Lukas 12:35 - Surat Ralan na'a Vaidida

^35-36 “Naꞌut inba watan, velik ne ovan te amar, na musti misusan wabira ma lolin ma mkyarya urun verin Ubu. Myotu wean tamata sansinir ovi rnaban duarira ra ma newal ia tali snobsifa. Ira rasusan lalawatan warira ma rkarya ovu rwanar ma lolin rira damar ra ma deka rmata, boma wean i duarira newal ia ma nevan falfolat a, na yarak ti ma rvadil falfolat a.

Lukas 12:35 Iomraidhean Croise

Matius 25:1

Yesus nfalak verin Ni tamata ovi rorang Ia ne, “Naꞌut i veka uma ewal, na Ubu Ni Fareta a wean vaivatul kamkuma naꞌa vata mnelat vutu i rtaha rira damar ra, ma ti rsaꞌa brana i mane nsifa a.

Matius 5:16

Wean vali inyai naꞌa afa lolin ovi myotu ra musti lyawan verin tamata ra, boma rsiꞌik afa lolin avyai ma rfadawang Yamabira i naꞌa lanit ratan a.”

Efesus 6:14

Wean lahir suldadu ra baꞌi rala ngesa al rngesa ira ma ti rotu rihi, na mia wean vali ira, ba misusan bira vavaꞌat a ovu afa ovi kena ra. Bira dardirin a musti nangrebat naꞌa bira inorang a, ovu bira vavaꞌat ra rmalola ovu kena watan. Wean lahir suldadu ra roru ravit tmaꞌan al rteri tenarira ra, na bira afa lolin ovi myotu ra, rotu ma nteri vali mia.

Filipi 2:15

boma tamata ra wol bisma rfasala nala mia, tevek bira vavaꞌat ra rmerat, ovu sian a wol nanaꞌa tenabira ra. Myotu wean inyai, na fyaturu roak ne, Ubu yanan urun mia, ovu vali bira vavaꞌat ra rmerat ovu kena naꞌa tamata kuldawan ovu tamata salasilan fruarira ra. Mia musti myeluk lyawan verin ira, wean nara ovi ryeba lanit ivavan a.

1 Petrus 1:13

Ba wean inyai, bi misusan bira fikiran ra ovu msyiꞌik wabira ma lolin, boma myot-orang munuk afa ovi Ubu ralan nfalak a. Fyakloꞌi aꞌuk bira vavaꞌat ra verin Ubu, tevek myorang urun ne, Ia veka naflahar mia naꞌut i Yesus Kristus veka nma ewal.