Fileman 1:6 - Nawa Haup

⁶ Jeise tum aapan biswaas duusar log meñ baaṭta hei, ham preya karta hei ki jon aasheesh Maseeh hamme dees hei, uske ulog jaan le.

Fileman 1:6 Iomraidhean Croise

Methiu 25:16

Jiske paañch hajaar mila raha, u jurte jaay ke biznes meñ lagaay dees aur paañch hajaar aur kamaais.

Methiu 5:16

Aapan batti admi log ke saamne chamkan deo, ki jisse sab koi tumhaar achchha kaam dekh le aur tum aapan Pita jon swarag meñ hei uske naam ke baṛaai karo.

1 Kurinth 14:25

Ulog bataai ki ulog ke dil meñ kaa chhupaan hei. Tab ulog ghuṭna ṭek ke Parmeshwar se boli, “Ham janta hei ki tum ilog ke sañghe hei.”

1 Kurinth 16:9

kaahe ke i achchha mauka hei ki huañ ham kuchh kaam kar lei. Lekin huañ pe kaafi log hei jon hamaar khilaaf hei.

Filippi 4:8

Aakhri meñ dosto, aapan dimaag wahi pe rakkho jon baat sachha, safa, pawitr, frenḍli aur sahi (ṭheek) hei. Kabhi bhi i soche ke band nai karo ki kon kaam kare laayk hei aur baṛaai kare ke laayk hei.

Kolosia 1:9

Pahila din jab se hamlog tumhaar baare meñ suna hei, hamlog baraabar preya karta hei. Weise to ham hardam preya karta hei ki Parmeshwar tumme u sab cheej dekhaai jon u maañge hei ki tum karo ki jisse tumme sab buddhi aur samajh mil jaai jon Aatma de hei.

Kolosia 3:10

Ab tum log meñ se ek ek nawa jan hei. Tum jaada se jaada aapan banaay waala ke rakam hoy laga hei, aur tum uske aur achchha se samjhe sakta hei.

Ṭaayṭas 3:14

Ham log ke seekhe ke chaahi ki keise ulog aapan ṭaaim achchha aur kaabil kaam kare meñ bitaay.

Heebru 6:10

Parmeshwar hardam nyaay kare hei. U yaad kari keise tum uske log ke madat karte aaya hei aur abhi bhi karta hei. Tum log Parmeshwar ke hei, aur u nai bhulaai ki keise tum log aapan prem uske log ke dekhaaya hei.

Jeims 2:14

Hamaar dost log, agar koi bole ki ham biswaas karta hei, lekin achchha kaam nai kare, to isse koi faayda nai. Kaa i rakam ke biswaas tumme bachaay sake hei?

Jeims 2:17

U biswaas jon ham se achchha kaam nai karwaay sake hei, u akela aur mara hei!

1 Peeṭa 2:12

Hardam dusra ke i dekhe deo ki tumhaar achchha chaal chalan hei, chaahe u log tumme abhi bhi kharaab kaam kare ke khaatir badnaam kare hei. Tab nyaay ke roj, ulog tumhaar achchha kaam ke baare meñ bataay ke, Parmeshwar ke mahima kari.

1 Peeṭa 3:1

Agar tum patni hei, tab tum aapan pati ke aage rakkho. Agar tumhaar pati vachan ke agaiñsṭ jaay hei, to tum aapan chaal chalan se uske jeet lega. Koi aur ke usse kuchh aur bole ke nai rahi,

1 Peeṭa 3:16

Daya aur aadar se jawaab deo aur aapan man safa rakkho. I rakam se tum ulog ke sarmaay dega jon Krisṭ ke biswaasi hoy ke kaaran tumhaar achchha chaal ke baare meñ kharaab bole hei.

2 Peeṭa 1:8

Agar yahi rakam se aage baṛhte rahega, tab i dekhaai ki tum jon kuchh bhi Prabhu Yeeshu Maseeh ke baare meñ janta hei u tumhaar laaif ke laayk banaais aur matlab se bhar dees hei.