15 وَطُ کٛ مبَاوَتَا وَطُکِ نغَمْ نغَرْتِرَا حٛورٜ مَاطَ کٛ جَٻٜتٜىٰ تٛ اَللَّه، کُوٛووٛ مٛ نَنَتَا شٜمْتُطُمْ، اٜکِّتِنٛووٛ وٛلْدٜ غٛونغَ نٛ ندٜ وٛنْتِندِرِ؞
سٜيْ اٛ وِعِٻٜ، «تٛو، فُو مٛودِبّٛ اَتَّوْرَ اٜکِّتِيطٛ دٛوْ لَامُ اَللَّه اٜ مٛ نَنْدِ اٜ جٛومُ وُرٛ بُرْتِنْطٛ جَوْدِ کٜيْرِ اٜ کِيندِ ندٜرْ ندٜسَ مُوطُمْ؞»
يٜىٰسُ حُوتِرِي اِرِ مِسَالُ طُعُمْ طُطُّمْ، اٛ وَعَجِنَنِٻٜ وٛلْدٜ اَللَّه حَا کٜىٰرٛلْ نٛ ٻٜ مبَاوِ فَامُکِ؞
يٜىٰسُ نٛوتِي وِعِ، «مٛيٜ وٛنِ کُوٛووٛ مٛ غٛونغَ مٛ فَامُ، مٛ جٛومُ وُرٛ مُوطُمْ يٛوِ دٛوْ مَشُّٻٜ مُوطُمْ، نغَمْ اٛ حٛکَّٻٜ ݧَمْندُ ندٜرْ شَرٜلْ؟
طٛنْمَا بِيتُرُسْ وِعِ، «يِمْٻٜ اِسْرَاعِيلَ، نَنٜىٰ بٛلِيطٜ طٜعٜ: اَللَّه حٛلِّيعٛنْ اٛ سُٻِي يٜىٰسُ نَجَرَنْکٜىٰجٛ نغَمْ اٛ حٛکِّيمٛ بَوْطٜ حُوُکِ کُوطٜ مَوْطٜ اٜ کُوطٜ کَيْطِنِيطٜ اٜ اَلَامَاجِ طِ اٛ وَطِ ندٜرْ مٛوطٛنْ؞ اٛنٛنْ اٜ کٛعٜ مٛوطٛنْ اٛنْ اَنْدِ کٛ وَطِ؞
نغَمْ مِ وَعَجِنَنِيعٛنْ کٛ اَللَّه يِطِ فُو، مِ سُوطَايِعٛنْ کٛو طُمٜ؞
نغَمْ کٛو مٛيٜ کُوَنٛووٛ اَلْمَسِيحُ اٜ وَطَ اِرِ نغِکُّ طُعُمْ اٛ بٜلْنَنٛووٛ اَللَّه ٻٜرْندٜ؛ يِمْٻٜ بٛو کٛکَّيْمٛ مَنْغُ؞
کٛوْنَنٜىٰيَمْ اَفَالِسْ، مٛ طُمْ تَبِّتِنِ اٜ تٛکَّ اَلْمَسِيحُ اٜ غٛونغَ؞ کٛوْنَنٜىٰيَمْ اَرِسْتٛبُلُسْ اٜ اِيَالُ مَاکٛ اٜ فُو تٛکُّٻٜ يٜىٰسُ غٛنْٻٜ ندٜرْ وُرٛ مَاکٛ؞
تٛع اٛنْ ڤُطُّتُ اَلَنٛنْ حَکّٜ وٛنْدٜ جٛکّٛودٜ ٻَنْدُ مٛوطٛنْ ندٜ حُوتِرٜىٰ فِي کَلُّطُمْ؞ اَمَّا کٛکّٜىٰ اَللَّه کٛعٜ مٛوطٛنْ بٛ يِمْٻٜ ٻٜ طُمْ اُمِّنِ دَغَ مَيْدٜ يَاکِ يٛنْکِ، ندٜنْ کٛکّٛنْمٛ فُو کٛعٜ مٛوطٛنْ نغَمْ اٛ حُوتِرَعٛنْ کُوطٜ اَادِلَاکُ؞
فُو اٜ نٛنْ، تٛ اٜ مِنْ مٜتَنَ کٜىٰوُٻٜ ندٜرْ حٛولَاکِ يٜىٰسُ، اٜ مِنْ مٜتِرَ فَامُ، اَمَّا نَاع اِرِ فَامُ طُمْ جَامَنُ طُعُمْ، کٛو فَامُ لَامٛتٛوٻٜ جَامَنُ طُعُمْ ٻٜ لَامُ دٜعٛوجُمْ؞
نغَمْ نَاع مَنٛووٛ حٛورٜ مُوطُمْ وٛنِ جَٻَاطٛ؛ جَٻَاطٛ وٛنِ مٛ جٛومِرَاوٛ مَنِ؞
کَنْکٛ وَطِ مِنْ مبَاوِ وَرْتُکِ اٜکِّتِنٛوٻٜ اَلْکَوَلْ کٜسَلْ؞ اَلْکَوَلْ نغَلْ بٛو دَرَاکِ دٛوْ دٛوکَ بِنْدَاطُمْ، اَمَّا دٛوْ رُوحُ مَاکٛ نغَلْ دَرِ؞ نغَمْ دٛوکَ بِنْدَاطُمْ اٜ فٛوطَ مَيْدٜ، اَمَّا رُوحُ اٜ حٛکَّ يٛنْکِ کِ رٜعَتَا؞
مِنْ نغَݧِي حُوُکِ کُوطٜ شُوطِيطٜ شٜمْتِنِيطٜ؞ مِنْ مَجِّنْتَا يِمْٻٜ، مِنْ نغَيْلِتَتَا مَعَنَ وٛلْدٜ اَللَّه؞ اَمَّا اٜ مِنْ مبِعَ غٛونغَ اٜ نجَيْرِ؞ لَاوٛلْ وَطُکِ نٛنْ، کٛو مٛيٜ اَنْدَيْ ندٜرْ ٻٜرْندٜ مُوطُمْ يٜىٰسٛ اَللَّه مِنٛنْ اٜ مِنْ نغٛودِ غٛونغَ؞
نغَمْ نٛنْ، کٛ مِنْ نغِطِ وٛنِ مِنْ مبٜلْنَنَمٛ ٻٜرْندٜ، کٛو اٜ مِنْ ندٜرْ ندُعُ ٻَنْدُ کٛو اٜ تٛنْ دٛوْ؞
تٛو، جٛونِ يِدّٜ يِمْٻٜ طَٻِّتَيْمِ، کٛو يِدّٜ اَللَّه؟ کٛو بٛو اٜ مِ طَٻِّتَ وٜلْنَنْکِ يِمْٻٜ ٻٜرْطٜ؟ نَاع نٛنْ! دَا حَا جٛونِ يِمْٻٜ طَٻِّتَيْمِ وٜلْنَنْکِ ٻٜرْطٜ، دَا مِ وَرْتَايِ مَشُّطٛ اَلْمَسِيحُ؞
اٛنٛنْ مَا، اٛنْ نغَرْتِي يِمْٻٜ اَللَّه شَرٜلْ کٛ نَنْطٛنْ وٛلْدٜ غٛونغَ، وَاتٛ حَبَرُ بٜلْطُمْ دٛوْ يٜىٰسُ غَدَّنْطُمْعٛنْ کِسْندَمْ؞ اٛنْ کٛولَکٜمٛ، اَللَّه بٛو حٛکِّيعٛنْ رُوحُ مُوطُمْ طُمْ اٛ وَطَنِعٛنْ اَلْکَوَلْ؞ رُوحُ طُمْ حٛلِّي اٛنْ نغَرْتِي ٻٜ مَاکٛ؞
اَمَّا نٛنْ نٛ اَللَّه حٛولٛرِيمِنْ حٛکِّمِنْ کُوغَلْ وَعَجِنْکِ حَبَرُ بٜلْطُمْ، نٛنْ مِنْ نغَعَجِنِرْتَطُمْ، نَاع نغَمْ مِنْ مبٜلْنَنَ يِمْٻٜ ٻٜرْطٜ، اَمَّا نغَمْ مِنْ مبٜلْنَنَ اَللَّه ٻٜرْندٜ کَنْکٛ ڤٛوندٛووٛ ٻٜرْطٜ اَمِنْ؞
طٛنْمَا اٜ مِنْ تٛرٛوعٛنْ بَنْدِرَاٻٜ، کَٻَنٜىٰ ٻٜ نغِطَا کُوغَلْ، شٜمْبِطِنٜىٰ غٜوْرُٻٜ، مبَلّٜىٰ ٻٜ شٜمْبِطَا، نغَادٜىٰ مُݧَلْ اٜ کٛو مٛيٜ؞
تَا اٜکِّتِنِي تٛکُّٻٜ يٜىٰسُ نِينِ، اَ وَرْتَيْ کُوَنٛووٛ يٜىٰسُ اَلْمَسِيحُ بٛطّٛ مَوْنٛووٛ ندٜرْ بٛلِيطٜ غٛونغَ طٜ حٛولَاکِ يٜىٰسُ اٜ اٜکِّتِنٛلْ بٛنْغٛلْ نغٛلْ تٛکُّطَا؞
نغَمْ نٛنْ اٜنْ نغَطُ کٛ مبَاوٜتٜنْ وَطُکِ نغَمْ نَتّٜنْ سِوْتَارٜ ندٜنْ طٛنْ؞ تٛع غٛطّٛ مٜىٰطٜنْ وَطَ نٛ ٻٜنْ تٛنْ، وَݧَ کٛ اَللَّه وِعِ دُلَّ سِوْتَارٜ ندٜنْ؞
اٛ بَرْکِطِنَاطٛ فُو مُݧُطٛ ندٜرْ تٛرَّ، نغَمْ تٛ اٛ حٜٻِي جَالٛرْغَلْ دٛوْ تٛرَّ کَنْ، اَللَّه حٛکَّيْمٛ غِيفٛلْ نغٛلْ اٛ وَطَنِ يِطُٻٜمٛ اَلْکَوَلْ، وَاتٛ يٛنْکِ کِ رٜعَتَا؞
طُمْ شُٻٛلْ مَاکٛ اٛ حٛکِّعٜنْ يٛنْکِ کٜسُمْ بَرْکَ وٛلْدٜ غٛونغَ، نغَمْ نغَرْتٜنْ بٛ کٛ اَرْتِ ٻٜنْدُکِ ندٜرْ کٛ اٛ تَغِ؞
نغَمْ نٛنْ، بَنْدِرَاٻٜ، نغَطٜىٰ کٛ مبَاوٛتٛنْ وَطُکِ تَبِّتِنٛنْ نٛدّٛلْ اٜ شُٻٛلْ نغٛلْ اَللَّه وَطَنِعٛنْ؞ تٛ اٛنْ نغَطِي نٛنْ، اٛنْ نجَنَتَا؞
مِ وَطَيْ کٛ مبَاوَيْمِ وَطُکِ مِ يِعَ اٛنْ نجٛغَکٜ فِي طُعُمْ ندٜرْ ٻٜرْطٜ مٛوطٛنْ کٛو نغٜلٜ شَرٜلْ غَطَ مِ اَلِي دُونِيَارُ ندُعُ؞
نغَمْ نٛنْ، اٛنٛنْ ٻٜ نغِطُمِ، ندٜ اٛنْ کٜطِي ندٜنْ طٛنْ ݧَلْندٜ، نغَطٜىٰ کٛ مبَاوٛتٛنْ وَطُکِ نجٛوطٛوطٛنْ جٛنْدٜ لَمْندٜ اٜ اَادِلَاکُ يٜىٰسٛ اَللَّه اٜ ٻٜرْندٜ وَلْتِيندٜ؞