Fileman 1:1 - Nawa Haup

¹ Pol ke bagal se, jon Yeeshu Maseeh ke sewa kare ke kaaran se jel meñ hei, aur Ṭimathi ke bagal se jon hamaar biswaas ke kaaran hamaar bhaiya bhais. Fileman, tum jon hamaar sañghe kaam karta hei aur ham log ke bahut pyaara hei. I chiṭṭhi tumhaar waaste hei

Fileman 1:1 Iomraidhean Croise

Prerito ke Kaam 16:1

Pol aur Saaylas Dirbe aur Lystra gain jahañ pe Ṭimathi naam ke ek Prabhu ke biswaasi raha. Uske amma ek biswaasi Yahuudi rahi aur uske bappa ek Greek raha.

1 Kurinth 3:9

Apullos aur ham Parmeshwar ke khaatir sañghe kaam karta hei, aur tum sab Parmeshwar ke gaaḍan aur bilḍiñg hei.

2 Kurinth 1:1

Pol ke bagal se, jon Parmeshwar ke chuna gay Yeeshu Maseeh ke prerit raha, aur Ṭimathi ke bagal se, jon uske pichchhe chalat raha. Kurinth ke sab chech ke aur Akhaaya ke sab Parmeshwar ke log ke waaste.

Galeshia 3:26

Tum sab Yeeshu Maseeh meñ biswaas ke kaaran Parmeshwar ke laṛkan hei.

Efisia 3:1

Maseeh Yeeshu hamme aapan keidi banaais, ki jisse ham tum geir Yahuudi log ke madat kare saki.

Efisia 4:1

Jeise ki ham Prabhu ke keidi hei, ham tum se binti karta hei ki i rakam raho jeise ulog ke rahe ke chaahi jon ke Parmeshwar aapan waaste chunis hei.

Efisia 6:20

Ham i kaam kare ke waaste bheja gay raha, aur wahi kaaran ham jel meñ hei. To preya karo ki ham bahaadur rahega aur weise bolega jeise hamme bole ke chaahi.

Filippi 1:1

Pol aur Ṭimathi, Yeeshu Maseeh ke sewak ke bagal se. U sab Parmeshwar ke log tak, jon Krisṭ Yeeshu ke sañghe hei, Filippi meñ aur u sab jon kabhi chech ke agua aur madat kare waala rahin.

Filippi 2:25

Ham sochta hei ki ham aapan pyaara dost Ipfrudeetus ke tumhaar sañghe waapas bheji. U ek chela hei aur ek kaam kare waala aur Prabhu ke ek saulja hei, jeise ham hei. Tum uske hamaar dekhbhaal ke waaste bheja raha,

Filippi 4:3

Aur hamaar sachcha paaṭna, ham tum se binti karta hei ki tum u aurat log ke madat karo kaahe ke ulog hamaar aur Klemens ke sañghe, aur dusra log ke sañghe susamaachaar feilaay meñ kaam karin hei. Ulog ke naam ab jeewan ke buk meñ likhaay gais hei.

Kolosia 1:1

Pol, jon ke Parmeshwar chunis ki Yeeshu Maseeh ke prerit bane, aur Ṭimathi jon uske pichchhe chale waala hei, u log ke bagal se.

Kolosia 4:11

Yeeshu, jon Yustus ke naam se jaana jaay hei, u bhi aapan namaste bheje hei. I teen admi hee Yahuudi log meñ se hamaar saathe Parmeshwar ke raaj ke waaste kaam karin raha. I log hamme bahut sukh deen raha.

1 Thisluneeka 3:2

aur aapan dost Ṭimathi ke tumhaar lage bheji. U ham log ke sañghe Parmeshwar ke sewak ke rakam kaam kare hei aur Maseeh ke baare meñ susamaachaar parchaar kare hei. Ham log mañgta raha ki u tum log ke biswaas meñ majbuut banaay aur tum log ke hausla baṛhaay.

2 Thisluneeka 1:1

Pol aur Saaylas aur Ṭimathi ke bagal se, Thisluneeka ke chech ke, jon hamaar Pita Parmeshwar aur Prabhu Yeeshu Maseeh meñ hei.

2 Ṭimathi 1:8

Ham log ke Prabhu ke baare meñ bole ke nai sarmaao. Aur hamaar waaste bhi saram nai karo, kaahe ke ham uske sewa kare ke kaaran jel meñ bheja gaya. Jon sakti Parmeshwar se aay hei, uske iyuz karo aur hamaar sañghe susamaachaar ke parchaar kare meñ dukh uṭhaao.

Fileman 1:23

Ifraas bhi, Krisṭ Maseeh ke chela bane ke kaaran hiañ jel meñ hei. U aapan namaste bheje hei,

Fileman 1:24

aur yahi rakam Maak, Aristakus, Demaas aur Luuka jon hamaar sañghe kaam kare hei, sab namaste bheje hei.

Fileman 1:9

Lekin ham tumme bolega ki khali prem ke kaaran i karo. Haañ, jeise ki koi ek Yeeshu ke kaaran jel meñ hei.