1 يَحَيَ 1:3 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

³ اٜ مِنْ نغَعَجِنَنَعٛنْ کٛ مِنْ نَنِ اٜ کٛ مِنْ نغِعِ نغَمْ کَوْتٜنْ سُمْڤٛ؞ سُمْڤٛ مٜىٰطٜنْ وٛنِ سُمْڤٛوتِرْکِ اٜ ݧَاکٛ مٜىٰطٜنْ مٛ دٛوْ اٜ ٻِطّٛ مَاکٛ يٜىٰسُ اَلْمَسِيحُ؞

1 يَحَيَ 1:3 Iomraidhean Croise

يَحَيَ 17:11

جٛونِ نَاع کٛ نٜىٰٻِ مِ اَلَيْ دُونِيَارُ مِ وَرٛيَ تٛ مَاطَ، اَمَّا کَمْٻٜ اٜ ٻٜ ندٜرْ دُونِيَارُ؞ ݧَاکٛ اَمْ شٜنِيطٛ، سُرِرْٻٜ بَوْطٜ اِنْدٜ مَاطَ، اِنْدٜ ندٜ کٛکُّطَايَمْ، نغَمْ ٻٜ نغَرْتَ غٛعٛ نٛنْ نٛ اَنْ اٜ مِنْ اٜنْ غٛعٛ؞

يَحَيَ 17:21

اٜ مِ وَطَ دٛعَارٜ ٻٜ فُو مَٻّٜ ٻٜ نغَرْتَ غٛعٛ؞ ݧَاکٛ اَمْ اٜ مِ تٛرٛمَا، ٻٜ کٜٻَ ٻٜ شُمْڤٛوتِرَ اٜ مٜىٰطٜنْ نٛنْ نٛ شُمڤٛوتِرْتٜنْ، نغَمْ دُونِيَارُ جَٻَ اَنْ لِلٛيِيَمْ؞

يَحَيَ 17:25

يَا ݧَاکٛ اَمْ اَادِلِيجٛ، يِمْٻٜ دُونِيَارُ اَنْدَامَ، اَمَّا مِنْ اٜ مِ اَنْدُمَا، ندٜنْ اٜ ٻٜ اَنْدِ اَنْ لِلٛيِيَمْ؞

يَحَيَ 17:3

يٛنْکِ کِ رٜعَتَا وٛنِ ٻٜ اَنْدُمَا، اَنْ تَنْ وٛنِ اَللَّه غٛونغَاجٛ، ندٜنْ ٻٜ اَنْدَ يٜىٰسُ اَلْمَسِيحُ مٛ لِلٛيْطَا؞

يَحَيَ 19:35

غِيطٛ طُعُمْ شَرٜلْ کٛ طُمْ وَطِ، کَنْکٛ حٛکِّي شٜيْدَ دٛوْ مَاجُمْ، نغَمْ اٛنٛنْ مَا کٛولٛوطٛنْ؞ شٜيْدَ مَاکٛ بٛو طُمْ غٛونغَ، اٜ مٛ اَنْدِ غٛونغَ اٛ مٜتِ؞

کُوطٜ لِلَاٻٜ 13:32

مِنْ نغَدَّنِيعٛنْ حَبَرُ بٜلْطُمْ طُمْ اَللَّه وَطَنّٛو مَامَعٜنْ مٜىٰطٜنْ اَلْکَوَلْ؞

کُوطٜ لِلَاٻٜ 13:41

‏‹‏رَطُّمْ، اٛنٛنْ يَوَنْٻٜ کُوطٜ جٛومِرَاوٛ، اٛنْ کَيْطِنَيْ، اٛنْ کَلْکَيْ!‏ نغَمْ مِ وَطَيْ غٛطُّمْ ندٜرْ جَامَنُ مٛوطٛنْ، طُمْ اٛنْ نجَٻَتَا کٛو دَا غٛطّٛ فَمْتِنِيعٛنْطُمْ!‏›‏ »‏

کُوطٜ لِلَاٻٜ 2:42

ٻٜ نغَطِ کَ تٛکُّکِ اٜکِّتِنٛلْ لِلَاٻٜ، اٜ ٻٜ شُمْڤٛوتِرَ، اٜ ٻٜ ݧَمْدَ، اٜ ٻٜ نغَادَ دٛعَارٜ؞

کُوطٜ لِلَاٻٜ 20:27

نغَمْ مِ وَعَجِنَنِيعٛنْ کٛ اَللَّه يِطِ فُو، مِ سُوطَايِعٛنْ کٛو طُمٜ؞

کُوطٜ لِلَاٻٜ 4:20

مِنٛنْ کَمْ، مِنْ مبَاوَتَا مِنْ اَلَ مٜتُکِ دٛوْ کٛ مِنْ نغِعِ اٜ غِتٜ اَمِنْ اٜ کٛ مِنْ نَنِ اٜ نٛڤِّ اَمِنْ؞»‏

رٛومَنْکٛعٜنْ 15:27

ٻٜ نَنِي بٜلْطُمْ وَطُکِ نٛنْ؞ غٛونغَ تٛ مَٻّٜ طُمْ وَرْتِي بٛ يٛٻُکِ ݧَمَاندٜ؞ نغَمْ تٛ يِمْٻٜ نَاع يَحُودَنْکٛعٜنْ کٜٻِي غٜطَلْ ندٜرْ فِي بٛطُّمْ طُمْ اَللَّه وَطَنِ يَحُودَنْکٛعٜنْ اَلْکَوَلْ، ندٜنْ اٜ حَانِ ٻٜ مبَلِّرَٻٜ جَوْدِ مَٻّٜ؞

1 کٛرِنْتِيَنْکٛعٜنْ 1:30

اٛ وَرْتِرِيعٛنْ ٻٜ يٜىٰسُ اَلْمَسِيحُ؞ اَللَّه وَرْتِرِيمٛ فَامُ مٜىٰطٜنْ؞ لَاوٛلْ مَاکٛ طُمْ وَرْتِرِعٜنْ اَادِلِعٜنْ، شٜنِيٻٜ، رِمْطِنَاٻٜ؞

1 کٛرِنْتِيَنْکٛعٜنْ 1:9

اَللَّه اٛ غَطٛووٛ کٛ اٛ وِعِ؞ کَنْکٛ نٛدِّعٛنْ نغَمْ شُمْڤٛوتِرٛنْ اٜ ٻِطّٛ مَاکٛ يٜىٰسُ اَلْمَسِيحُ جٛومِرَاوٛ مٜىٰطٜنْ؞

1 کٛرِنْتِيَنْکٛعٜنْ 15:1

جٛونِ بَنْدِرَاٻٜ اَمْ، اٜ مِ يِطِ مِ سِفْتٛرَنَعٛنْ حَبَرُ بٜلْطُمْ طُمْ نغَعَجِنَنْمِعٛنْ، طُمْ نجَٻُطٛنْ، طُمْ تٛکّٛتٛنْ بٛطُّمْ؞

اَافِسَنْکٛعٜنْ 3:6

سِرُّ طُمْ وٛنِ بَرْکَ حَبَرُ بٜلْطُمْ دٛوْ يٜىٰسُ اَلْمَسِيحُ يِمْٻٜ نَاع يَحُودَنْکٛعٜنْ کٜٻَيْ کٛو طُمٜ کٛ اَللَّه حٛکَّتَ يَحُودَنْکٛعٜنْ؞ ٻٜ نغَرْتِي بٛ ٻَنْدُ غٛعٛ اٜ يَحُودَنْکٛعٜنْ؞ حَوْتِ اٜ يَحُودَنْکٛعٜنْ ٻٜ کٜٻَيْ کٛ اَللَّه وَطِ اَلْکَوَلْ بَرْکَ يٜىٰسُ اَلْمَسِيحُ؞

فِلِبِيَنْکٛعٜنْ 1:7

طُمْ وٛوطَنِييَمْ مِ ݧُمِرَ نِحِ دٛوْ مٛوطٛنْ اٛنْ فُو، نغَمْ اٛنْ ندٜرْ ٻٜرْندٜ اَمْ؞ کٛو ندٜرْ سُرُکِ کِ طُمْ سُرِيَمْ، کٛو ندٜرْ سُرَنْکِ مَنْغُ حَبَرُ بٜلْطُمْ اٜ تَبِّتِنْکِطُمْ، اٛنْ فُو اٛنْ کٜٻِي بَرْکَ اَللَّه حَوْتِ اٜ اَمْ؞

فِلِبِيَنْکٛعٜنْ 2:1

ندٜ سُمْڤٛوتِرْکِ اٜ اَلْمَسِيحُ اٜ سٜمْبِطِنَعٛنْ، ندٜ يِدّٜ مَاکٛ اٜ وَلْتِنَ ٻٜرْطٜ مٛوطٛنْ، ندٜ اٛنْ شُمْڤٛوتِرَ اٜ رُوحُ اَللَّه، ندٜ اٛنْ نغٛودِ يِدّٜ اٜ يُرْمٜىٰندٜ،

فِلِبِيَنْکٛعٜنْ 3:10

کٛ نغِطُمِ وٛنِ، مِ اَنْدَ اَلْمَسِيحُ اٜ بَوْطٜ اُمَّاکِ مَاکٛ دَغَ مَيْدٜ؞ اٜ مِ يِطِ مِ يَرَ اِرِ تٛرَّ کَ اٛ يَرِ، مِ مَايِرَ نٛ اٛ مَايِرِ،

کٛلٛوسِيَنْکٛعٜنْ 1:13

اٛ حِسْنِيعٜنْ دَغَ بَوْطٜ ݧِوْرٜ طٜ شٜيْطَنْ، اٛ نَتِّنِيعٜنْ ندٜرْ لَامُ ٻِطّٛ مَاکٛ مٛ اٛ يِطِ؞

1 تَسَلٛونِکَنْکٛعٜنْ 1:10

ندٜنْ کٜطٛوطٛنْ وَرْتٛيْکِ ٻِطّٛ مَاکٛ دَغَ دٛوْ، مٛ اٛ اُمِّنِ دَغَ مَيْدٜ، وَاتٛ يٜىٰسُ کِسْنَيْطٛعٜنْ دَغَ مٛنّٜرٜ اَللَّه غَرَيْندٜ؞

1 تِمٛوتِ 6:2

تٛ مَشُّٻٜ ٻٜنْ اٜ نغٛودِ جٜيْٻٜٻٜ تٛکُّٻٜ يٜىٰسُ، تٛع ٻٜ نجَوَنَٻٜ نغَمْ کَمْٻٜ مَا ٻٜ تٛکُّٻٜ يٜىٰسُ؞ اَمَّا ٻٜ کُوَنَٻٜ کٛ ٻُرِ وٛوطُکِ، نغَمْ ݧَامٛوٻٜ بٛتٜ کُوطٜ مَٻّٜ ٻٜ تٛکُّٻٜ يٜىٰسُ، غِطَاٻٜ؞ دٛولٜ اٜکِّتِنَا طُعُمْ فُو نغَعَجِنَاطُمْ؞

اِبْرَانِيَنْکٛعٜنْ 2:12

اٛ وِعِي اَللَّه، ‏«‏مِ وِعَيْ مِݧِرَاٻٜ اَمْ کُوطٜ طٜ نغَطَّا، مِ مَنْتٜتٜ ندٜرْ کَوْتَلْ مَٻّٜ؞»‏

اِبْرَانِيَنْکٛعٜنْ 3:1

نغَمْ نٛنْ، بَنْدِرَاٻٜ اَمْ تٛکُّٻٜ يٜىٰسُ ٻٜ اَللَّه نٛدِّ، ݧُمٜىٰ دٛوْ يٜىٰسُ، لِلَاطٛ، مَوْطٛ مَوْٻٜ اَرْدِيٻٜ دِينَ مٛ مبِعٜتٜنْ يِمْٻٜ اٜنْ تٛکَّ؞

اِبْرَانِيَنْکٛعٜنْ 3:14

تٛ اٜنْ نجٛغَکٜ حٛولَاکِ کِ نغٛودُنٛوطٜنْ دَغَ اَرَنْدٜ بٛطُّمْ حَا کٜىٰرٛلْ بَلْطٜ مٜىٰطٜنْ، اٜنْ نغَرْتِ غٛنْدُٻٜ اٜ اَلْمَسِيحُ؞

1 بِيتُرُسْ 5:1

اٜ مِ تٛرٛو مَوْٻٜ کَوْتَلْ تٛکُّٻٜ يٜىٰسُ غٛنْٻٜ ندٜرْ مٛوطٛنْ؞ مِنْ مَا مِ مَوْطٛ ندٜرْ تٛکُّٻٜ يٜىٰسُ، بَنْدِرَاوٛ مٛوطٛنْ، شٜيْدِيطٛ تٛرَّ کَ اَلْمَسِيحُ يَرِ، کٜٻَيْطٛ غٜطَلْ مُوطُمْ ندٜرْ مَنْغُ مَاکٛ تٛ اٛ وَرْتٛيِي؞ اٜ مِ تٛرٛوعٛنْ،

2 بِيتُرُسْ 1:16

نغَمْ شَرٜلْ کٛ مِنْ کٛکِّعٛنْ حَبَرُ بَوْطٜ يٜىٰسُ اَلْمَسِيحُ جٛومِرَاوٛ مٜىٰطٜنْ اٜ غَرٛلْ مَاکٛ، نَاع حَبَرُوجِ طِ طُمْ سِرْيِي اٜ پٛيْرٜ مِنْ تٛکِّ؞ اَمَّا مِنْ نغِعِي مَنْغُ مَاکٛ اٜ غِتٜ اَمِنْ؞

1 يَحَيَ 1:1

اٜ مِنْ مبِنْدَنَعٛنْ حَبَرُ غٛطّٛ بِعٜتٜىٰطٛ وٛلْدٜ کٛکَّيْندٜ يٛنْکِ؞ کٛ دُونِيَارُ تَغٜىٰ اٜ مٛ طٛنْ؞ مِنْ نَنِيمٛ، مِنْ نغِعِيمٛ اٜ غِتٜ اَمِنْ؞ مِنْ ندَارِيمٛ، مِنْ مٜىٰمِيمٛ اٜ جُوطٜ اَمِنْ؞

1 يَحَيَ 1:5

طُعُمْ حَبَرُ وٛنِ طُمْ مِنْ نَنِ تٛ يٜىٰسُ اَلْمَسِيحُ مِنْ نغَعَجِنَنِعٛنْطُمْ وِيکِ، اَللَّه اٛ جَيْنغٛلْ، ݧِوْرٜ وَلَا تٛ مَاکٛ کٛو سٜطَّ؞

1 يَحَيَ 1:7

اَمَّا تٛ اٜنْ نجٛوطَکٜ ندٜرْ جَيْنغٛلْ نٛنْ نٛ اَللَّه جٛوطٛرِي ندٜرْ جَيْنغٛلْ، اٜنْ شُمْڤٛوتِرَ حَکُّندٜ مٜىٰطٜنْ وٛنْ طٛنْ؞ طٛنْمَا پِيپَمْ يٜىٰسُ ٻِطّٛ مَاکٛ اٜ لٛوتَنَعٜنْ حَکّٜىٰجِ فُو؞