٜ ڤِلِينغَلْ؞ ندٜنْ وٛٻّٜ مَوْٻٜ کَمْٻٜ 42 اٜ نجٛوطِي دٛوْ مَاجٜ؞ اٜ ٻٜ بٛرْنِي کٛلْتٜ دَنٜىٰجٜ اٜ ٻٜ تَارِ غِيفِ جِينَارِ تٛ کٛعٜ مَٻّٜ اٜ ٻٜ نجٛوطِي دٛوْ جٛوطٛرْلٜ طٜنْ؞