2 بِيتُرُسْ 2:3 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

³ کَمْٻٜ شٜىٰدٜ ٻٜ نغِطِ؞ نغَمْ نٛنْ ٻٜ مَجِّنَيْعٛنْ اٜ مٜتٜمٜتٜىٰجِ فٜوْرٜ نغَمْ ٻٜيْدَارِ کٛعٜ مَٻّٜ؞ اَمَّا دَغَ ندٜنّٛ طُمْ سِرْيَکٜ تَپَنْکِٻٜ کِيتَ، حَلْکٜرٜ مَٻّٜ اٜ طٛنْ حٜطِيٻٜ؞

2 بِيتُرُسْ 2:3 Iomraidhean Croise

مَاتِيُ 23:14

‏[‏اٛنْ مبٛنِي اٛنٛنْ مٛودِٻّٜ اَتَّوْرَ اٜ فَارِسَنْکٛعٜنْ!‏ اٛنْ مُنَافُکِعٜنْ!‏ اٛنْ ݧَامَ جَوْدِ رٜوْٻٜ ٻٜ وٛرْٻٜ مَٻّٜ مَايِ، اٛنْ نغَطَ دٛعَارٜ جُوتُندٜ نغَمْ يِمْٻٜ نغِعَ؞ نغَمْ نٛنْ، اَللَّه ٻُرَيْ حٛکُّکِعٛنْ بٛنٜ؞]‏

لُکَ 18:8

اٜ مِ وِعَعٛنْ، اٛ يَاوَيْ وَطَنْکِٻٜ کٛ حَانِ؞ اَمَّا تٛ ٻِي نٜطّٛ وَرْتٛيِي، اٛ تَوَيْ کٛولِيٻٜمٛ ندٜرْ دُونِيَارُ بٛو؟»‏

لُکَ 20:20

نغَمْ نٛنْ ٻٜ نغَطَنِ يٜىٰسُ غِتٜ، ٻٜ لِلِ وٛٻّٜ نَنْدِتِنْٻٜ اٜ يِمْٻٜ ٻٜ غٛونغَ نغَمْ ٻٜ نَنَ کٛو اٛ وِعَيْ غٛطُّمْ طُمْ ٻٜ کٜٻَتَ ٻٜ نغُلِّرٛيٛومٛ يٜىٰسٛ غٛمْنَاجٛ لٜيْدِ؞

لُکَ 22:47

يٜىٰسُ اٜ مٜتَ، سٜيْ يِمْٻٜ طُطْٻٜ نغَرِ؞ يَحُودَ، غٛعٛتٛ ندٜرْ تٛکُّٻٜمٛ سَڤّٛ اٜ طِطٛ اٜ مٛ اَرْدِيٻٜ؞ يَحُودَ ٻَدِّي يٜىٰسُ نغَمْ حٛوْنَمٛ؞

يَحَيَ 2:16

سٜيْ اٛ وِعِ شٛورٛوٻٜ تَتَّبَرَاجِ ٻٜنْ، ‏«‏مبُرْتِنٜىٰطِ طٛعٛ!‏ تٛع اٛنْ نغَرْتِرْ وُرٛ ݧَاکٛ اَمْ لُومٛ؞»‏

رٛومَنْکٛعٜنْ 16:18

نغَمْ اِرِ ٻٜنْ طٛنْ يِمْٻٜ نَاع جٛومِرَاوٛ مٜىٰطٜنْ اَلْمَسِيحُ ٻٜ کُوَنْتَ، اَمَّا دٜىٰطِ مَٻّٜ ٻٜ کُوَنْتَ؞ اٜ بٛلِيطٜ بٜلْطٜ اٜ حَالَاجِ بٛطِّ ٻٜ مَجِّنِرْتَ يِمْٻٜ غٛودُٻٜ شِيَ فَامُ؞

2 کٛرِنْتِيَنْکٛعٜنْ 2:17

مِنْ نغَعَجِنْتَا وٛلْدٜ اَللَّه نغَمْ مِنْ کٜٻَ شٜىٰدٜ نٛ طُطْٻٜ نغَطَتَ؞ اَمَّا اٜ مِنْ مٜتَ غٛونغَ يٜىٰسٛ اَللَّه، نغَمْ اَلْمَسِيحُ جٜيِمِنْ، ندٜنْ اَللَّه لِلٛيِمِنْ؞

1 تَسَلٛونِکَنْکٛعٜنْ 2:5

اٛنْ اَنْدِ مِنْ مٜىٰطَايِ مٜتَنْکِعٛنْ مٜتٛ بٜلْطُمْ حٛنْدُکٛ، نٛنْ مَا مِنْ نغَلَا سُونٛ غٛطُّمْ نغٛ بٛلِيطٜ اَمِنْ سُوطَتَ، اَللَّه وٛنِ شٜيْدُوجٛ اَمِنْ؞

1 تَسَلٛونِکَنْکٛعٜنْ 5:3

شَرٜلْ نغٜلْ يِمْٻٜ مبِعَتَ، ‏«‏اٜ وٛودِ جٛنْدٜ جَمْ، ندٜنْ ٻٜرْندٜ اٜ وَلْتِي،»‏ ندٜنْ طٛنْ اٜ طٛنْ سٜيْ حَلْکٜرٜ يَنٛنٛيَٻٜ؞ ندٜ وَرَنَيْٻٜ نٛ دَݧْنغٛلْ وَرَنْتَ دٜبّٛ غٛودُطٛ رٜىٰدُ، ٻٜ کٜٻَتَا لَاوٛلْ حِسُکِ؞

1 تِمٛوتِ 3:3

تٛع اٛ وَرْتَ جَرٛووٛ، کٛو طَٻِّتٛووٛ حَوْرٜ، اَمَّا مٛ حَکِّيلٛ، غِطّٛ جٛنْدٜ جَمْ، نَاع غٛودُطٛ يِدّٜ شٜىٰدٜ؞

1 تِمٛوتِ 3:8

نٛنْ مَا دٛولٜ کُوٛوٻٜ ندٜرْ کَوْتَلْ تٛکُّٻٜ يٜىٰسُ نغَرْتَ غٛودُٻٜ نغِکُّ بٛطُّمْ، وِعٛوٻٜ غٛونغَ، نَاع جَرٛوٻٜ، کٛو غٛودُٻٜ يِدّٜ شٜىٰدٜ؞

1 تِمٛوتِ 6:5

اٛ غِطّٛ يٜدّٛوتِرْکِ کِ رٜعَتَا اٜ يِمْٻٜ ٻٜ ݧُمٛ بَاتُنغٛ، ٻٜ نغَلَا غٛونغَ، ݧُمٛوٻٜ تٛکّٛلْ اَللَّه طُمْ طَتَلْ حٜٻُکِ شٜىٰدٜ؞

تِيتُسْ 1:11

دٛولٜ طُمْ حَٻَنَٻٜ ٻٜ ندٜعِّتَ، نغَمْ اٜ ٻٜ اٜکِّتِنَ کٛ وٛوطَا، اٜ ٻٜ مَجِّنَ يِمْٻٜ وُرٛ‑وُرٛ نغَمْ ٻٜ کٜٻَ شٜىٰدٜ؞

تِيتُسْ 1:7

ندٜ مَوْطٛ کَوْتَلْ تٛکُّٻٜ يٜىٰسُ اٛ کُوَنٛووٛ اَللَّه، دٛولٜ اٛ وَرْتَ وَلَا کٛ طُمْ حُطِرْتَمٛ؞ تٛع اٛ وَرْتَ مَوْنِنٛووٛ حٛورٜ، کٛو جَوْطٛ مٜتِّنْکِ ٻٜرْندٜ، کٛو جَرٛووٛ، کٛو طَٻِّتٛووٛ حَوْرٜ، کٛو غِطّٛ شٜىٰدٜ؞

1 بِيتُرُسْ 2:8

طٛنْمَا وٛنْدٜ اَايَارٜ وِعِي، ‏«‏طُمْ حَيْرٜ غَطٛورٜ يِمْٻٜ فٜغّٛو، غَطٛورٜ يِمْٻٜ نجَنَ؞»‏ اٜ ٻٜ ڤٜغّٛو نغَمْ ٻٜ نغَݧِي وَطُکِ کٛ وٛلْدٜ اَللَّه وِعِ؞ نٛنْ طُمْ سِرْيَنِيٻٜ؞

1 بِيتُرُسْ 5:2

ڤَامَنٜىٰ اٛرْندٜ اَللَّه ندٜ طُمْ تَمْبِنِعٛنْ؞ ڤَامَنٜىٰندٜ ندٜرْ بٜلْطُمْ ٻٜرْندٜ، نَاع بٛ دٛولٜ طُمْ وَطَتَعٛنْ، طٛنْمَا نَاع نغَمْ حٜٻُکِ شٜىٰدٜ، اَمَّا نغَمْ اٛنْ نغٛودِ يِدّٜ کُوغَلْ نغَلْ ندٜرْ ٻٜرْطٜ مٛوطٛنْ؞

2 بِيتُرُسْ 1:16

نغَمْ شَرٜلْ کٛ مِنْ کٛکِّعٛنْ حَبَرُ بَوْطٜ يٜىٰسُ اَلْمَسِيحُ جٛومِرَاوٛ مٜىٰطٜنْ اٜ غَرٛلْ مَاکٛ، نَاع حَبَرُوجِ طِ طُمْ سِرْيِي اٜ پٛيْرٜ مِنْ تٛکِّ؞ اَمَّا مِنْ نغِعِي مَنْغُ مَاکٛ اٜ غِتٜ اَمِنْ؞

2 بِيتُرُسْ 2:1

اَمَّا ندٜنّٛ اَنَّبٛعٜنْ فٜوْرٜ نَتِّي ندٜرْ يِمْٻٜ جٛومِرَاوٛ؞ نٛنْ مٛودِٻّٜ فٜوْرٜ نَتِّرْتَ ندٜرْ مٛوطٛنْ؞ ٻٜ نغَدَّيْ وٛنْغٛلْ اٜکِّتِنٛلْ ندٜرْ مٛوطٛنْ اٜ سُوطٜ ڤٛوطَنَيْنغٛلْعٛنْ حَلْکٜرٜ، حَا مَا ٻٜ مبِعَ ٻٜ اَنْدَا جٛومِرَاوٛ رِمْطِنْطٛٻٜ؞ نٛنْ ٻٜ ڤٛوطِرَنْتَ کٛعٜ مَٻّٜ حَلْکٜرٜ جَوْندٜ؞

2 بِيتُرُسْ 2:9

فُو فِي طُعُمْ حٛلِّيعٜنْ جٛومِرَاوٛ اٜ اَنْدِ نٛ حِسْنِرْتَ کُلٛوٻٜمٛ دَغَ تٛرَّاجِ، اٜ نٛ اٛ وَطَتَ کَ تٛرِّرْکِ کَلُّٻٜ حَا اٛ حِيتٛوٻٜ ݧَلْندٜ جَانغٛ؞

يَحُودَ 1:11

ٻٜ مبٛنِي!‏ ٻٜ تٛکِّي نغِکُّ کَيِنُ؞ ٻٜ نَتِّي اِرِ مَجّٜرٜ بَلَعَمُ نغَمْ سُونٛ شٜىٰدٜ؞ نٛنْ نٛ کٛورَ وَݧِرِ کٛ اَللَّه وِعِ، نٛنْ کَمْٻٜ مَا ٻٜ نغَݧِرِ کٛ اَللَّه وِعِ؞ نغَمْ نٛنْ، ٻٜ کَلْکَيْ؞

يَحُودَ 1:15

نغَمْ اٛ وَطَنَ کٛو مٛيٜ کِيتَ؞ اٛ تَپَنَ فُو ٻٜ تٛکَّايِ اَللَّه کِيتَ نغَمْ کُوطٜ مَٻّٜ طٜ شِيَ کُلٛلْ اَللَّه طٜ ٻٜ نغَطِ، اٜ فُو حَالَاجِ کَلُّطِ طِ غَطٛوٻٜ حَکّٜ ٻٜ کُلَتَا اَللَّه مٜتِ دٛوْ مَاکٛ؞»‏

يَحُودَ 1:16

ٻٜعٜ يِمْٻٜ ٻٜ مٜتِتٛتٛوٻٜ، کٛو ندٜيٜ اٜ ٻٜ نغِعَ بٛوفٛلْ وٛٻّٜ؞ اٜ ٻٜ تٛکَّ سُونٛوجِ مَٻّٜ کَلُّطِ؞ اٜ ٻٜ مٜتَ حَالَاجِ مَوْنِنْکِ کٛعٜ مَٻّٜ، اٜ ٻٜ مٜتَنَ يِمْٻٜ حَالَاجِ بٜلْطِ نغَمْ ٻٜ کٜٻَ کٛ ٻٜ نغِطِ؞

يَحُودَ 1:4

مِ وِعُ طُعُمْ نغَمْ وٛٻّٜ يِمْٻٜ نَتِّي ندٜرْ مٛوطٛنْ اٜ سُوطٜ؞ ٻٜ کُلَتَا اَللَّه، اٜ ٻٜ مبِعَ اَللَّه يَافَنْتٛعٜنْ حَکّٜ، نغَمْ نٛنْ اٜنْ نغَطُ کَ وَطُکِ حَکّٜ؞ ٻٜ نغَݧِي مَوْطٛ مٜىٰطٜنْ جٛومِرَاوٛ مٜىٰطٜنْ غٛعٛتٛ تَنْ مٛ نغٛودُطٜنْ، يٜىٰسُ اَلْمَسِيحُ؞ اَايَاجٜ بِنْدَاطٜ کٛ نٜىٰٻِ مبِعِ طُمْ تَپَنَيْٻٜ کِيتَ کَلُّکَ؞

يَحُودَ 1:7

نٛنْ مَا، يِمْٻٜ غَرِيجٜ سٛدٛمْ اٜ غٛمٛورَ اٜ غَرِيجٜ غٛنْطٜ حَادٜ مَاجٜ ٻٜ نَتِّنِ کٛعٜ مَٻّٜ وَطُکِ کُوطٜ نٜفْنِيطٜ بٛ لُوطُ اٜ نجٜىٰنُ؞ نغَمْ نٛنْ ٻٜ کَلْکِرَامَ حِيتٜ نغٜ ݧِفَتَا حَا اَبَدَا نغَمْ طُمْ وَرْتَ مِسَالُ تٛ کٛو مٛيٜ؞