Lukas 20:34 - Surat Ralan na'a Vaidida

³⁴ Yesus nfalak verin ira ne, “Tamata ovi rnaꞌa lanit i vavan ini rsifa,

Lukas 20:34 Iomraidhean Croise

Matius 12:32

Tamata iki watan nfalak sian Yaꞌa, Tamata Yanan Yaꞌa ini, na Ubu veka naꞌi vatuk ni salasilan yai. Naꞌuk wean i nfalak sian Ubu Ni Roh a, na Ubu wol naꞌi vatuk roak ni salasilan ra, naꞌa amar ini ovu naꞌa amar ovi veka rma.

Lukas 16:8

Ba tamata kaꞌi yai nfakaratat ni tamata i baꞌi nasusan ni metan ovu ni kubang ra, tevek ni kakaꞌa, velik ne ni bota dawan. Ufalak wean inyai, tevek tamata ovi wol rorang Ubu rira kakaꞌa ma rasusan rira vavaꞌat ra ovu rotu ma tamata ra inar ira, nlia tali tamata ovi rira vavaꞌat ra naꞌa lyawan ralan.

Lukas 17:27

Naꞌut inyai, na tamata ra rafnaꞌan, rafnenu ovu rsifa wean watan wean a, ti naran amar i Nuh nrata ni kabal a. Nata wear dawan nma ma nfedan munuk ira.

Lukas 20:33

Ba wean inyai, na ti naran amar i tamata matmatan ra rvaꞌat ewal, na iki veka awan mngaꞌun vata yai, tevek brana ifitu yai awar munuk roak ia?”

Efesus 5:31

Terang a valing averi, rfadoku roak naꞌa Surat Ralan ne, “Wean inyai, bi brana veka nsuta talik renan ovu yaman a, ma irua awan a rleal isa. Vata irua brana ralarira isa ma ikisa watan ira.”

Ibrani 13:4

Vata te brana ovi rsifa roak a, musti ralang rira sifa a. Inyai ihin a ne, deka mtyuba ovu vata te brana ovi wol awabira verin ira, tevek Ubu veka nukun mia. Vata te brana ovi wol awabira obin, deka msyifa tia ma watan, tevek Ubu veka nukun vali mia.