2 تِمٛوتِ 2:13 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

¹³ تٛ اٜنْ نغَطَنْتَا يٜىٰسُ کٛ حَانِ، کَنْکٛ اٛ وَطَيْ کَ وَطُکِ کٛ حَانِ، نغَمْ اٛ وَاوَتَا وَݧُکِ حٛورٜ مَاکٛ؞»‏

2 تِمٛوتِ 2:13 Iomraidhean Croise

مَاتِيُ 24:35

دٛوْ اٜ لٜيْ پَٻّٛتٛ، اَمَّا بٛلِيطٜ اَمْ پَٻَّتَاکٛ حَا اَبَدَا؞

رٛومَنْکٛعٜنْ 3:3

غٛونغَ، وٛٻّٜ مَٻّٜ کٛولَاکِ اَللَّه؞ اَمَّا شِيَ حٛولَاکِ مَٻّٜ وَاوَيْ وَرْتِرَ اَللَّه مٛ حٜبِّنْتَا اَلْکَوَلْ مُوطُمْ؟

رٛومَنْکٛعٜنْ 9:6

نَاع اٜ مِ وِعَ اَللَّه حٜبِّنَايِ اَلْکَوَلْ مُوطُمْ؞ نغَمْ نَاع فُو اِسْرَاعِيلَنْکٛعٜنْ نغٛنِ يِمْٻٜ اَللَّه ٻٜ غٛونغَ؞

1 کٛرِنْتِيَنْکٛعٜنْ 1:9

اَللَّه اٛ غَطٛووٛ کٛ اٛ وِعِ؞ کَنْکٛ نٛدِّعٛنْ نغَمْ شُمْڤٛوتِرٛنْ اٜ ٻِطّٛ مَاکٛ يٜىٰسُ اَلْمَسِيحُ جٛومِرَاوٛ مٜىٰطٜنْ؞

1 تَسَلٛونِکَنْکٛعٜنْ 5:24

اٛنْ طٛنْ نٛدُّطٛعٛنْ، اٛ وَطَيْطُمْ نغَمْ اٛ غَطٛووٛ کٛ اٛ وِعِ؞

2 تَسَلٛونِکَنْکٛعٜنْ 3:3

اَمَّا جٛومِرَاوٛ اٛ غَطٛووٛ کٛ اٛ وِعِ، اٛ سٜمْبِطِنَيْعٛنْ، اٛ رٜىٰنَيْعٛنْ دَغَ اٛنْ طٛنْ کَلُّطٛ؞

تِيتُسْ 1:2

غٛونغَ کَعَ وَطَيْ ٻٜ نغَطَ ٻٜرْطٜ دٛوْ حٜٻُکِ يٛنْکِ کِ رٜعَتَا؞ اَللَّه وَطِي اَلْکَوَلْ دٛوْ يٛنْکِ کِنْ کٛ دُونِيَارُ تَغٜىٰ، اٛ بٛو فٜوَتَا؞

اِبْرَانِيَنْکٛعٜنْ 6:18

فِي طِطُمْ طُعُمْ، وَاتٛ اَلْکَوَلْ نغَلْ اٜ حُنَيٜىٰرٜ ندٜنْ طُمْ وَيْلِتَتَاکٛ حَا اَبَدَا، نغَمْ طُمْ وَطَتَاکٛ اَللَّه فٜوَ؞ نٛنْ اٜ سٜمْبِطِنَعٜنْ، اٜنٜنْ دٛغُّٻٜ نجَحِ تٛ مَاکٛ، نجٛغٛوطٜنْ کَمُّندٜ غٛنْدٜ يٜىٰسٛ مٜىٰطٜنْ بٛطُّمْ؞