1 تِمٛوتِ 1:9 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁹ کَدِمَا اٜنْ اَنْدِ دٛوکَ وَطَاکَ نغَمْ اَادِلِعٜنْ، اَمَّا نغَمْ غٜوٛوٻٜ دٛوکَ، اٜ يِمْٻٜ ٻٜ نغَطَتَا کٛ طُمْ وِعِٻٜ، اٜ ٻٜ کُلَتَا اَللَّه، اٜ غَطٛوٻٜ کٛ وٛوطَا، اٜ يِمْٻٜ ٻٜ شٜنَاکِ، اٜ کُطٛوٻٜ اَللَّه، اٜ يِمْٻٜ بَرٛوٻٜ دَݧٛوٻٜ مُعّٜنْ، اٜ غَطٛوٻٜ وَرْحٛورٜ،

1 تِمٛوتِ 1:9 Iomraidhean Croise

مَاتِيُ 10:21

‏«‏نٜطّٛ حٛکِّتِرَيْ سَکِرَاوٛ مُوطُمْ طُمْ وَرَمٛ، ݧَاکٛ مَا حٛکِّتِرَيْ ٻِطّٛ مُوطُمْ؞ ٻِٻّٜ اُمَّنْتٛ دَݧٛوٻٜ مَٻّٜ، ٻٜ نغَطَ طُمْ وَرَٻٜ؞

رٛومَنْکٛعٜنْ 1:30

اٜ ٻٜ مٜتَ کَلُّکَ دٛوْ وٛٻّٜ، اٜ ٻٜ نغَݧَ اَللَّه، اٜ ٻٜ کٛلَّ مَنْغُ، اٜ ٻٜ نغٛودِ مَنْغُ حٛورٜ، مَوْنِنٛوٻٜ کٛعٜ مَٻّٜ، اٜ ٻٜ طَٻِّتَ لَاوٛلْ وَطُکِ کٛ حَلِّ، ٻٜ مَوْنِنْتَا دَݧٛوٻٜ؞

رٛومَنْکٛعٜنْ 4:13

اَللَّه وَطَنِي اِبْرَاهِمْ اٜ ٻِٻّٜ ٻِٻّٜىٰجِ مَاکٛ اَلْکَوَلْ وِيکِ کَمْٻٜ ندٛنَتَ دُونِيَارُ؞ اَللَّه وَطِي اَلْکَوَلْ نغَعَلْ نَاع نغَمْ اِبْرَاهِمْ اٜ تٛکَّ کٛ اَتَّوْرَ وِعِ، اَمَّا نغَمْ اَادِلَاکُ کٜٻٜتٜىٰطُمْ بَرْکَ حٛولَاکِ اَللَّه؞

رٛومَنْکٛعٜنْ 5:20

اَتَّوْرَ وَدَّامَ نغَمْ کٛ وٛوطَا طُمْ يِمْٻٜ نغَطَتَ وُرْتٛو اٜ نجَيْرِ؞ اَمَّا فُو تٛ حَکّٜ ٻٜيْدِي، سٜيْ يِدّٜ اَللَّه ٻُرَ ٻٜيْدَاکِ؞

رٛومَنْکٛعٜنْ 6:14

نغَمْ حَکّٜ حٜٻَتَا جَالٛرْغَلْ دٛوْ مٛوطٛنْ، ندٜ نَاع لٜيْ اَتَّوْرَ نغٛنْطٛنْ، اَمَّا لٜيْ يِدّٜ اَللَّه نغٛنْطٛنْ؞

غَلَاتِيَنْکٛعٜنْ 3:19

تٛ طُمْ نٛنْ، نغَمْ طُمٜ طُمْ وَدِّ اَتَّوْرَ؟ طُمْ وَدَّ نغَمْ طُمْ حٛلَّ کٛ وٛنِ حَکّٜ؞ اَللَّه وَدُّطُمْ طُمْ حُوتِرٜىٰ نَا شَرٜلْ نغٜلْ تَانِرَاوٛ اِبْرَاهِمْ اٛنْ طٛنْ وَرِي، مٛ طُمْ وَطُنٛ اَلْکَوَلْ؞ اَللَّه لِلِ مَلَاعِکَعٜنْ ٻٜ کٛکِّ مُوسَ اَتَّوْرَ، مُوسَ حٛکِّطُمْ اِسْرَاعِيلَنْکٛعٜنْ؞

غَلَاتِيَنْکٛعٜنْ 5:18

اَمَّا تٛ اٛنْ نغَطَ کٛ رُوحُ اَللَّه وِعِعٛنْ نغَطٛنْ، اٛنْ نغَلَا لٜيْ لَامُ اَتَّوْرَ؞

غَلَاتِيَنْکٛعٜنْ 5:21

اٜ لَوْلِيرُ، اٜ يِلْتَاکِ، اٜ يَرْکِ نجَرُ يِلْتٛو حَا وَطَ کٛ حَلِّ، اٜ وَطُکِ غٛطّٜ کُوطٜ اِرِ طٜعٜ؞ اٜ مِ وِعَعٛنْ نٛنْ نٛ مبِيمِعٛنْ ندٜنّٛ، کُوٛوٻٜ اِرِ کُوطٜ طٜعٜ ٻٜ کٜٻَتَا نَتُّکِ لَامُ اَللَّه؞

غَلَاتِيَنْکٛعٜنْ 5:23

اٜ لٜيْنُکِ حٛورٜ، اٜ سُرُکِ حٛورٜ؞ وَلَا دٛوکَ غَݧُطُمْ کُوطٜ طٜعٜ؞

2 تَسَلٛونِکَنْکٛعٜنْ 2:8

غَطَ طٛنْ طُمْ وَنْغِنَيْ کَلُّطٛ اٛنْ، سٜيْ يٜىٰسُ جٛومِرَاوٛ وَرِرَمٛ اٜ فٛوفَانغٛ حٛنْدُکٛ مُوطُمْ، ندٜنْ حَلْکِرَمٛ تٜدُّنغَلْ وَرْتُکِ مُوطُمْ؞

1 تِمٛوتِ 4:7

وٛطِّتَ حَبَرُوجِ فٜوْرٜ طِ مٜىٰرٜ طِ نغَلَا غٛونغَ دٛوْ اَللَّه؞ اٜکِّتِنْ حٛورٜ مَاطَ تٛکُّکِ اَللَّه؞

1 تِمٛوتِ 6:20

تِمٛوتِ، جٛغَ کٛ اَللَّه حٛکُّمَا بٛطُّمْ؞ وٛطِّتَ حَالَاجِ طِ نغَلَا غٛونغَ دٛوْ اَللَّه اٜ غٜدِّ مٜىٰرٜىٰجِ طِ وٛٻّٜ يِمْٻٜ نٛدِّرْتَ ‏«‏اَنْدَلْ،»‏ اَمَّا نَاع طُمْ غٛونغَ؞

2 تِمٛوتِ 2:16

وٛطِّتَ حَالَ مٜىٰرٜحَ کَ وَلَا کُلٛلْ اَللَّه، نغَمْ کَ وَطَيْ يِمْٻٜ ٻٜيْدَ وٛطِّتَاکِ اَللَّه؞

2 تِمٛوتِ 3:2

يِمْٻٜ نغَرْتَيْ غِطُٻٜ کٛعٜ مَٻّٜ، غٛودُٻٜ يِدّٜ شٜىٰدٜ، مَنْتٛوٻٜ کٛعٜ مَٻّٜ، مَوْنِنٛوٻٜ حٛورٜ، غِطُٻٜ حُطُکِ، ٻٜ مَوْنِنْتَا دَݧٛوٻٜ مَٻّٜ، ٻٜ نغٜتَّتَا، ٻٜ نغَرْتَيْ ٻٜ شٜنَاکِ؞

تِيتُسْ 1:10

کَدِمَا اٜ وٛودِ يِمْٻٜ طُطْٻٜ غَݧُٻٜ تٛکَّ غٛونغَ، مٜتٛوٻٜ حَالَاجِ مٜىٰرٜ، مَجِّنٛوٻٜ يِمْٻٜ؞ طُطْٻٜ ندٜرْ يِمْٻٜ ٻٜنْ ٻٜ يَحُودَنْکٛعٜنْ تٛکُّٻٜ يٜىٰسُ؞

تِيتُسْ 1:16

اٜ حٛنْدُکٛ اٜ ٻٜ مبِعَ اٜ ٻٜ اَنْدِ اَللَّه، اَمَّا کٛ ٻٜ نغَطَتَ اٜ حٛلَّ ٻٜ اَنْدَامٛ؞ ٻٜ نٜفْنِيٻٜ، ٻٜ نغَطَتَا کٛ اَللَّه وِعِ، وَلَا کُوغَلْ بٛنْغَلْ نغَلْ ٻٜ مبَاوَتَ وَطُکِ؞

تِيتُسْ 1:6

دٛولٜ اَرْدِيطٛ ندٜرْ کَوْتَلْ تٛکُّٻٜ يٜىٰسُ وَرْتَ وَلَا کٛ طُمْ حُطِرْتَمٛ، غٛودُطٛ دٜبّٛ غٛعٛتٛ، مٛ ٻِٻّٜ مَاکٛ ٻٜ تٛکُّٻٜ يٜىٰسُ ٻٜ نغَلَا نغِکُّ کَلُّطُمْ کٛو شِيَ حَکِّيلٛ؞

تِيتُسْ 3:3

نغَمْ اٜنٜنْ مَا ندٜنّٛ اٜنْ اَنْدَانٛ کٛ نغَطٜتٜنْ، اٜنْ تٛکَّتَا کٛ طُمْ وِعِعٜنْ، اٜنْ مَجِّنَامَ؞ سُونٛ دُونِيَارُ حَٻِّيعٜنْ، اٜنْ نغِطِ کٛو اِرِ طُمٜ فِي کَلُّطُمْ؞ اٜنْ نغَطِي جٛنْدٜ مٜىٰطٜنْ ندٜرْ حَلّٜىٰندٜ اٜ لَوْلِيرُ، يِمْٻٜ نغَݧِيعٜنْ، اٜنٜنْ مَا اٜنْ نغَݧِيٻٜ؞

اِبْرَانِيَنْکٛعٜنْ 11:31

نغَمْ رَحَبْ کَارُوَاجٛ اٜ حٛولِي اَللَّه وَطِ اٛ وَرْدَاکَ اٜ ٻٜنْ طٛنْ غَݧُٻٜ نغَطَ کٛ اَللَّه وِعِ، نغَمْ اٛ جَٻَّکٜ اِسْرَاعِيلَنْکٛعٜنْ بٛطُّمْ دَارٛوٻٜ سِرُّ لٜيْدِ؞

اِبْرَانِيَنْکٛعٜنْ 12:16

تٛع غٛطّٛ وَرْتَ غَطٛووٛ نجٜىٰنُ کٛو مٛ وَلَا کُلٛلْ اَللَّه بٛ اِسَوْ شٛورُطٛ مَنْغُ مُوطُمْ طُمْ اَفٛ نغَمْ حٜٻَ ݧَامَ ندٜ غٛعٛ تَنْ؞

1 بِيتُرُسْ 2:7

حَيْرٜ ندٜنْ طٛنْ اٜ ندٜ وٛودِ مَنْغُ تٛ مٛوطٛنْ اٛنٛنْ کٛولِيٻٜ يٜىٰسُ؞ اَمَّا تٛ غَݧُٻٜ کٛولٛومٛ ٻٜ نغِعَيْ نٛ، ‏«‏حَيْرٜ ندٜ مَحٛوٻٜ نغَݧِ، کَيْرٜ وٛنِ حَيْرٜ ٻُرْندٜ کٛو ندٜيٜ دَرْنُکِ مَادِ؞»‏

1 بِيتُرُسْ 3:20

رُوحُوجِ طِنْ طٛنْ کَنْجِ نغٛنِ طِ تٛکَّايِ اَللَّه ندٜنّٛ اٜ جَامَنُ اَنَّبِ نُحُ؞ اَللَّه حٜطَکٜ اٜ مُݧَ شَرٜلْ کٛ اَنَّبِ نُحُ وَطَتَ کٛمِوَلْ؞ يِمْٻٜ سٜطَّ تَنْ نَتِّنغَلْ کِسِ ندِيَمْ تُفَانَ، کَمْٻٜ نجٛوٜىٰتَتٛ؞

1 بِيتُرُسْ 4:18

اَايَارٜ وِعِي، ‏«‏تٛ اٜ طُمْ سَطِ اَادِلِعٜنْ کِسَ، تٛو، کٛ حٜٻَتَ ٻٜ کُلَتَا اَللَّه اٜ غٛودُٻٜ حَکّٜ؟»‏

يَحُودَ 1:15

نغَمْ اٛ وَطَنَ کٛو مٛيٜ کِيتَ؞ اٛ تَپَنَ فُو ٻٜ تٛکَّايِ اَللَّه کِيتَ نغَمْ کُوطٜ مَٻّٜ طٜ شِيَ کُلٛلْ اَللَّه طٜ ٻٜ نغَطِ، اٜ فُو حَالَاجِ کَلُّطِ طِ غَطٛوٻٜ حَکّٜ ٻٜ کُلَتَا اَللَّه مٜتِ دٛوْ مَاکٛ؞»‏

وَحَيُ يَحَيَ 21:8

اَمَّا غٛودُٻٜ کُلٛلْ اٜ ݧَامٛوٻٜ اَمَانَ، اٜ کُوٛوٻٜ کُوغَلْ کَلُّنغَلْ، اٜ غَطٛوٻٜ وَرْحٛورٜ، اٜ غَطٛوٻٜ نجٜىٰنُ، اٜ دَرْنٛوٻٜ، اٜ مَوْنِنٛوٻٜ غُنْکِيجِ، اٜ فُو فٜوٛوٻٜ، ٻٜ فُو طُمْ نَتِّنَيْٻٜ مبٜىٰلَ حِيتٜ کِبِرِتُ، کَنْغَ وٛنِ مَيْدٜ طِطَوْرٜ؞»‏

وَحَيُ يَحَيَ 22:15

ٻٜ طُمْ حَطِ نَتُّکِ غَرِيرِ ندِنْ بٛو، کَمْٻٜ نغٛنِ بٛنُّٻٜ کٛعٜ مَٻّٜ، اٜ دَرْنٛوٻٜ، اٜ غَطٛوٻٜ نجٜىٰنُ، اٜ غَطٛوٻٜ وَرْحٛورٜ، اٜ مَوْنِنٛوٻٜ غُنْکِيجِ، اٜ غِطْٻٜ فٜوُکِ کٛو ندٜيٜ؞