Fileman 1:16 - Nawa Haup

¹⁶ lekin ek gulaam ke rakam nai. Unesimus ek daas se bhi kahiñ jaada hei. Hamaar waaste u ek pyaara dost hei, lekin tumhaar waaste u to aur jaada hei, duuno ek admi ke rakam aur Prabhu ke pichchhe chale waala.

Fileman 1:16 Iomraidhean Croise

Methiu 23:8

Lekin tum ‘Guru’ nai bolwaana, kaahe ke tumhaar ekke guru hei, aur tum sab bhaiya aur bahini hei.

Prerito ke Kaam 9:17

Tab Ananias chala gais aur u ghar ke bhittar gais jahañ Sol rahat raha. Ananias Sol ke uppar aapan haath rakh ke bolis, “Sol, hamme Prabhu Yeeshu tumhaar lage bhejis hei. I wahi hei jon tumme rasta meñ dekhaais raha. U maañge hei ki tum fir se dekhe lago aur tum Pawitr Aatma se bhar jaao.”

1 Kurinth 7:22

Jab Prabhu gulaam chune hei, tab ulog ajaad hoy jaay hei. Aur jab u ajaad log ke chune hei, tab ulog Krisṭ ke gulaam hoy jaay hei.

Kolosia 3:22

E gulaam, tum log hardam aapan dharti ke maalik ke baat maano. Kosis karo ki ulog ke sab ṭaaim khusi rakkho, khali u ṭaaim nai jab tum sochta hei ki ulog tumme dekhe hei. Prabhu ke aadar karo aur aapan maalik ke aapan dil se sewa karo.

1 Ṭimathi 6:2

Agar kuchh gulaam ke maalik biswaasi hei, to ulog ke aadar karo. Kaahe ke ulog bhi Maseeh ke biswaasi hei, aur u sab se prem kare hei. Yahi khaatir tum ulog ke jetna hoy sake otna achchha se sewa karo. Yahi sab cheej hei jon tum, log ke sikhaayga aur bataayga ki ulog kare.

Heebru 3:1

Dosto, Parmeshwar tumme chunis hei ki tum uske pawitr jan bano. To Yeeshu ke baare meñ socho, jiske ham log prerit aur baṛa paadri bolta hei!

1 Yuhanna 5:1

Agar ham biswaas kari ki Yeeshu hee sachcha Maseeha hei, to ham log Parmeshwar ke santaan hei. Jon koi bhi Pita se prem kare hei, u sab uske santaan se bhi prem kari.