Lukas 2:14 - Surat Ralan na'a Vaidida

¹⁴ “Fara traning Ubu! Ia saꞌi dawan Ia ovu nanaꞌa wan i karatat lia munuk a. Naꞌa lanit ivavan ini, fara malinan verin tamata ovi Ubu naflahar roak ira.”

Lukas 2:14 Iomraidhean Croise

Matius 21:9

Tamata rivun rban-orang Yesus, boku rbana ula ira ovu boku vali rban-muri, ovu rafwak ne, “Mya ma traning Raja Daud ubun a nusin a! Ubu naflahar Ia i nma ovu Duilaꞌa naran a. Ubu nanaꞌa wan i karatat lia munuk a, ba traning Ia!”

Lukas 1:79

Ia vanan a veka nyeba munuk tamata ovi rvaꞌat naꞌa dedan ralan a, ovu vali tamata ovi rbobar matmatan. Ia veka novun vali ita ma dida vavaꞌat ra malinan lalawatan.”

Lukas 19:38

Ira rfalak ne, “Ubu naflahar tamata i neluk Raja ma nma ovu Duilaꞌa naran a! Fara dida vavaꞌat ra malinan watan ovu Ubu i naꞌa lanit ratan, ovu tfadawang Ubu i Ni dawan a nlia munuk afakataka.”

Lukas 2:13

Brian munuk, na Duilaꞌa Ni sansinir yai ovu Ni sansinir liak ra vali, rivun ilaꞌa ira rvotuk. Rir tinemun rfadawang Ubu ma rfalak ne,

Lukas 2:15

Ti ma Duilaꞌa Ni sansinir avyai rti talik ira ma rarata ewal lanit ratan, na domba duarira ra rsifalak afa verin ira ne, “Mya ma tati Betlehem ma tsiꞌik afa i Duilaꞌa nfalak roak verin ita.”

Lukas 3:22

ovu Ubu Ni Roh a nsuta wean modarlaka ma ndoku Yesus tenan a. Nata vai isa ntali lanit ratan nma ma nfalak ne, “Oa ini Yanak i ulobang urun a. Oa motu ma ralang a lolin urun.”

Yohanes 14:27

Uti, naꞌuk otu ma ralabira ra malinan watan. Malinan i ntali Yaꞌa, ala verin mia, ovu afa i ala verin mia yai wol wean afa ovi lanit ivavan a nala verin mia. Ba ralabira ra deka kakoꞌu ovu deka byobar.

Yohanes 17:4

Yaꞌa ufaturu roak Mu dawan a naꞌa lanit ivavan a, tevek ot-nala munuk roak afa ovi msinir ma otu ra.

Yohanes 3:16

Ubu Ni silobang dawan urun verin tamata ra naꞌa lanit ivavan a, ma nala lahir Yanan ikisa laloꞌi a, boma tamata iki watan norang Ia, na veka wol nmata kakiwal, naꞌuk veka nvaꞌat, nata ti wol ni wahan.

Kisah 10:36

Ba terang a valing averi, mia mkyaꞌa roak Ubu Ni Ivar i nfalak verin tamata Israel ra. Ivar yai wean ini: tamata ralarira ra veka malinan ovu Ubu, nahu Yesus Kristus i tamata ra munuk rira Duilaꞌa verin Ia.

Roma 5:1

Fiang ini Ubu nala roak ita ma weadida lahir tamata ovi rira vavaꞌat ra rmalola, tevek torang Yesus. Ba dida vavaꞌat ra malinan ewal ovu Ubu, tevek afa i dida Duilaꞌa Yesus Kristus notu a.

Efesus 1:6

Ba tfadawang Ubu, tevek nala roak Ni rala lolin a verin ita. Ni rala lolin yai, dawan urun! Ia nfaturu lahir Ni rala lolin yai verin ita tali Kristus, Yanan i nlobang urun Ia, tevek dida vavaꞌat isa roak ovu Ia.

Efesus 1:9

Ubu ralan kaꞌi nfalak ma nfavotuk verin ita naꞌa afa ovi nvolan roak ma veka notu naꞌa Yesus Kristus. Lan ana, Ubu wol nfavotuk afa avyai obin.

Efesus 2:4

Naꞌuk Ubu Ni silobang a dawan, ba nfaturu lahir Ni rala lolin a verin ita.

Efesus 2:7

Ubu notu wean inyai, boma fiang ini ovu naꞌa amar ovi veka rma ini, na tamata ra munuk veka rkaꞌa lahir ne, Ni rala lolin a dawan lia munuk. Ia nfaturu roak Ni rala lolin a verin ita, naꞌa afa ovi Kristus Yesus notu roak verin ita.

Filipi 2:11

Ira munuk veka rtorung ma rfalak ne, “Yesus Kristus Duilaꞌa Ia.” Afa yai notu ma ira munuk ralang ovu raraning Yamadida Ubilaꞌa.

Filipi 2:13

Myotu wean inyai, tevek Ubu nkarya naꞌa ralabira ra, boma inabira ma myotu afa ovi rfaloling Ubu ralan a, ovu Ia nlobang mia ma myot-nala afa avyai.

Kolose 1:20

Ubu nfadoku lahir ma tali Yanan a, na afakataka munuk naꞌa lanit ivavan ini, ovu vali naꞌa lanit ratan malinan ewal roak ovu Ia. Kristus laran nvoat naꞌa aa walwalur notu ma afakataka munuk malinan ewal ovu Ubu.

2 Tesalonika 2:16

Fara dida Duilaꞌa Yesus Kristus ovu Yamadida Ubilaꞌa nfaloling ovu nfangrebat ralabira ra, boma afa ovi myotu ra, ovu bira vaivatul ra lolin watan. Tevek Ubu nlobang ita ovu Ni rala lolin a, ovu nfaloling lalawatan raladida ra. Ita tfakloꞌi aꞌuk dida vavaꞌat ra verin Ia, tevek tkaꞌa basil ne, veka tnaꞌa lanit ratan.

Wahyu 5:13

Yaꞌa urenar munuk tamata ra ovu afa ovi rvaꞌat naꞌa lanit ratan, ovu ovi rnaꞌa lanit i vavan a, ovu vali ovi rnaꞌa letvava. Urenar munuk vali afa ovi rnaꞌa tahat ralan a. Afa avyai munuk rfalak ne, “Amdedang verin Ia i ndoku wan i Ubu ndoku ma nfareta a, ovu Domba Yanan a. Amfadawang ovu amraning Ia, tevek amalang Ia. Amfakaratat Ia, tevek Ni dawan a rahi lia munuk ovu Ni fareta a dawan lia munuk afakataka. Amfamalik Ia, nata ti wol ni wahan!”