1 تَسَلٛونِکَنْکٛعٜنْ 4:1 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

¹ اٜ رٜعِرْدٜ بَنْدِرَاٻٜ، اٜ مِنْ تٛرٛوعٛنْ، نغَمْ يٜىٰسُ جٛومِرَاوٛ، نغَطٜىٰ جٛنْدٜ کَانُندٜ ندٜ اَللَّه نَنَتَ بٜلْطُمْ مَيْرٜ، نٛنْ نٛ اٜکِّتِيطٛنْ تٛ اَمِنْ، نٛنْ نٛ نجٛوطٛرِيطٛنْ جٛونِ؞ ٻٜيْدٜىٰ جٛوطٛرَاکِ نٛنْ؞

1 تَسَلٛونِکَنْکٛعٜنْ 4:1 Iomraidhean Croise

يَحَيَ 15:2

اٛ اِتَّيْ کٛو نغَلٜ لِسَلْ اَمْ نغَلْ رِمَتَا، ندٜنْ اٛ مٛعِّنَيْ کٛو نغَلٜ لِسَلْ دِمٛووَلْ، نغَمْ نغَلْ ٻٜيْدَ رِمُکِ؞

کُوطٜ لِلَاٻٜ 20:27

نغَمْ مِ وَعَجِنَنِيعٛنْ کٛ اَللَّه يِطِ فُو، مِ سُوطَايِعٛنْ کٛو طُمٜ؞

رٛومَنْکٛعٜنْ 8:8

يِمْٻٜ غَطٛوٻٜ کٛ ٻَلِّ مَٻّٜ نغِطِ ٻٜ مبَاوَتَا وٜلْنَنْکِ اَللَّه ٻٜرْندٜ؞

1 کٛرِنْتِيَنْکٛعٜنْ 11:23

نغَمْ کٛ نَنْمِ تٛ جٛومِرَاوٛ، کَنْجُمْ اٜکِّتِنْمِعٛنْ؞ ندٜرْ جٜمَّارٜ ندٜ طُمْ حٛکِّتِرِ جٛومِرَاوٛ مٜىٰطٜنْ يٜىٰسُ، اٛ حٛشِّ بُرٛودِ،

1 کٛرِنْتِيَنْکٛعٜنْ 15:1

جٛونِ بَنْدِرَاٻٜ اَمْ، اٜ مِ يِطِ مِ سِفْتٛرَنَعٛنْ حَبَرُ بٜلْطُمْ طُمْ نغَعَجِنَنْمِعٛنْ، طُمْ نجَٻُطٛنْ، طُمْ تٛکّٛتٛنْ بٛطُّمْ؞

1 کٛرِنْتِيَنْکٛعٜنْ 15:58

نغَمْ نٛنْ، بَنْدِرَاٻٜ اَمْ ٻٜ نغِطُمِ، ندَرٜىٰ بٛطُّمْ، تٛع غٛطُّمْ دِمْبَعٛنْ؞ کٛو ندٜيٜ نغَطٜىٰ کٛ مبَاوٛتٛنْ وَطُکِ کُوٛنْ کُوغَلْ جٛومِرَاوٛ، نغَمْ اٛنْ اَنْدِ کُوغَلْ نغَلْ کُوَنْتٛنْمٛ نَاع اٜ مٜىٰرٜ نغَلْ وٛنِ؞

2 کٛرِنْتِيَنْکٛعٜنْ 10:1

اٜ مِ تٛرٛوعٛنْ ندٜرْ لٜسْتِنْکِ حٛورٜ اٜ مُݧَلْ اَلْمَسِيحُ، مِنْ بُلُسْ نٛدّٜتٜىٰطٛ ‏«‏لٜسْتِنْطٛ حٛورٜ»‏ تٛ اٜ مِ وٛنْدِ اٜ مٛوطٛنْ، اَمَّا تٛ مِ وٛنْدَا اٜ مٛوطٛنْ اٜ مِ نٛدّٜىٰ ‏«‏مٜتَنٛووٛعٛنْ اٜ سٜمْبٜ؞»‏

2 کٛرِنْتِيَنْکٛعٜنْ 13:11

تٛو، بَنْدِرَاٻٜ اَمْ، سٜيْ ݧَلْندٜ غٛعٛ؞ مٛعِّنٜىٰ جٛنْدٜ مٛوطٛنْ، نغَطٜىٰ کٛ تٛرِيمِعٛنْ نغَطٛنْ، نغَرْتٜىٰ ٻٜ ݧُمٛ غٛعٛ، نجٛوطٛدٜىٰ جَمْ؞ اَللَّه جٛومُ يِدّٜ اٜ جَمْ وٛنْدَ اٜ مٛوطٛنْ؞

2 کٛرِنْتِيَنْکٛعٜنْ 5:9

نغَمْ نٛنْ، کٛ مِنْ نغِطِ وٛنِ مِنْ مبٜلْنَنَمٛ ٻٜرْندٜ، کٛو اٜ مِنْ ندٜرْ ندُعُ ٻَنْدُ کٛو اٜ تٛنْ دٛوْ؞

2 کٛرِنْتِيَنْکٛعٜنْ 6:1

مِنٛنْ، مِنْ کُودٛوٻٜ اٜ اَللَّه؞ نغَمْ مَاجُمْ اٜ مِنْ تٛرٛوعٛنْ تٛع اٛنْ اَلُ شَاحُ اَللَّه طُمْ کٜٻُطٛنْ وَرْتَ مٜىٰرٜ؞

غَلَاتِيَنْکٛعٜنْ 6:1

اٛنٛنْ بَنْدِرَاٻٜ اَمْ، تٛ اٛنْ نغِعِي غٛطّٛ اٜ وَطَ حَکّٜ، اٛنٛنْ کٜىٰوُٻٜ رُوحُ اَللَّه سٜيْ شٛعّٛنْمٛ دٛوْ لَاوٛلْ ندٜرْ حَکِّيلٛ؞ اَمَّا ڤَامَنٜىٰ کٛعٜ مٛوطٛنْ، تٛع اٛنٛنْ مَا نغَطٛنْ حَکّٜ؞

اَافِسَنْکٛعٜنْ 4:1

نغَمْ نٛنْ، اٜ مِ تٛرٛوعٛنْ، مِنْ شُرَاطٛ نغَمْ حُوَنْکِ جٛومِرَاوٛ مٜىٰطٜنْ، نغَطٜىٰ جٛنْدٜ ڤٛتُّدُندٜ اٜ کٛ اَللَّه نٛدِّرِعٛنْ؞

اَافِسَنْکٛعٜنْ 4:20

نَاع اِرِ طُمْ طٛنْ نغِکُّ اٜکِّتِيطٛنْ ندٜ اَنْدُطٛنْ اَلْمَسِيحُ!‏

اَافِسَنْکٛعٜنْ 5:17

نغَمْ مَاجُمْ، تٛع اٛنْ نغَرْتُ حَاݝَاٻٜ، اَمَّا طَٻِّتٜىٰ اَنْدٛنْ کٛ جٛومِرَاوٛ يِطِ نغَطٛنْ؞

فِلِبِيَنْکٛعٜنْ 1:27

کٛ ٻُرِ وٛنِ نغَطٜىٰ جٛنْدٜ ڤٛتُّدُندٜ اٜ حَبَرُ بٜلْطُمْ دٛوْ اَلْمَسِيحُ، نغَمْ کٛو مِ وَرِي مِ يِعِعٛنْ، کٛو مِ وَلَا طٛنْ، مِ نَنَ حَبَرُ اٛنْ طٛنْ ندَرِي بٛطُّمْ ندٜرْ ݧُمٛ غٛعٛ، کٛ نغِطّٛنْ غٛعٛ؞ اٛنْ ڤِيدَ نغَمْ سُرَنْکِ کٛ حَبَرُ بٜلْطُمْ وِعِ،

فِلِبِيَنْکٛعٜنْ 1:9

دٛعَارٜ اَمْ وٛنِ يِدّٜ مٛوطٛنْ وَطَ کَ ٻٜيْدَاکِ حَوْتِ اٜ اَنْدَلْ اٜ فُو فٜىٰرٛوتِرْکِ حَکُّندٜ غٛونغَ اٜ فٜوْرٜ،

فِلِبِيَنْکٛعٜنْ 3:14

اٜ مِ ݧَمْرَ يٜىٰسٛ نغَمْ مِ حٜٻَ جَالٛرْغَلْ مِ حٛکّٜىٰ دٛکَّلْ، وَاتٛ نٛدّٛلْ يَاکِ دٛوْ نغٛلْ اَللَّه نٛدِّيَمْ بَرْکَ يٜىٰسُ اَلْمَسِيحُ؞

کٛلٛوسِيَنْکٛعٜنْ 1:10

اٜ مِنْ نغَطَنَعٛنْ ندٜعٜ دٛعَارٜ نغَمْ مبَاوٛنْ نغَطٛنْ جٛنْدٜ حَانُندٜ تٛکُّٻٜ جٛومِرَاوٛ نغَطَ، ندٜنْ نغَرْتٛنْ بٜلْنَنٛوٻٜمٛ ٻٜرْندٜ کٛو ندٜيٜ، جٛنْدٜ مٛوطٛنْ وُرْتِنَ کٛو اِرِ طٜيٜ کُوطٜ بٛطّٜ، ندٜنْ ٻٜيْدٛنْ اَنْدُکِ اَللَّه؞

کٛلٛوسِيَنْکٛعٜنْ 2:6

ندٜ اٛنْ نجَٻِي يٜىٰسُ اَلْمَسِيحُ اٛ جٛومِرَاوٛ، نغَطٜىٰ کَ سُمْڤٛوتِرْکِ اٜ مَاکٛ؞

1 تَسَلٛونِکَنْکٛعٜنْ 3:12

جٛومِرَاوٛ ٻٜيْدَ يِدّٜ ندٜ نغِطِندِرْطٛنْ نَاع سٜطَّ اٜ يِدّٜ ندٜ نغِطّٛنْ وٛٻّٜ مَا، نٛنْ نٛ يِدّٜ اَمِنْ ٻٜيْدٛرِي دٛوْ مٛوطٛنْ؞

1 تَسَلٛونِکَنْکٛعٜنْ 4:2

نغَمْ اٛنْ اَنْدِ مِنْ مبِعِيعٛنْ کٛ يٜىٰسُ جٛومِرَاوٛ وِعِ نغَطٛنْ؞

1 تَسَلٛونِکَنْکٛعٜنْ 5:12

اَمَّا اٜ مِ تٛرٛوعٛنْ بَنْدِرَاٻٜ، کٛکّٜىٰ کُوٛوٻٜ ندٜرْ مٛوطٛنْ مَنْغُ، وَاتٛ اَرْدِيٻٜعٛنْ ندٜرْ کُوغَلْ جٛومِرَاوٛ وَغِّنٛوٻٜعٛنْ؞

2 تَسَلٛونِکَنْکٛعٜنْ 1:3

بَنْدِرَاٻٜ اَمِنْ، اٜ حَانِ مِنْ نغَطَ کَ يٜتُّکِ اَللَّه کٛو ندٜيٜ نغَمْ مٛوطٛنْ، نغَمْ حٛولَارٜ مٛوطٛنْ اٜ ٻٜيْدٛو نَاع سٜطَّ، ندٜنْ يِدّٜ ندٜ نغِطِنْدِرٛنْ اٜ ٻٜيْدٛو؞

2 تَسَلٛونِکَنْکٛعٜنْ 2:1

دٛوْ غَرْتٛلْ جٛومِرَاوٛ مٜىٰطٜنْ يٜىٰسُ اَلْمَسِيحُ اٜ حَوْرُتُکِ مٜىٰطٜنْ اٜ مَاکٛ، اٜ مِنْ تٛرٛوعٛنْ بَنْدِرَاٻٜ،

2 تَسَلٛونِکَنْکٛعٜنْ 3:1

بَنْدِرَاٻٜ اَمِنْ، کٛ سَکِتِي وٛنِ نغَطَنٜىٰمِنْ دٛعَارٜ نغَمْ حَبَرُ جٛومِرَاوٛ سَنْکِتٛو جَوْطُمْ طُمْ مَوْنِنٜىٰ نٛنْ نٛ مَوْنِنِرْطٛنْطُمْ؞

2 تَسَلٛونِکَنْکٛعٜنْ 3:13

اٛنٛنْ بٛو بَنْدِرَاٻٜ اَمِنْ، تٛع اٛنْ شٛمُ وَطُکِ کٛ حَانِ؞

1 تِمٛوتِ 5:21

يٜىٰسٛ اَللَّه اٜ يٜىٰسُ اَلْمَسِيحُ اٜ مَلَاعِکَعٜنْ شٜنِيٻٜ، اٜ مِ وَغِّنْمَا تَاع وَطُ يِدّٜ حٛورٜ ندٜرْ وَطُکِ کٛ مبِيمَامِ؞

2 تِمٛوتِ 4:1

اٜ مِ وَغِّنْمَا يٜىٰسٛ اَللَّه اٜ يٜىٰسُ اَلْمَسِيحُ غَطَنٛووٛ ٻٜ يٛنْکِ اٜ مَيْٻٜ کِيتَ؞ نغَمْ سٛعّٛيَاکِ مَاکٛ دُونِيَارُ اٜ لَامُ مَاکٛ، اٜ مِ وِعُمَا،

اِبْرَانِيَنْکٛعٜنْ 11:6

تٛ نَاع نٜطّٛ حٛولِي اَللَّه وَاوَتَا وٜلْنَنْکِمٛ ٻٜرْندٜ، نغَمْ کٛو مٛيٜ غَرَيْطٛ تٛ اَللَّه دٛولٜ جَٻَ اَللَّه اٜ طٛنْ، ندٜنْ اٜ مٛ وَاتَنَ طَٻِّتٛوٻٜمٛ؞

اِبْرَانِيَنْکٛعٜنْ 13:16

تٛع اٛنْ نغٜجُّتُ وَطُکِ کٛ وٛوطِ اٜ سٜنْدُدُکِ کٛ نغٛودُطٛنْ اٜ وٛٻّٜ، نغَمْ طُعُمْ کَنْجُمْ وٛنِ شَکِّرِ بٜلْنَنٛورِ اَللَّه ٻٜرْندٜ؞

اِبْرَانِيَنْکٛعٜنْ 13:22

اٜ مِ تٛرٛوعٛنْ بَنْدِرَاٻٜ، نجَٻٜىٰ وَغِّنٛورٜ ندٜعٜ، نغَمْ طٜرٜوٛلْ نغٛعٛلْ نغٛلْ مبِنْدَنْمِعٛنْ نغٛلْ جُوتَا؞

2 بِيتُرُسْ 3:18

اَمَّا ٻٜيْدٜىٰ يِدّٜ اٜ يُرْمٜىٰندٜ اٜ اَنْدُکِ جٛومِرَاوٛ مٜىٰطٜنْ کِسْنٛووٛ مٜىٰطٜنْ يٜىٰسُ اَلْمَسِيحُ؞ تٜدُّنغَلْ تَبِّتَ تٛ مَاکٛ جٛونِ اٜ حَا اَبَدَا!‏ اَامِنْ؞

1 يَحَيَ 3:22

اٜنْ کٜٻَ کٛو طُمٜ کٛ تٛرِيطٜنْمٛ نغَمْ اٜنْ تٛکِّي کٛ اٛ وِعِ نغَطٜنْ، اٜنْ نغَطَ کٛ وٜلْنَنْتَمٛ ٻٜرْندٜ؞