Lukas 20:17 - Surat Ralan na'a Vaidida

¹⁷ Naꞌuk Yesus nsiꞌik ira ma nfalak ne, “Wean inyai, na vaivatul ovi rnaꞌa Surat Ralan ini ihin aka? ‘Vatu i tukan ra rvatuk yai, fyawan lia munuk ma al nfangrebat rahan yai.’

Lukas 20:17 Iomraidhean Croise

Matius 21:42

Yesus nfalak verin ira ne, “Mia wol byas obin Ubu Ni vaivatul ovi naꞌa Surat Ralan? Vaivatul avyai wean ini: Vatu i tukan ra rvatuk yai, fyawan lia munuk ma al nfangrebat rahan a. Afa i Duilaꞌa notu lolin urun, ovu notu ma tamata ra rtalkaka.

Markus 10:23

Yesus nsiꞌik lilit Ni tamata ra, na nfalak verin ira ne, “Susa buas ma tamata ovi rkaꞌi ra rtorung ma Ubu nfareta ira wean lahir Raja!”

Markus 12:10

Mia wol byas obin vaivatul ovi rnaꞌa Surat Ralan a? Vaivatul avyai wean ini: ‘Vatu i tukan ra rvatuk yai, fyawan lia munuk ma al nfangrebat rahan yai.

Markus 3:5

Yesus ralan a lalau, tevek ralarira ra rangrebat dalang, ba nsiꞌik lilit ira ovu wahan nangrova. Ia nfalak verin brana yai ne, “Mlauk limam a mwa.” Ia nlauk liman a ma Yesus notu ma lolin lahir ia.

Lukas 19:41

Naꞌut i Yesus nfaseri roak Yerusalem, ma nsiꞌik kota yai, na nvakar lahir.

Lukas 22:37

Mryenar ma lolin afa ovi ufalak ini! Ubu veka nfakena afa ovi rtulis roak naꞌa Surat Ralan a ne, ‘Tamata ra veka rwi-rwa Yaꞌa wean tamata ovi rangal fareta a,’ tevek afa avyai fiang ini vali Ubu mane nfakena lahir naꞌa Yaꞌa.”

Lukas 22:61

Nata Yesus nfulak Ia ma nsiꞌik Petrus, beti Petrus nangnanang nala ewal afa i Duilaꞌa nfalak roak verin ia ne, “Ovan ini manut wol nkukuwai obin, na oa malak nala fatelu roak ne, wol mkaꞌa Yaꞌa.”

Lukas 24:44

Ia nfalak verin ira ne, “Ini afa ovi ufalak roak verin mia naꞌut i itmunuk obin a. Ufalak verin mia ne, afa ovi Musa ntulis roak naꞌa ni kitab ra, ovu nabi liak ra rtulis vali roak naꞌa rira kitab ra, ovu vali naꞌa Mazmur, na irmunuk rfamalik Yaꞌa. Ubu nfadoku roak ma afa avyai fiang ini musti rvotuk munuk roak!”

Yohanes 15:25

Naꞌuk rotu wean inyai ma nfakena afa ovi rtulis roak naꞌa rira Inukun ne, ‘Ira wol inar lahir Yaꞌa, naꞌuk wol rira lola ma wol inar lahir Yaꞌa.’

Kisah 4:11

Rtulis roak naꞌa Surat Ralan ne, Yesus wean vatu i tukan ra rvatuk. Mia wean tukan ovi rvatuk vatu yai: ‘Naꞌuk Ubu nala vatu i byatuk yai ma notu ma wean vatu i fyawan lia munuk ma al nfangrebat rahan yai.’

Efesus 2:20

Terang a valing averi, mia weabira rahan i rfadiri naꞌa fanderen ratan a. Nabi ra ovu rasul rira afa ovi rfamalik ra wean rahan yai ni fanderen a. Naꞌuk Kristus Yesus wean vatu i rfadoku lan lalean naꞌa fanderen a ovu fyawan lia munuk ma al nfangrebat rahan yai, ovu vali Ni dawan nlia munuk.

1 Petrus 2:6

Ubu nfalak naꞌa Ni Surat Ralan a ne, Yesus Kristus wean vatu i fyawan lia munuk ma al nfangrebat rahan a. Vaivatul avyai ngoarira ra wean ini, “Msyiꞌik, Yaꞌa ufili roak vatu isa i fyawan urun a ma neluk vatu i ufadoku lan lalean naꞌa kota Sion. Tamata iki watan norang Ia, na Ia veka not-nala afa ovi ntorung ma nala verin ia, ma ralan a wol lalau.”