4 نغَمْ شَرٜلْ کٛ مِنْ نغٛنْدُنٛو اٜ مٛوطٛنْ، مِنْ نغَطِي کَ وِيکِعٛنْ دَغَ اِلَا اٜنْ نجَرَيْ تٛرَّ؞ طُمْ بٛو وَطِي نٛنْ، نٛ اَنْدُطٛنْ؞
رَطُّمْ، مِ وِعِيعٛنْ کٛو طُمٜ کٛ شَرٜلْ نغٜلْ وَرَ؞
ندٜ بُلُسْ اٜ سِيلَ تٛکِّ لَاوٛلْ تٛکُّنغٛلْ ندٜرْ غَرِيجٜ اَمْڤِبٛلِسْ اٜ اَفٛلٛونِيَ، سٜيْ ٻٜ نغَرِ تَسَلٛونِکَ؞ غَرِيرِ ندِنْ اٜ وٛودِ سُودُ دٛعَارٜ يَحُودَنْکٛعٜنْ؞
ندٜ يَحُودَنْکٛعٜنْ تَسَلٛونِکَ نَنِ بُلُسْ وَعَجِنِي وٛلْدٜ اَللَّه ندٜرْ غَرِيرِ بِيرِيَ، ٻٜ نجَحِ تٛنْ مَا، ٻٜ اُمِّنِ حَکِّيلٛ يِمْٻٜ؞
اَمَّا مِ حٛشَّايِ يٛنْکِ اَمْ بٛنٛ غٛطُّمْ غٜىٰتُمْ، تٛ نِ مِ حٜٻِي مِ حٜىٰݧِي کُوغَلْ نغَلْ يٜىٰسُ جٛومِرَاوٛ حٛکِّيَمْ، وَاتٛ وَعَجِنْکِ حَبَرُ بٜلْطُمْ طُمْ يِدّٜ اَللَّه؞
بَنْدِرَاٻٜ، اٛنْ نغَرْتِي اٜکِّتٛتٛوٻٜ جٛنْدٜ تٛکُّٻٜ اَللَّه وٛنْٻٜ لٜيْدِ يَحُودِيَ ٻٜ يٜىٰسُ اَلْمَسِيحُ؞ اٛنْ نجَرِي تٛرَّ تٛ يِمْٻٜ لٜيْدِ مٛوطٛنْ نٛنْ نٛ کَمْٻٜ مَا ٻٜ نجَرِرِ تٛرَّ تٛ جُوطٜ يَحُودَنْکٛعٜنْ؞
اَمَّا کٛو ندٜ ندٜنّٛ مِنْ نجَرِي تٛرَّ اٜ سٜمْتِنٜىٰکِ اٜ فِلِبِ، نٛنْ نٛ اَنْدُطٛنْ، اٜ بَلَّلْ اَللَّه مٜىٰطٜنْ مِنْ کٛکِّيعٛنْ حَبَرُ بٜلْطُمْ پِوٛيْطُمْ تٛ مَاکٛ کُلٛلْ وَلَا، کٛو ندٜ يِمْٻٜ نغَݧِيمِنْ نَاع سٜطَّ؞
اٛنْ شِفْتٛرَايِ کٛ نغٛنْدُنٛومِ اٜ مٛوطٛنْ مِ وِعِيعٛنْ طُعُمْ؟
نغَمْ کٛو شَرٜلْ کٛ مِنْ نغٛنْدُنٛو اٜ مٛوطٛنْ، رَا کٛ مِنْ مبِعِعٛنْ نغَطٛنْ، «تٛ نٜطّٛ وَݧِي حُوَ، تٛع اٛنْ کٛکُّمٛ ݧَمْندُ؞»