1 بِيتُرُسْ 2:5 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁵ اٛنٛنْ بٛو، بٛ کَاپٜ غٛودُطٜ يٛنْکِ، اَلٜىٰ طُمْ حُوتِرَعٛنْ طُمْ مَحَ وُرٛ شٜنِينغٛ نغَمْ رُوحُ اَللَّه؞ اٛنٛنْ نغٛنِ کَوْتَلْ اَرْدِيٻٜ دِينَ، اٛنْ کٛکَّ اَللَّه شَکِّرِ ندِ رُوحُ مَاکٛ وَلَّتَعٛنْ کٛکّٛنْ؞ اٜ مٛ جَٻَندِ لَاوٛلْ يٜىٰسُ اَلْمَسِيحُ؞

1 بِيتُرُسْ 2:5 Iomraidhean Croise

رٛومَنْکٛعٜنْ 12:1

نغَمْ مَاجُمْ بَنْدِرَاٻٜ اَمْ، نغَمْ يُرْمٜىٰندٜ مَوْندٜ ندٜ اَللَّه حٛلِّعٜنْ، اٜ مِ تٛرٛوعٛنْ، کٛکّٜىٰ اَللَّه کٛعٜ مٛوطٛنْ بٛ شَکِّرِ شِرْيَاندِ نغَمْ کُوغَلْ مَاکٛ، مبٜلْنَنَيْندِمٛ ٻٜرْندٜ؞ نٛنْ وٛنِ نٛ حَانِ مَوْنِنِرٛنْ اَللَّه؞

رٛومَنْکٛعٜنْ 15:16

نغَمْ مِ وَرْتَ کُوَنٛووٛ يٜىٰسُ اَلْمَسِيحُ ندٜرْ يِمْٻٜ نَاع يَحُودَنْکٛعٜنْ؞ اٜ مِ حُوَ کُوغَلْ اَرْدِيطٛ دِينَ ندٜرْ وَعَجِنْکِ حَبَرُ بٜلْطُمْ طُمْ اَللَّه، نغَمْ يِمْٻٜ نَاع يَحُودَنْکٛعٜنْ نغَرْتَ بٛ شَکِّرِ ندِ اَللَّه جَٻِ، ندِ رُوحُ اَللَّه وَرْتِرِ شٜنِيندِ؞

1 کٛرِنْتِيَنْکٛعٜنْ 3:16

اٛنْ اَنْدَا ٻَلِّ مٛوطٛنْ طُمْ وُرٛ تٛ اَللَّه جٛوطٛتٛو، ندٜنْ رُوحُ اَللَّه اٜ جٛوطٛو ندٜرْ ٻٜرْطٜ مٛوطٛنْ؟

1 کٛرِنْتِيَنْکٛعٜنْ 3:9

نغَمْ مِنٛنْ، مِنْ کُودٛوٻٜ اٜ اَللَّه؞ اٛنٛنْ بٛو اٛنْ نغٜسَ مَاکٛ، مَادِ مَاکٛ؞

1 کٛرِنْتِيَنْکٛعٜنْ 6:19

اٛنْ اَنْدَا ٻَلِّ مٛوطٛنْ طُمْ وُرٛ تٛ رُوحُ اَللَّه جٛوطٛتٛو؟ اَللَّه حٛکِّيعٛنْطُمْ طُمْ جٛوطٛو ندٜرْ مٛوطٛنْ؞ نَاع اٛنٛنْ نجٜيِ کٛعٜ مٛوطٛنْ؞

2 کٛرِنْتِيَنْکٛعٜنْ 6:16

ندٜنْ کٛ حَوْتِ وُرٛ شٜنِينغٛ نغٛ اَللَّه اٜ غُنْکِيجِ؟ ٻَلِّ مٜىٰطٜنْ نغٛنِ وُرٛ شٜنِينغٛ نغٛ اَللَّه مٛ يٛنْکِ؞ نغَمْ اٛ وِعِ، ‏«‏مِ جٛوطٛتٛ ندٜرْ مَٻّٜ، مِ يَادَ اٜ مَٻّٜ؞ مِ وَرْتَيْ اَللَّه مَٻّٜ، ٻٜ نغَرْتَيْ يِمْٻٜ اَمْ؞»‏

غَلَاتِيَنْکٛعٜنْ 6:10

نغَمْ مَاجُمْ فُو شَرٜلْ نغٜلْ کٜٻْطٜنْ، اٜنْ نغَطَنْ کٛو مٛيٜ کٛ وٛوطِ، کٛ ٻُرِ مَا وٛنِ ٻٜنْ طٛنْ تٛکُّٻٜ يٜىٰسُ بَنْدِرَاٻٜ مٜىٰطٜنْ؞

فِلِبِيَنْکٛعٜنْ 1:11

نغَمْ نغِکُّ مٛوطٛنْ حٜىٰوَ اَادِلَاکُ کٜٻٜتٜىٰطُمْ تٛ يٜىٰسُ اَلْمَسِيحُ، نغَمْ اَللَّه تٜدِّنٜىٰ، مَنْتٜىٰ؞

فِلِبِيَنْکٛعٜنْ 2:17

کُوطٜ طٜ کُوٛتٛنْ نغَمْ اٛنْ کٛولَکٜ جٛومِرَاوٛ، بٛ شَکِّرِ طٜ نغٛنِ تٛ مَاکٛ؞ کٛو تٛ طُمْ رُفَيْ پِيپَمْ اَمْ دٛوْ شَکِّرِ ندِنْ، مِ نَنَيْ بٜلْطُمْ، مبٜلْمبٜلْتٜنْ اٜنْ فُو؞

فِلِبِيَنْکٛعٜنْ 4:18

مِ حٜٻِي دٛکَّلْ نغَلْ لِلْدٛيْطٛيْيَمْ تٛ جُنْغٛ اَبَافٛرٛدِتُسْ؞ نغَلْ ٻُرِ کٛ نغِطُمِ؞ نغَلْ وَرْتِي بٛ اُرْدٜ وٜلْندٜ ندٜ طُمْ حٛکَّتَ اَللَّه، شَکِّرِ ندِ اٛ جَٻَتَ، مبٜلْنَنَيْندِمٛ ٻٜرْندٜ؞

کٛلٛوسِيَنْکٛعٜنْ 3:17

ندٜرْ کٛو طُمٜ طُمْ نغَطٛتٛنْ، ندٜرْ بٛلِيطٜ مٛوطٛنْ کٛو ندٜرْ کُوطٜ مٛوطٛنْ، نغَطٜىٰطُمْ ندٜرْ اِنْدٜ يٜىٰسُ جٛومِرَاوٛ، اٛنْ نغٜتَّ اَللَّه ݧَاکٛ مٛ دٛوْ لَاوٛلْ مَاکٛ؞

1 تِمٛوتِ 3:15

اَمَّا تٛ مِ وَرِلَوَايِ، طٜرٜوٛلْ نغٛعٛلْ وَلّٜتٜ اَنْدَا نٛ حَانِ نجٛوطٛرٛوطٜنْ ندٜرْ وُرٛ اَللَّه، وَاتٛ کَوْتَلْ تٛکُّٻٜ اَللَّه مٛ يٛنْکِ، دَرْݝَلَلْ جٛغٛتٛونغَلْ غٛونغَ؞

اِبْرَانِيَنْکٛعٜنْ 3:6

اَمَّا اَلْمَسِيحُ اٛ ٻِطّٛ، ڤَامَنٛووٛ يِمْٻٜ اَللَّه اٜ غٛونغَ؞ اٜنْ يِمْٻٜ اَللَّه تٛ اٜنْ نجٛغَکٜ سٜمْبٜ ٻٜرْندٜ اٜ شِيَ کُلٛلْ دٛوْ کٛ کَمِّيطٜنْ؞

1 بِيتُرُسْ 2:9

اَمَّا اٛنٛنْ طُمْ لٜݧٛلْ نغٛلْ اَللَّه سُٻِ، اٛنْ کَوْتَلْ اَرْدِيٻٜ دِينَ کُوَنٛوٻٜ لَامِيطٛ مَوْطٛ، يِمْٻٜ شٜنِيٻٜ، ٻٜ اَللَّه جٜيِ؞ اٛ سُٻُعٛنْ نغَمْ نغَعَجِنٛنْ حَبَرُ کُوطٜ مَاکٛ کَيْطِنِيطٜ؞ اٛ وُرْتِنٛيعٛنْ ندٜرْ ݧِوْرٜ نغَمْ نَتّٛنْ جَيْنغٛلْ مَاکٛ کَيْطِنِينغٛلْ؞

1 بِيتُرُسْ 4:11

فُو غَعَجِنٛووٛ، سٜيْ وَعَجِنَ وٛلْدٜ اَللَّه؞ فُو بَلّٛووٛ سٜيْ وَلِّرَ سٜمْبٜ طُمْ اَللَّه حٛکِّمٛ، نغَمْ ندٜرْ کٛو طُمٜ طُمْ مَوْنِنَ اَللَّه بَرْکَ يٜىٰسُ اَلْمَسِيحُ؞ مَنْغُ اٜ لَامُ تَبِّتَ تٛ مَاکٛ حَا اَبَدَا اَبَدِنْ؞ اَامِنْ؞

1 بِيتُرُسْ 4:17

نغَمْ شَرٜلْ وَطِي نغٜلْ طُمْ وَطَنْتَ يِمْٻٜ کِيتَ؞ ٻٜ طُمْ فُطَّنْتَ وَطَنْکِ کِيتَ بٛو وٛنِ يِمْٻٜ اَللَّه؞ تٛ دٛوْ مٜىٰطٜنْ اٜنٜنْ يِمْٻٜ اَللَّه طُمْ فُطِّرْتَ کِيتَ، تٛو، نٛ طُمْ وَرْتَنْتَ غَݧُٻٜ تٛکَّ حَبَرُ بٜلْطُمْ طُمْ اَللَّه؟

وَحَيُ يَحَيَ 1:6

اٛ وَرْتِرِيعٜنْ يِمْٻٜ مَاکٛ اَرْدِيٻٜ دِينَ کُوَنٛوٻٜ اَللَّه ݧَاکٛ مَاکٛ؞ مَنْغُ اٜ لَامُ تَبِّتَ تٛ يٜىٰسُ اَلْمَسِيحُ حَا اَبَدَا اَبَدِنْ؞ اَامِنْ؞

وَحَيُ يَحَيَ 20:6

ٻٜ بَرْکِطِنَاٻٜ ٻٜ شٜنِيٻٜ يِمْٻٜ غٛودُٻٜ غٜطَلْ ندٜرْ کِنْ طٛنْ اُمَّاکِ اَرَنْدٜحِ؞ مَيْدٜ طِطَوْرٜ مٜىٰمَتَاٻٜ، وَاتٛ ٻٜ نَتَّتَا وُرٛ حِيتٜ، ٻٜ نغَرْتَيْ کُوَنٛوٻٜ اَللَّه اٜ اَلْمَسِيحُ، ٻٜ لَامٛدٛتٛ اٜ مَاکٛ حَا دُوٻِ 1,000؞

وَحَيُ يَحَيَ 3:12

فُو کٜٻُطٛ جَالٛرْغَلْ مِ وَرْتِرَيْمٛ دَرْݝَلَلْ ندٜرْ وُرٛ شٜنِينغٛ نغٛ اَللَّه اَمْ، اٛ فُطِّتَتَا اٛ وُرْتٛو وُرٛ نغٛنْ؞ مِ وِنْدَيْ اِنْدٜ اَللَّه اَمْ دٛوْ مَاکٛ اٜ اِنْدٜ غَرِيرِ اَللَّه اَمْ، وَاتٛ اُرُشَلِيمَ کٜيْرِ جِڤّٛيْتٛوندِ دَغَ تٛ اَللَّه اَمْ تٛنْ دٛوْ؞ طٛنْمَا مِ وِنْدَيْ اِنْدٜ اَمْ حٜيْرٜ دٛوْ مَاکٛ؞

وَحَيُ يَحَيَ 5:10

اَ وَرْتِرِيٻٜ يِمْٻٜ مَاطَ اَرْدِيٻٜ دِينَ نغَمْ ٻٜ کُوَنَ اَللَّه مٜىٰطٜنْ، ٻٜ لَامٛتٛ اٜ دُونِيَارُ؞»‏