Wahyu 1:14 - Surat Ralan na'a Vaidida

^14-16 Wahan a vanan ma wean naꞌut i lera ndirlola a. Ulun a ovu Ni vut a rangiar ma wean avat minan. Matan vanan ma wean yafongan. Ean nyadat ma wean tembaga i rasnuri ia naꞌa yafu ma rfamasa roak ia ma nyadat. Vain a dawan ma ngoan a wean saksakan dodun. Liman mela ntaha nara ifitu ovu nahin blawat i namneran mela-balit a, ntali vavan a nma murin.

Wahyu 1:14 Iomraidhean Croise

Matius 28:3

Felan a nyadat ma wean fitik, ovu ni ravit blawat a nangiar ma wean avat minan.

Wahyu 19:12

Matan wean lahir yafongan, ovu kalulu i wean raja baꞌi raklulu, rivun ilaꞌa naꞌa ulun ratan a. Rtulis vaivatul isa naꞌa tenan a, ovu wol tamata isa nkaꞌa vaivatul yai; Ia aꞌuk saꞌi nkaꞌa.

Wahyu 2:18

Ba Duilaꞌa Yesus nfalak verin yaꞌa ne, “Mtulis vali surat verin Ubu Ni sansinir tali lanit ratan i nwanar tamata ovi rorang Yesus rira sidovung naꞌa kota Tiatira. Mtulis wean ini: Ubu Yanan Ni snurak ini. Matan wean yafongan, ovu ean wean tembaga i rasnuri ia naꞌa yafu ma rfamasa roak ma nyadat.