1 ندٜ اَلْمَسِيحُ يَرِي تٛرَّ ندٜرْ ٻَنْدُ، اٛنٛنْ مَا شِرْيٜىٰ ٻٜرْطٜ مٛوطٛنْ نغَمْ يَرْکِ تٛرَّ؞ نغَمْ فُو جَرْطٛ تٛرَّ ندٜرْ ٻَنْدُ، اَلِي وَطُکِ حَکّٜ؞
سٜيْ يٜىٰسُ وِعِ مٛ جُنْغٛ جَرَانغٛ اٛنْ، «وٛرٛيْ طٛعٛ؞»
نٛنْ اٛنٛنْ مَا، دٛولٜ کٛشّٜىٰ کٛعٜ مٛوطٛنْ بٛ مَيْٻٜ ٻٜ بَوْطٜ حَکّٜ لَامَاکِ دٛوْ مَٻّٜ، اَمَّا جٛونِ اٛنْ نغَطَ جٛنْدٜ نغَمْ نغَطٛنْ کٛ اَللَّه يِطِ بَرْکَ سُمْڤٛوتِرْکِ اٜ يٜىٰسُ اَلْمَسِيحُ؞
غٛونغَ نَاع نٛنْ! حَانَا ݧَمْرٜنْ يٜىٰسٛ اٜ وَطُکِ حَکّٜ، نغَمْ اٜنْ نجَادَکٜ اٜنْ نغَرْتِي بٛ مَيْٻٜ تٛ حَکّٜ؞ نٛ وَطَتَ کَدِنْ اٜنْ ݧَمْرَ يٜىٰسٛ اٜ جٛنْدٜ ندٜرْ حَکّٜ؟
نغَمْ فُو مَيْطٛ، حَکّٜ وَلَا بَوْطٜ دٛوْ مَاکٛ؞
مِنْ بٛ مِ وَرْدَامَ اٜ اَلْمَسِيحُ دٛوْ غَافَانغَلْ؞ جٛونِ جٛنْدٜ ندٜ نغَطَيْمِ نَاع مِنْ اٜ حٛورٜ اَمْ وَطَتَندٜ، اَمَّا طُمْ اَلْمَسِيحُ جٛوطِيطٛ ندٜرْ اَمْ؞ جٛونِ جٛنْدٜ ندٜ نجٛوطِيمِ ندٜرْ ٻَنْدُ، اٜ مِ وَطَندٜ ندٜرْ حٛولَاکِ ٻِطّٛ اَللَّه، غِطّٛيَمْ حٛکِّ يٛنْکِ مُوطُمْ نغَمْ اَمْ؞
يِمْٻٜ ٻٜ يٜىٰسُ اَلْمَسِيحُ جٜيِ، ٻٜ مبَرِي کُوطٜ کَلُّطٜ طٜ ٻَنْدُ اٜ فُو سُونٛوجِ مَيْرُ دٛوْ غَافَانغَلْ، وَاتٛ ٻٜ شٜنْدِرِي اٜ مَاجُمْ؞
نغَمْ نٛنْ، ٻٛرْنٜىٰ فُو کٛلْتٜ کٛنُ طٜ اَللَّه، نغَمْ تٛ ݧَلْندٜ کَلُّندٜ وَرِي، مبَاوٛنْ دَرَاکِ نغَݧٛنْ پٛيْرٜ شٜيْطَنْ؞ غَطَ اٛنْ نجٛتِّنِي کٛو طُمٜ، طُمْ تَوَ اٛنْ ندَرِي؞
نغِکُّ مٛوطٛنْ وَرْتَ اِرِ طُمْ يٜىٰسُ اَلْمَسِيحُ؞
ݧُمٜىٰ دٛوْ نٛ اٛ مُݧِرِ ندٜ غَطٛوٻٜ حَکّٜ نغَݧِمٛ؞ نٛنْ وَلَّيْعٛنْ تٛع نغٜوْرٛنْ اِتّٛنْ کَمُّندٜ؞
نغَمْ کٛو مٛيٜ نَتُّطٛ سِوْتَارٜ ندٜ اَللَّه وَطِ اَلْکَوَلْ، اٛ سِوْتٛتٛ دَغَ کُوطٜ مَاکٛ، نٛنْ نٛ اَللَّه سِوْتٛرِي دَغَ کُوطٜ مُوطُمْ؞
دٛوْ اِرِ کَنْ طٛنْ تٛرَّ اَللَّه نٛدِّعٛنْ، نغَمْ اَلْمَسِيحُ مَا يَرِي تٛرَّ نغَمْ مٛوطٛنْ؞ اٛ اَلَنِيعٛنْ کٛ تٛکّٛتٛنْ نغَمْ نجٛوطٛرٛوطٛنْ نٛ اٛ جٛوطٛرِي؞
نغَمْ اَلْمَسِيحُ مَايِي ندٜ غٛعٛ نغَمْ اِتُّکِ حَکّٜىٰجِ مٜىٰطٜنْ؞ کَنْکٛ اٛ غٛودُطٛ اَادِلَاکُ، اَمَّا اٛ مَايِي نغَمْ ٻٜ نغَلَا اَادِلَاکُ نغَمْ اٛ يَارَعٜنْ تٛ اَللَّه؞ طُمْ وَرِيمٛ، اَمَّا رُوحُ اَللَّه حٛکِّيمٛ يٛنْکِ؞